Te fundit
“Kpop Demon Hunters” bëhet filmi më i shikuar ndonjëherë në “Netflix”
28 Gusht 2025, 18:58Kulturë
TEMA
Filmi vizatimor “Kpop Demon Hunters” është ngjitur në krye të listave të “Netflix”-it për t’u bërë filmi më i shikuar ndonjëherë në platformën e transmetimit.
“BBC” shkruan se që nga publikimi i tij në qershor, filmi i animuar muzikor është parë më shumë se 236 milionë herë, duke kaluar dhe “Red Notice” që deri tani mbante vendin e parë. Ky është suksesi më i fundit në një sërë arritjesh për filmin, i cili është kthyer në një hit global të papritur.
Këngët nga filmi janë ndër më të dëgjuarat online në “Spotify”, me këngën “Golden” që arriti në vendin e parë të listës së “Billboard Hot 100” në fillim të këtij muaji.
Filmi tregon aventurat e grupit imagjinar të vajzave të K-pop, “Huntr/x“, ku tre anëtaret përdorin muzikën dhe aftësitë e tyre për të luftuar demonët dhe për të mbrojtur njerëzit. Filmi u lançua në qershor me një premierë modeste në teatrin Tudum të “Netflix”-it në Los Anxhelos.
Por gjatë verës, ai fitoi popullaritet përmes fjalës së gojës, videove virale dhe memeve në rrjetet sociale.
10 filmat më të shikuar në historinë e “Netflix“:
1.KPop Demon Hunters
2.Red Notice
3.Carry-On
4.Don’t Look Up
5.The Adam Project
6.Bird Box
7.Back in Action
8.Leave the World Behind
9.The Gray Man
10.Damsel/tvklan.al
Më të lexuarat
24 oret e fundit
Javen e fundit
Blog Tema
Lini një Përgjigje