Te fundit
Jetëndërrimi i Apostullit dhe Ungjillorit Joan/ Patriarku i Moskës dhe i Gjithë Rusisë uron Fortlumturinë e Tij Joan (FOTOT)
26 Shtator 2025, 15:31Kulturë
TEMA
Ditën e sotme, Kisha Orthodhokse Autoqefale e Shqipërisë kremtoi me solemnitet Jetëndërrimin e Apostullit dhe Ungjillorit Joan.
"Festa e Emrit të Kryepiskopit Joan në Ditën e Jetëndërrimit të Shën Joan Teologut
26 Shtator – Një Ditë e Bekuar dhe e Gëzuar për të gjithë Kishën tonë
Në këtë mëngjes Shtatori, kur rrezet e diellit përshkonin kupolën e Katedrales "Ngjallja e Krishtit" në Tiranë, u kremtua me solemnitet dhe gëzim të thellë dita e emrit të Fortlumturisë së Tij, Kryepiskopit të Tiranës, Durrësit dhe gjithë Shqipërisë, Fortlumturisë së Tij Imzot Joanit, në të kremten e Jetëndërrimit të Shën Joan Teologut.
Kisha katedrale "Ngjallja e Krishtit" ishte mbushur plot me besimtarë. Të gjithë Hierarkët e Kishës Orthodhokse Autoqefale të Shqipërisë, Mitropoliti i Fierit Hirësi Nikolla, Mitropoliti i Elbasanit Hirësi Andoni, Mitropoliti i Gjirokastrës Hirësi Nathanaili, Mitropoliti i Beratit Hirësi Asti si edhe Mitropoliti i zgjedhur i Korçës Hirësi Anastasi, ishin të pranishëm, të bashkuar në një frymë dashurie vëllazërore dhe nderimi për Fortlumturinë e Tij, i cili me përkushtim, besim, dashuri dhe urtësi po udhëheq Kishën tonë të Shenjtë në këto kohëra ringritjeje shpirtërore.
Nga të gjitha Mitropolitë e vendit kishin ardhur besimtarë të të gjitha moshave, për të marrë pjesë në këtë ditë të shenjtë.
Pas Liturgjisë Hyjnore, nuk munguan urimet e përzemërta dhe fjalët e ngrohta që shprehën mirënjohje për shërbimin fisnik dhe plot përkushtim dhe dashuri të Kryepiskopit Joan.
Një pritje solemne u zhvillua më pas në Sallën e Pritjeve të Qendrës Sinodike, pranë kompleksit të Katedrales "Ngjallja e Krishtit", ku u mblodhën Hierarkë, Klerikë, Përfaqësues të jetës publike, miq e bashkëpunëtorë të afërt të Kishës.
Në çdo shikim, në çdo përqafim, bekim dhe urim, ndjehej fryma e një dashurie që nuk zbehet, një mirënjohje që nuk harrohet, dhe një besim i palëkundur në udhëheqjen hyjnore që Fryma e Shenjtë i ka besuar Kryepiskopit tonë Imzot Joanit. Emri i tij, i lidhur ngushtë me emrin e Shën Joanit – Apostullit të dashurisë dhe Ungjillorit të dritës – është një bekim për Kishën tonë, e cila, nën drejtimin shpirtëror të Tij, vijon të ndriçojë në paqe dhe dashuri ungjillore.
Gëzuar ditën e Emrit, Fortlumturi!
Vite të gjata dhe të bekuara në krye të Kishës sonë!
MEDIA NGJALLJA 26 SHTATOR 2026" - shkruan Kisha.
Ky kremtim përkon me ditën e emrit të Fortlumturisë së Tij, Kryepiskopit të Tiranës, Durrësit dhe gjithë Shqipërisë, Imzot Joanit.
Fortlumturia e Tij, Joani, dha mesazhin për besimtarët orthodhkosë. Kryepiskopi Joan u shpreh se dashuria e vërtetë është të mos e lësh tjetrin të bjerë në greminë.
Më tej, Fortlumturia e Tij tha se edhe shenjtorët e mëdhenj i qortonin të tjerët që të ktheheshin në rrugën e drejtë. Kryepsikopi u shpreh se Zoti na qorton sepse na do dhe na thotë që duhet të duam dhe armiqtë.
