Zbardhet plagosja me armë zjarri në Shkodër, arrestohet në Berlin autori i dyshuar

10 Shkurt 2024, 16:30Kronika TEMA
Zbardhet plagosja me armë zjarri në Shkodër, arrestohet në

Është zbardhur ngjarja e ndodhur më 8 shkurt në Shkodër ku si pasojë e të shtënave me armë zjarri mbeti i plagosur Selami Brahimi.

Autori i dyshuar i ngjarjes, Sulejman Kapllani është arrestuar në Gjermani dhe pritet ekstradimi i tij drejt Shqipërisë.

Njoftimi i policisë:

Falë bashkëpunimit dhe shkëmbimit të informacionit ndërmjet Interpol Tiranës dhe Interpol Wiesbaden, u bë i mundur lokalizimi, kapja dhe arrestimi me qëllim ekstradimin drejt Shqipërisë, i autorit të dyshuar të kësaj ngjarjeje.

Në vijim të hetimeve të thelluara për zbardhjen e rrethanave të rastit, si dhe për identifikimin dhe kapjen e autorit të plagosjes së shtetasit S. B., të kryer më datë 08.02.2024, strukturat hetimore të Drejtorisë Vendore të Policisë Shkodër, në bashkëpunim me Prokurorinë, bazuar në provat dhe në informacionet e siguruara, identifikuan dhe shpallën në kërkim autorin e  dyshuar, shtetasin S. K.

Si rezultat i një hetimi intensiv dhe profesional të kryer nga strukturat hetimore të DVP Shkodër, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, dhe falë inteligjencës policore, u sigurua informacion se autori i dyshuar kishte udhëtuar drejt Berlinit.

Në kuadër të një operacioni të përbashkët,  të koduar “Koordinimi”, të kryer në bashkëpunim me Interpolin dhe me homologët gjermanë, është kapur në qytetin e Berlinit, Gjermani, i shpalluri në kërkim ndërkombëtar shtetasi S. K., 68 vjeç, banues në lagjen “Guerile”, Shkodër.

Shtetasi S. K. dyshohet si autori kryesor i ngjarjes së datës 08.02.2024, në Shkodër, ku ka qëlluar me armë zjarri në drejtim të automjetit të markës “Citroen”, për të vrarë shtetasin S. B., banues në lagjen “Guerile”, Shkodër.

Ndaj shtetasit S. K., Prokuroria kishte lëshuar një urdhër ndalimi për veprat penale “Vrasja me paramendim”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe municionit”.

Sqarojmë se strukturat kundër krimeve të rënda të DVP Shkodër kanë sekuestruar në cilësinë e provës materiale, armën me të cilën është ekzekutuar vepra penale, një AK-47, së bashku me krehra me fishekë, si dhe automjeti i përdorur për transportimin e autorit.

Bashkëpunimi i shërbimeve tona policore me Interpolin është një dëshmi e angazhimit të përbashkët për luftën kundër krimit të organizuar dhe krimeve të rënda.

Policia e Shkodrës po vazhdon hetimet për të zbardhur të gjithë rrethanat e ngjarjes dhe për të vënë përpara drejtësisë dhe autorë të tjerë të mundshëm të implikuar.

4 Komente

  1. S
    Si Policia Evropiane 1 .

    Shembull i shkelqyer i Policise....Nje bravo te madhe ne pergjethsi.... Taman si Policia e Evropes....... Ai nga ballkoni kati i tete qe ulerete si derrat,,,, jepte urdhera , qe u larguan ne drejtim te pa ditur...

    1. S
      Si Policia Evropiane 1 .

      Shembull i shkelqyer i Policise....Nje bravo te madhe ne pergjethsi.... Taman si Policia e Evropes....... Ai nga ballkoni kati i tete qe ulerete si derrat,,,, jepte urdhera , qe u larguan ne drejtim te pa ditur...

      1. N
        Noku

        Bravo policia. Nese sigurojne qetesi , njerezit nuk kane pse ikin. Suksese dhe ne ngjarje te tjera.

        1. A
          Arti

          Sulo Kapllani do haje kallepin e sapunit tek qelite e "ngrohta" ????

          Lini një Përgjigje