Te fundit
Zjarr në fshatin Bulçar të Gramshit, helikopterët ndërhyjnë për të shuar flakët
21 Shtator 2025, 09:15Kronika
TEMA
Prej dy ditësh, fshati Bulçar në Njësinë Administrative Kodovjat, Bashkia Gramsh, po përballet me një zjarr masiv që ka përfshirë një sipërfaqe të gjerë pyjore, duke e kthyer këtë ngjarje në një nga vatrat më serioze të muajit shtator në qarkun e Elbasanit.
Flakët kanë shkrumbuar një sipërfaqe të konsiderueshme dhe kanë rikthyer kujtimet e zjarreve shkatërruese të gushtit 2025, kur qindra hektarë pyje u dogjën.
Zjarri i fundit u shfaq në orët e para të mëngjesit të së shtunës dhe pavarësisht se një pjesë e tij është izoluar, situata mbetet alarmante.
Terreni i thyer dhe era e fortë kanë bërë që ndërhyrja nga toka të jetë e vështirë, duke detyruar autoritetet të angazhojnë helikopterë, të cilët aktualisht po operojnë për të frenuar përhapjen e flakëve drejt zonave të banuara dhe sipërfaqeve me rëndësi ekonomike.
Sipas Ilir Llapushit, Shef i Shërbimit të Mbrojtjes nga Zjarri dhe Shpëtimit në Bashkinë Gramsh, forcat zjarrfikëse, punonjës të bashkisë dhe vullnetarë kanë punuar pa ndërprerje gjatë gjithë fundjavës, por terreni i vështirë ka bërë që të përballen me sfida të mëdha.
“Zjarri është përhapur me shpejtësi për shkak të erës së fortë dhe temperaturave të larta. Ka qenë shumë i vështirë për t’u kontrolluar. Aktualisht jemi ende në operacione intensive për të shmangur përhapjen në zona të tjera të rrezikuara,” deklaroi mëngjesin e sotëm Llapushi për "Balkan Web".
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
e shkaterruan nje nga perlat me te bukura te shqiperise, gramshin, kjo gje eshte e organizuar dhe keta bastarde qe vendosin zjarr duhet te kapen dhe te tregojne se per ke punojne dhe me pas duhet te digjen si ne mesjete mbi turren e druve, mens e paskan kaq shume qejf zjarrin