Te fundit
“Kush merr kryeqytetin, merr pushtetin”, si u përgjak Tirana më 1944 nga Enveri dhe Mehmeti! U vranë intelektualët dhe nacionalistët, ja dëshmitë
23 Nëntor 2024, 20:11Kulturë
TEMA
DR. URAN BUTKA
Krahas luftës për çlirimin e Tiranës nga pushtuesit nazistë, forcat komuniste të urdhëruara nga krerët terroristë si Enver Hoxha, Dali Ndreu, Mehmet Shehu, Kristo Themelko etj. kryen edhe masakra ndaj intelektualeve patriotë e demokratë, kundërshtarëve politikë, por edhe civilëve të pafajshëm. Sipas strategjisë së PKSH dhe skenarit të veçantë për Tiranën, dita e çlirimit duhet ta gjente Shqipërinë dhe sidomos kryeqytetin pa ata nacionalistë e intelektualë properëndimorë, pa figurat e njohura të kulturës dhe të arsimit shqiptar, pa ata oficerë patriotë që nuk u bashkuan me Frontin, nëpunësit e ndershëm, pa pronarët, tregtarët e biznesmenët që gjallonin në ekonominë e tregut të shtetit shqiptar, pa ata atdhetarë e demokratë që kishin luftuar dhe aspiruar për një Shqipëri të pavarur, të bashkuar dhe demokratike.
Gjithçka projektohej nga kryeterroristi Enver Hoxha. “Kur unë kam biseduar me Enverin, – pohon K.Themelko, – ai më ka këshilluar që kur të hynim në qytet, të spastronim elementët e rrezikshëm. Prandaj, kur hyra në Tiranë, kërkova një listë nga organizata për këta elementë, me i pastrue gjatë luftës”. Për masakrat pohon me gojën e vet sekretari i qarkorit të PK të Tiranës, Gogo Nushi në relacionet e tij drejtuar E. Hoxhës: “Këtë shpirt terrorist e kemi parë ditët e fundit në Tiranë. Kjo tregon vijën tonë. Me hyrjen e forcave tona janë vrarë 60 vetë. Listën e kemi. Unë mendoj që asnjë nga ata nuk e meritonte këtë dënim. Jemi të sigurtë se do të kemi edhe të tjerë. Numri do të ketë kaluar edhe të 100”
“Me Mehmetin kemi biseduar që ata elementë reaksionarë t’i zhduknim” – dëshmonte Nako Spiru
Pra, kemi të bëjmë me një gjenocid me motive politike. Në Tiranë u vranë pa gjyq dhe pa faj, pabesisht dhe në mesnatë, në grup apo njëpasnjë prapa krahëve, madje edhe në pragjet e shtëpive, në qoshe rrugicash, në breg të lumit, në Sharrë, Priskë e Sauk, pa dhënë asnjë shpjegim, pa lënë asnjë gjurmë, duke i lënë edhe pa varr, figura të njohura nga e gjithë Shqipëria, nga Kosova e Dibra e Madhe e Çamëria, madje edhe shtetas të huaj, në mënyrë që terrori dhe frika të ndjehej kudo e të përhapej rrathë-rrathë nga Tirana në të gjithë trevat shqiptare. Sepse me terror dhe me gjak do ta merrnin dhe do ta mbanin pushtetin, sepse vetëm kështu mund të ngrihej dhe të funksiononte diktatura më e pashembullt e më e përgjakshme në gjithë vendet e Lindjes komuniste, diktatura e E.Hoxhës. Vrasja e parë politike ishte ajo e klerikut të shquar tiranas, Selim Brahja, më 31 gusht 1943. E vranë përpara derës së shtëpisë së Zotit, në pragun e Xhamisë.
