Ervis Martinaj udhëtime drejt Kosovës, Spanjës dhe Austrisë, çfarë dyshohet mbi zhdukjen misterioze të tij

14 Shtator 2022, 17:20Kronika TEMA

Ervis Martinaj udhëtime drejt Kosovës, Spanjës dhe Austrisë,

“Policia e Shtetit sot nuk di ta thotë akoma, ore u vra apo nuk u vra”. Kështu u shpreh kryeministri Edi Rama për zhdukjen e Ervis Martinajt javë e kaluar.

1 javë më pas Policia e Shtetit, ende nuk e ka një përgjigje për fatin e të shumëkërkuarit Ervis Martinaj.

Në hetime është angazhuar edhe sektori i krimeve të rënda në Drejtorinë e Përgjithshme pasi prokuroria e Kurbinit po e heton çështjen për rrëmbim personi.

E telenovela, ashtu siç e cilësoi kryeministri, me shumë gjasa do të vijojë pasi hetuesit ende nuk kanë gjetur prova konkrete për të dalë në një konkluzion.

Euronews Albania ka siguruar foton dhe të dhëna nga sistemi TIMS, ku para shpalljes në kërkim Martinaj figuron të ketë patur dalje të shpeshta në Kosovë.

Në këtë periudhë në rrugë operative policia disponon të dhëna për udhëtime të tij edhe drejt Spanjës e Austrisë.

Nga ana tjetër ka dyshime se 40-vjeçari mund të ketë përdorur edhe dokumente të falsifikuara.

Paralelisht me pistën e rrëmbimit, policia po heton edhe një inskenim të mundshëm.

Çështja vijon të hetohet nga prokuroria e Kurbinit ndonëse Martinaj kërkohet nga SPAK pasi i shpëtoi operacionit “Plumbi i artë”.

 

2 Komente

  1. Z
    Zjarri

    Prokuroria e fshatit Kurbin eshte me kopetentja ne Albani...telenovela vazhdon...

    1. Roberto

      Prokuroria e Kurbinin mund te jete e implikuar me personat problematike. Bene mire qe u bene ndryshime dhe akoma duhen bere te tjera pasi llumi ka hyre thelle neper qoshe dhe do kohe te dale.

      Lini një Përgjigje