Te fundit
VIDEO: Aksion si në filma në rrugët e Tiranës, efektivë të shumtë policie arrestojnë 31-vjeçarin që përplasi disa makina
23 Maj 2025, 10:50Kronika
TEMA
Një skenë aksion, si të ishte duke u xhiruar një film, u regjistruar mëngjesin e kësaj të premteje në rrugët e Tiranës, ku një person u arrestua nga efektivë të shumtë policie.
Ngjarja ndodhi në rrugën “Fortuzi” pranë Shkollës Jeronim DeRada. Edhe pse nuk ka ende informacion zyrtar nga ana e bluve të kryeqytetit, nga pamjet shihet që personi i arrestuar, nxirret me forcë nga një makinë tip Land Rover nga efektivë të shumtë policie.
Në pamje shihet edhe një makinë tip Range Rover e përplasur ndërsa dëme ka pësuar edhe një makinë e policisë.
I arrestuari ishte një 31-vjeçar, me probleme të shëndetit mendor, i identifikuar si Enis Vrapi.
Sipas burimeve, veprimet e rrezikshme të të riut nisën që te zona e Medresesë me makinën e tij ai nisi të përplaste disa mjete policie dhe vuri në rrezik jetën e qytetarëve. Brenda mjetit policia i gjeti edhe një armë lodër.
10 ditë më parë ai është ndaluar sërish nga policia dhe ishte shtruar në Spitalin Psikiatrik, por nuk dihen rrethanat e daljes së tij prej andej.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
pordhicia pordhicia por edhe pak pordhet e ilustruara nga gazecaria
Futni ne burg doktorin .Ai qenka me probleme qe e ka lene te largohet nga psikiatria.