Shtatë vetë të njësitit ndëshkimor të grupit të Pezës, me shalle të kuq në kokë e qëlluan disa herë dhe u zhdukën për t’u shpëtuar pushkëve të shtëpisë së Selim Brahjes. Kjo vrasje shënon edhe fillesën e terrorit komunist në Tiranë. Përse e vranë këtë njeri që ia kishte kushtuar jetën Zotit dhe Shqipërisë? Ai vinte nga një familje atdhetare. I ati, Ramazan Brahja, pjesëmarrës në ngritjen e flamurit më 26 nëntor 1912 në Tiranë. Selim Brahja, intelektual, i lauruar për teologji në Stamboll, iu përkushtua fesë dhe shqiptarizmit. Ai hap shkollën e parë shqipe në Sauk. Gjatë okupacionit italian ai u dënua me burg nga fashistët nga që në shtëpinë e tij priste edhe nacionalistë edhe partizanë që luftonin për lirinë. Ai mori pjesë në Kuvendin e Mukjes bashkë me Ismail Agé Petrelën, Dr. Nroqin e të tjerë nacionalistë tiranas. Prandaj e vranë terroristët me yll e shami të kuqe në kokë. Më 29 tetor 1943 njësiti ndëshkimor i Pezës masakroi barbarisht Besnik Çanon (22 vjeç dhe Qeramudin Sulo (21 vjeç), dy të rinj intelektualë nacionalistë, pjesëmarrës në Konferencën e Mukjes që shkonin në jug të Shqipërisë për të përcjellë mesazhin e kësaj marrëveshjeje kombëtare.
Po në tetor të këtij viti, M.Shehu pushkatoi pa gjyq në Priskë 13 xhandarë që u dorëzuan në mirëbesim në Brigatën e Parë, ndërmjet tyre: Preng Marku nga Kaçinara, Zef Ndoc Simoni nga Fishta, Preng Lek Shkreli nga Malësia e Shkodrës, Pjetër Shkalleshi nga Kthella dhe kapter Ali Maksuti nga Margëlliçi i Çamërisë, ish-lulishtar i njohur i Tiranës. Më vonë vranë edhe profesor-doktor Lorenc Rashën, nga Shkodra, njeriun e dijes. Shkollën e mesme dhe universitetin i kreu në Austri me rezultate të shkëlqyera dhe me një doktoratë për linguistikë. Këtë intelektual dhe nacionalist të njohur e pushkatoi pa gjyq më 12 shtator 1944 toga e pushkatimit e batalionit partizan “Dajti”, buzë përroit të Priskës. Pas këtyre vrasjeve në periferi, i erdhi radha edhe kryeqytetit. Dhe terroristët komunistë zgjodhën kohën më të favorshme për të kryer masakrat në Tiranë. Çlirimi i Tiranës konsiderohej nga udhëheqësit komunistë si marrja e pushtetit. “Kush merr kryeqytetin, merr pushtetin”, udhëzonte E.Hoxha. Sipari i kësaj tragjedie hapet natën e 28 tetorit 1944, kur njësitet guerile komuniste dhe forcat e batalionit të Disiplinës, futeshin fshehtazi natën si hienat nëpër shtëpitë tiranase dhe arrestonin apo pushkatonin shqiptarët që ishin shënuar nëpër listat e vdekjes nga krerët e tyre. Kështu ia behën në mesnatë tek shtëpia e Ymer Dërhemit dhe arrestuan Akil Sakiqin, Nazmi Uruçin dhe Fahri Dabullën. “Ju kërkojnë për një sqarim”. Por i pushkatuan po atë natë. Akil Sakiqi ishte nga Dibra e Madhe. Familja e tij atdhetare, e ndjekur nga genocidi serbo-maqedonas u shpërngul në Turqi, mandej u vendos në Tiranë. Akili, pasi mbaroi liceun e Korçës, kreu Akademinë Ushtarake në Romë, degën e Rojes së Financës. Shërbeu me devotshmëri në Durrës, Shkodër etj. gjithnjë në prapavijë. Më 7 prill 1939 luftoi tok me Myftar Jegenin e mjaft oficerë të tjerë të Ushtrisë Kombëtare kundër agresionit italian.
Edhe Nazmi Uruçi prej Dibrës së Madhe ishte, nga një familje patriote. Fahri Dabulla nga Gjirokastra. Adili, Nazmiu dhe Fahriu, të tre oficerë të njohur të karrierës, atdhetarë të flaktë, shqiptarë të ndershëm e të panjollosur, e kishin kryer së bashku me E. Hoxhën Liceun e Korçës. Terroristi Hoxha i futi shokët e liceut në listat e vdekjes.
