Te fundit
Galeria “Art Saranda”, përgatitet për të çelur ekspozita të reja për sezonin turistik
29 Maj 2025, 20:23Kulturë
TEMA
Galeria “Art Saranda” për çdo vizitor ofron një fond të qëndrueshëm prej disa koleksionesh veprash të periudhave të ndryshme. Ndërkohë gjatë këtyre ditëve kjo galeri po përgatitet për çeljen e ekspozitës së parë nga talentet e reja të shkollave të Sarandës.
“Jemi duke punuar për të çelur ekspozitën me talentet e reja që janë djem dhe vajza më të talentuar nga shkollat e rajonit të bashkisë tonë. Ekspozita do të çelet me datë 1 qershor dhe çdo vit ka qenë e suksesshme se bashkë me nxënësit vijnë edhe mësuesit, prindërit dhe bëhet një festë e vërtet e talenteve të reja”, u shpreh drejtori i galerisë, Lefter Çeko.
Drejtori i Galerisë, Lefter Çeko, evidenton si vlerë të veçantë faktin që përgjatë sezonit të verës do të presin artistë nga Kosova, por dhe të huaj ,të cilët do të ekspozojnë artin e tyre.
“Kemi dhe artistë, ekspozita që janë në përgatitje e sipër me skulptor nga Kanadaja, më pas do të bashkëpunojmë me ambasadën e Çekisë dhe kemi artistë që do na vijnë nga Kosova, pra në këtë formë programohet e gjithë vera dhe ka kërkesa plotë”, tha Çeko.
Të gjitha objektet që janë të ekspozuara në ambientet e galerisë përfshijnë skulptura abstrakte, piktura moderne dhe piktura që shfaqin historinë e vendit.
/RTSH/
Më të lexuarat
24 oret e fundit
Javen e fundit
Blog Tema
Lini një Përgjigje