Te fundit
Vrasja e ish-efektivit Roland Rexhepi në vitin 2009, identifikohet autori i 5-të i përfshirë në krim
23 Qershor 2024, 09:02Kronika
TEMA
Një tjetër autor është identifikuar nga policia, i implikuar në vrasjen e ish-efektivit të policisë Roland Rexhepi në vitin 2009.
"Vijon intensivisht puna hetimore nën drejtimin e Prokurorisë për zbardhjen dhe dokumentimin ligjor të ngjarjeve të vjetra kriminale, si dhe për identifikimin dhe kapjen e personave të përfshirë në to.
Si rezultat i hetimeve, identifikohet një tjetër autor i implikuar në një vrasje, të ndodhur në vitin 2009.
Në bashkëpunim me Interpol Tiranën dhe partnerët vijon puna intensive për lokalizimin dhe kapjen e tij.
Për këtë ngjarje janë arestuar 4 shtetas, njëri prej të cilëve është ekstraduar nga Anglia, 2 muaj më parë.
I ekstraduari nga Anglia i lokalizuar falë informacionit që dispononte DVP Elbasan dhe Departamenti i Policisë Kriminalë, si edhe shkëmbimit në kohë të informacionit me autoritetet ligjzbatuese angleze.
Sektori për Hetimin e Krimeve të Rënda në DVP Elbasan në drejtimin e Prokurorisë së Juridiksionit të Përgjithshëm Elbasan si rezultat i hetimeve intensive proaktive për zbardhjen e ngjarjeve kriminale të ndodhura më parë, si edhe identifikimin e shtetasve të përfshirë në to, identifikuan dhe shpallën në kërkim shtetasin G. B., 50 vjeç, banues në Elbasan.
Gjykata e Rrethit Gjyqësor Elbasan, ka caktuar ndaj këtij shtetasi masën e sigurisë "Arrest në burg", për veprën penale "Vrasja me paramendim", kryer në bashkëpunim dhe "Mbajtja pa leje dhe prodhimi i armëve, armëve shpërthyese dhe municionit".
Shtetasi G. B., dyshohet se në bashkëpunim me shtetasit A. Ll., M. T., F. Sh. (të arrestuar) dhe D. H., (i ekstraduar nga Anglia 2 muaj më parë), kanë vrarë shtetasin R. R., në vitin 2009, në Elbasan.
Strukturat hetimore të DVP Elbasan në bashkëpunim me Prokurorinë vijojnë intensivisht punën për sigurimin e provave me qëllim zbardhjen dhe dokumentimin ligjor të ngjarjeve kriminale të ndodhura më parë'', - njofton policia.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk eshte mire te flasesh keq per te vdekurit,por ndonje here duhet thene e verteta,Doda se keshtu e njihnim ishte arbut i Kosenit e perdorte Kosen Hajduti si donte qefi.Isha duke udhetuar me familjen rruges se pashtruar ne ate kohe qe lidhe Peqinin me Elbasanin,vetem kur kaluan trimat e Kosenit me sirena, neve ishim ne regull,une qe po udhetoja me familjen time,gruan e tre femijet,ishim ne regull duke ecur me shpejtesine e lejuar. Vetem kur nje blind police kuptohet makine policie na zuri rugen dhe nga brenda dolen kriminelet e Kosenit kam fiksuar Doden dhe Xhaferin te cilin e njihja qe ne Itali merej me fera dhe pislliqe te tjera. Nuk ma pertuan po me nxoren zvare nga makina e me rrahen ne sy te familjes,qe nuk do ta deshiroja kurre e nuk do ta harroj kurre,pa patur anse faj.