Te fundit
Rrezikuan të mbyteshin në Sazan/ Policia: 11 emigrantët po transportoheshin ilegalisht drejt Italisë, pranga 43-vjeçarit
18 Korrik 2026, 13:00Kronika
TEMA
Policia Kufitare e Vlorës ka zbardhur ngjarjen e ndodhur një ditë më parë pranë ishullit të Sazanit, ku 11 emigrantë nga vendet e treta rrezikuan të mbyteshin teksa lundronin me një gomone.
Si rezultat i hetimeve, është arrestuar organizatori i dyshuar i tentativës për transportimin e tyre drejt Italisë. Bëhet fjalë për një 43-vjeçar Masud Emir nga Afganistani, i cili, sipas Policisë, kishte organizuar nga Greqia futjen në mënyrë të paligjshme në Shqipëri të 10 shtetasve të huaj, me qëllim dërgimin e tyre më pas në Itali.
Nga hetimet rezulton se gomonen ai e kishte marrë në Seman të Fierit, në vendin që i ishte dërguar si lokacion nga një shtetas shqiptar, identiteti i të cilit nuk është zbuluar ende. Policia vijon punën për identifikimin dhe kapjen e tij.
Në kuadër të operacionit, specialistët për Hetimin e Krimit në Drejtorinë Vendore për Kufirin dhe Migracionin Vlorë, në bashkëpunim me Prokurorinë, arrestuan 43-vjeçarin për veprën penale “Ndihma për kalim të paligjshëm të kufijve”.
Ndërkohë, u proceduan penalisht për veprën penale “Kalimi i paligjshëm i kufirit shtetëror” edhe 10 shtetasit e tjerë, nga Bangladeshi, Pakistani, Liberia dhe Haiti, të cilët ndodheshin në bordin e gomones.
Sipas Policisë, emigrantët ishin futur ilegalisht në Shqipëri nga territori grek, ndërsa më pas do të transportoheshin me gomone nga Semani drejt Italisë.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
bytheziun MASUD do ishte mire ta hidhnit ne det ,ta hanin peshkaqenet, dhe jo ta kthenit ne shqiperi