Te fundit
Klubi i filmit "Mësojmë nga e kaluara" / Mbahet aktiviteti i përbashkët mes Arkivit të Filmit dhe Autoritetit të Dosjeve
18 Dhjetor 2025, 17:14Kulturë
TEMA
“Klubi i Filmit” titullohej aktiviteti i përbashkët mes Autoritetit për Informimin mbi Dokumentet e ish-Sigurimit të Shtetit dhe Arkivit Qendror Shtetëror të Filmit.
Të pranishmit në aktivitet, diskutuan mbi filmin “Vitet e para”, i bazuar në romanin “Këneta” të Fatmir Gjatës. Ata trajtuan marrëdhëniet mes artit, propagandës dhe historisë gjatë regjimit komunist në Shqipëri. Diskutimi e lidhi filmin me kinematografinë dhe teatrin shqiptar të prodhuar në vitet e diktaturës, si mjete të indoktrinimit dhe ndërtimit të një kujtese të deformuar.
“Klubi i Filmit” propozon që filmat e kësaj periudhe të vijojnë të shfaqen për publikun, por të shoqëruar me komente dhe analiza kritike, me qëllim që të sqarohet e vërteta historike e ngjarjeve dhe e personazheve, përmes dokumenteve arkivore dhe dëshmive reale, duke ndihmuar veçanërisht brezat e rinj të dallojnë propagandën nga realiteti.
Ky takim është pjesë e cikleve të klubit të filmit “Mësojmë nga e kaluara”, ku në fokus janë temat e luftës së klasave, shkeljes së të drejtave themelore të njeriut, dënimi i inxhinierëve të Maliqit nga regjimi, si edhe simbolika filmike që pasqyron realitetin e një epoke të errët të historisë sonë.
A.K./TemA
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ne Gjermanine naziste SHBA dhe Aleatet i ndaluan te gjitha filmat e periudhes nazite per tu çfaqur ne publik. U lane per tu pare vetem nje pjese e tyre dhe publiku duhej te ishte nga radhet akademike e jo nga popullsia e gjere qe amerikanet i cilesuan "budallenj". A ka ndonje njesi matese qe te thote se sa budallenj filmat e Kinostudjos i kane bere shqiptaret?