“Shenjti tha: doni njëri-tjetrin dhe është mjaft. Dashuria është shtrembëruar pak, duke përkëdhelur i çojmë në gabim.
Dashuria e vërtetë është të flasësh e mos ta lësh të bjerë në greminë. S’ka dashuri më të madhe se Perëndia. Shenjtorët e mëdhenj i qortonin të tjerët që të ktheheshin në rrugën e drejtë.
Sot duhet të meditojmë rreth dashurisë që ka Zoti për ne. Na qorton sepse na do. I mençuri e kupton se ti e ke qortuar sepse e do. Mëria e shkatërron njeriun. Duhet t’i duam të gjithë njerëzit. Zoti na thotë që duhet të duam dhe armiqtë”, u shpreh Fortlumturia e Tij.
LETËR URIMI E FORTLUMTURISË SË TIJ, PATRIARKUT TË MOSKËS, KIRILIT, ME RASTIN E FESTËS SË EMRIT TË KRYEPISKOPIT JOAN
Fortlumturisë së Tij, Joanit
Kryepiskop i Tiranës, Durrësit dhe Gjithë Shqipërisë
Vëlla i dashur më Zotin dhe bashkëmeshtar në altarin e Tij të Shenjtë,
Ju lutem të pranoni urimet e mia të përzemërta në ditën e emrit tuaj - kur përkujtojmë Apostullin dhe Ungjillorin e shenjtë Joan Theologun, mikun e vërtetë dhe fort të dashur të Krishtit (nga Vargëzimet e shenjtorit).
Duke gjetur forcë nga ndërmjetimet e shenjtorit tuaj mbrojtës dhe me përpjekjen për t’u mbështetur për të gjitha te Perëndia, ngrini kryqin e rëndë të shërbimit si primat, me përulësi e dashuri, në shërbimin priftëror të ungjillit të Zotit (Rom. 15:16) në tokën e bekuar të Shqipërisë.
Perëndia i shumëmëshirshëm ju dhëntë paqe dhe shëndet, ripërtërittë fuqitë tuaja trupore e shpirtërore, dhe ju dhëntë ndihmë të bollshme në punët tuaja baritore.
Me dashuri vëllazërore në Krishtin,
Patriark i Moskës dhe i Gjithë Rusisë
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Urimet me te mira Kryepeshkopit Joan. Le te beje nje Kishe shqiptare dhe le te nderoje edhe te 5 kryepeshkopet e viteve 1922-1967 me ne Krye Fan Nolin, te cilet KOASH i ka harruar.
Ne shqip quhet Krypeshkop jo kryepiskop. Ne shqip quhet kisha Ortodokse dhe jo kisha orthodhokse.
Mos je ven re, eshte menyra e vetme te duket si i ditur gazetari….
Lloji i karit....sakt/orthos thuhet orthodhox
Jete te gjate, te lumtur dhe produktive, kryepeshkopit tone Joan, ne sherbim te humanizmit, me te larte njerzor, qe rrjedh, nga filozofia e kishes ortodokse, qe ka ne themelet e saj patriotizmin shqiptar, qe ka luftuar ne shekuj, me pushke e pene per memedhene.
Këto lajmet për fenë, qoftë ajo e krishterë apo muhamedane, ma shpifin.
Arapi mou sunit or shiit, kristian kurresesi....Perendia na rujt nga te tredhurit/atheos.... imagjinoni nje pako pa emer,pa mumer,pa identity ne nje raft supermarket!!!Mund te jet nje kuti me mut a bombe. Nje njeri atheos/i tredhur mund te jete nje i cmendur a UFO!!! Ti,ne cilin variant je!? Normalisht ti si nje korrak sunit or shiit,te vjen turp per identity tend muslimon (ku normal qe nuk perben mekat edhe i tille) zgjodhe....bastadhon,pra....atheos!!! Te pakten keshtu hiqesh, sa je gjalle se kur te shkosh ke mali do te marresh nje karro dhe me nje gjysme hene te koka..... hahahaha, allah uakbar!