Te fundit
Tronditëse në Itali: 27-vjeçarja shqiptare gjendet e vdekur poshtë një ure, ja dyshimet e Policisë
29 Prill 2025, 19:42Kronika
TEMA
Komuniteti i Montecilfone në Itali është tronditur nga një ngjarje tragjike që ka ndodhur mbrëmjen e së hënës, më 28 prill.
Një grua 27-vjeçare me origjinë shqiptare u gjet pa shenja jete pranë një ure të njohur si “Ura e Sherifit”, në rrugën që lidh Larinon me Biferninën. Lajmi është konfirmuar nga autoritetet vendase dhe ka ngjallur reagime të forta në komunitetin lokal.
Sipas informacioneve të para, alarmi u dha nga bashkëshorti i saj, një 51-vjeçar që jetonte në të njëjtin fshat. Ai i tha karabinierëve se ishte shqetësuar për gjendjen e saj dhe kishte dalë ta kërkonte, duke e gjetur më pas të varur në një pemë pranë mbikalimit. Në vendngjarje ndërhynë menjëherë karabinierët, zjarrfikësit e Termolit dhe ekipet mjekësore të emergjencës, të cilët fatkeqësisht konstatuan vdekjen.
Prokuroria Publike e Larinos ka hapur një hetim me hipotezën e “nxitjes për vetëvrasje”, për të sqaruar rrethanat e plota të ngjarjes. Autopsia është urdhëruar dhe do të kryhet më 2 maj në morgun e spitalit “San Timoteo” në Termoli.
Sipas burimeve lokale, gruaja jetonte vetëm me djalin e saj shtatëvjeçar dhe punonte në një qendër për pritjen e emigrantëve. Thuhet se ajo kishte ndërprerë marrëdhënien me bashkëshortin pas një krize martesore. Vetë burri i saj, i cili ka një të kaluar me probleme me ligjin, u mor në pyetje për orë të tëra nga hetuesit, por për momentin nuk ka persona të dyshuar të regjistruar në hetim.
Banorët e fshatit, të tronditur nga humbja, e kujtojnë të renë si një nënë të përkushtuar dhe të dashur, që kishte një lidhje shumë të fortë me të birin. Dyshimet për rrethanat e vdekjes janë të shumta, me shumë prej të afërmve dhe njohësve që e kanë të vështirë të besojnë në një vetëvrasje. “Ajo ishte gjithmonë e buzëqeshur, fëmija i saj ishte jeta e saj,” thonë të njohurit e saj.
Hetimet po vazhdojnë me konfidencialitet të lartë, ndërsa komuniteti lokal është në pritje të zbardhjes së së vërtetës për ngjarjen që ka lënë pas një fëmijë pa nënë dhe shumë pyetje pa përgjigje.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Berisha ka rrjedhur.Në kongresin e EPP në Valencia, nuk flet për emigrantët shqiprar që therren, burgosen, jan në depresion, pa bukë, pa punë, pa lekë, pa çati ( ku ishte dhe rasti i kengetares kavajse Simaku), por bën mitinge me diasporën në itali, Greqi ., për të fituar 280 000 votat e emigrantëve dhe rrjepur ata pak njerëz të drejt që me shum mundime kan kursyer ndonjë kacidhe që po ju a rrëmben për të paguar 6 milion dollar për pastrim imazhi.Flet te kongresi EPP (para kryeministrit Grek ) për 10 000 lekë bonus të pensionistëve , ku e sheh si manipulim, dhe fyen Partis Socialiste , sikur të huajt do mallëngjehen nga bufi kënetës që SPAK do i tregoj vëndin siq u soll me Ilir Metaj.