Te fundit
Billie Eilish mbretëron në AMA 2025, Eminem dhe Beyonce surprizojnë me rikthime
28 Maj 2025, 09:53Kulturë
TEMA
Spektakli i American Music Awards 2025, solli një mbrëmje të mbushur me emocione, rikthime të mëdha dhe fitues të merituar.
Ylli i padiskutueshëm i natës ishte Billie Eilish, e cila dominoi ceremoninë duke fituar shtatë kategoritë ku ishte nominuar. Ajo u nderua me çmime si Artisti i Vitit, Albumi i Vitit dhe Kënga e Vitit, të gjitha për projektin e saj të fundit “Hit Me Hard and Soft” dhe këngën “Birds of a Feather”.
Eminem u rikthye në skenën e AMA, duke fituar për herë të parë në 15 vjet, me dy çmime të rëndësishme: Artisti Mashkull i Preferuar i Hip-Hop-it dhe Albumi i Preferuar i Hip-Hop-it për “The Death of Slim Shady (Coup De Grâce)”.
Beyonce, e cila këtë vit eksperimentoi me muzikën country, fitoi dy çmime në këtë zhanër, duke përfshirë Albumin e Preferuar Country me “Cowboy Carter”.
Në mesin e artistëve të rinj, Gracie Abrams u shpall Artistja e Re e Vitit, ndërsa bashkëpunimi mes Lady Gaga dhe Bruno Mars, “Die With a Smile”, u shpërblye si Bashkëpunimi i Vitit dhe Videoklipi Muzikor i Preferuar.
Mbrëmja u drejtua nga Jennifer Lopez, e cila u rikthye pas një dekade për të hapur shfaqjen me një përzierje energjike të 23 prej hiteve më të mëdha të vitit të kaluar.
Rod Stewart u nderua me Çmimin për Arritje në Jetë, shoqëruar nga një performancë emocionale e “Forever Young”, përpara pesë fëmijëve të tij të pranishëm në publik.
/RTSH/
Më të lexuarat
24 oret e fundit
Javen e fundit
Blog Tema
Lini një Përgjigje