Te fundit
VIDEO/ Droni ‘fundos’ pronarin e banesës, i evidenton në oborr fidanët e kanabisit
21 Prill 2023, 13:12Kronika
TEMA
Një person ka rënë në prangat e Policisë së Kurbinit, pasi akuzohet për kultivim të bimëve narkotike në banesën e tij.
Uniformat blu bëjnë me dije se përes vëzhgimit me dron është bërë i mundur zbulimi i 94 fidanëve të kanabisit në banesën e Valentin Carës, i cili është arrestuar nga policia.
Ndërkohë policia vijon me kontrollet në terren, në zona të pyllëzuara dhe në ambiente të tjera, për parandalimin dhe goditjen e kultivimit të bimëve narkotike.
Njoftimi i plotë:
Kurbin
Finalizohet operacioni policor i koduar “Imazhi”, për goditjen që në fazë fillestare të një tentative për kultivim të bimëve narkotike.
Operacioni, rezultat i kontrolleve në terren me shërbime të shtuara dhe logjistikë bashkëkohore.
Evidentohen nëpërmjet përdorimit të dronit, të fshehur pas një banese dhe të kultivuar në kubikë, fidanë të bimës narkotike cannabis sativa.
Kapet në flagrancë dhe arrestohet pronari i banesës, autor i dyshuar i këtij rasti kultivimi.
Në zbatim të planit operacional mbarëkombëtar, të hartuar nga Drejtoria e Përgjithshme e Policisë së Shtetit, për intensifikimin e kontrolleve, me shërbime të shtuara dhe logjistikë bashkëkohore, me qëllim parandalimin dhe goditjen e tentativave që në fazë fillestare, të kultivimit të bimëve narkotike, shërbimet e Komisariatit të Policisë Kurbin, në kuadër të operacionit policor të koduar “Imazhi”, kanë goditur një rast tjetër të kësaj veprimtarie kriminale.
Si rezultat i kontrolleve në kuadër të këtij operacioni, përmes përdorimit të dronit, u konstatuan në kubikë, 94 fidanë të dyshuar narkotikë kanabisi, të fshehur pas banesës së shtetasit V. C., i cili u arrestua në flagrancë si autor i dyshuar i këtij rasti kultivimit.
Fidanët e dyshuar narkotikë, në kubikë, u sekuestruan në cilësinë e provës materiale.
Kontrollet në terren, në zona të pyllëzuara dhe në ambiente të tjera, për parandalimin dhe goditjen e kultivimit të bimëve narkotike, vijojnë.
Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo policia! Kapi fukarain që me ato fidanët do ndërtonte një hotel madhështor vitin tjetër. Pffff.
Kjo Pffff eshte por.dhe apo ndonje gje tjeter? Ky ka mbjelle fidane droge, jo pak po 94 rrenje. Keta po i bejne namin Erjon Veliajt per peme te zakonshme, po ja numerojne. Kush mundohet te behet i pasur me droge e hashash, duhet ta quaje deren e shtepise, dere burgu, te llogarisi edhe burgun.