Nata e 28 tetorit ishte caktuar nga Qarkori i PK për Tiranën si nata e vrasjeve masive të ushtarakëve të karrierës. Atë natë u pushkatuan: Hamit Greblleshi, nga një familje autoktone tiranase, mësues dhe më vonë, pasi kreu Akademinë ushtarake ne Stamboll, oficer i xhandarmërisë të shtetit shqiptar deri në vitin 1939, kur doli në lirim për arsye shëndetësore.
Hamit Greblleshi u arrestua bashkë me oficerët e tjerë që jetonin në rrugën e Tabakëve, Hasan Dinen nga Maqellara e Peshkopisë, me akademi ushtarake te kryer në Itali, atdhetar bir atdhetari, Azis Blloshmin nga familja e njohur e Blloshmëve të Bërzeshtës, që kishte kryer studimet ushtarake në Vienë, Faik Shkupin, shqiptar nga Shkupi, i lauruar për ushtarak në Itali dhe shërbente në Shqipëri, Mehmet Dadon dhe Boris Belevskin, rus i bardhë, oficer në ushtrinë shqiptare, Aleks Mavraqi, Selmam Shtjefni, Bajram Cuka e të tjerë që nuk u dihen as varret.
Një nga ata duzina të zhdukur është edhe major Muharrem Liku, bir i devotshëm i Tiranës, ushtarak i shtetit shqiptar ai i shërbeu atdheut dhe mbretit me besnikëri. Ndaj u fut në listat e vdekjes. Më datën 1 nëntor 1944, në orën 3 të mëngjesit, trokitën në portën e shtëpisë. Vrasësit kërkonin Muharremin. Ai doli nga shtëpia sepse e ndjente veten të pafajshëm. Te porta pa njerëz të armatosur dhe oficerin tjetër të Ushtrisë Kombëtare, që kishte studiuar në Europë, Abdulla Saraçin, të arrestuar. Të dy i shoqëruan për diku, ndoshta asgjëkund. S’kaluan veçse disa minuta në rrugë e sipër, kur krisi automatiku. Më parë ra Abdullai, pas tij plumbat përshkuan Muharremin. Kufomat i futën në një karrocë akulloreje. Kalimtarët e rrallë panë në atë të gdhirë një karrocë nga e cila varej një dorë e përgjakur. Mandej edhe dy duar të tjera. Pra, ishin dy kufoma. Familjarët i gjetën, i nxorën trupat e tyre të prishur dhe i varrosën te Varri i Bamit. Njëri gisht i dorës së Abdullait ishte i prerë bashkë me unazën e florinjtë.
Po atë natë terroristët komunistë arrestuan dhe vranë ushtarakun me gradën kapiten, Anton Fekeçi, lindur në Graz të Austrisë, por që banonte e shërbente në Shqipëri, nga që e ëma, Gjystina, ishte shkodrane nga familja e dëgjuar Bumçi. Antoni ishte një oficer model me formim perëndimor dhe shumë i aftë profesionalisht. Në mesnatën e 30 tetorit e thirrën në shtëpi dhe e pushkatuan 100 metra larg saj. Pastaj u kthyen përsëri, e nxorën familjen në rrugë, se shtëpia u duhej, ashtu si u duheshin edhe orenditë, makina e shkrimit etj. Tragjedia e kësaj familjeje u mbyll me vdekjen në burg të Frederikut, djalit të Antonit, i dënuar për agjitacion e propagandë, si mijëra bij të tjerë të këtyre martirëve. Më 3 nëntor 1944 forcat komuniste pushkatuan pa gjyq në Sharrë të Tiranës tre deliallisët e shquar të Shijakut: Kapllan Deliallisi, deputet i Shijakut në parlamentin shqiptar dhe i vëllai, Jakup Deliallisi, ish- kryetar i komunës së Shënavlashit dhe të Luzit.
Bashkë me ta u pushkatua edhe Shefqet Deliallisi, një oficer i ri, i diplomuar në Akademinë Ushtarake në Romë, por që e priti me indinjatë pushtimin fashist dhe u vetlargua nga detyra, sepse ishte kundër pushtuesve. Bashkë me këta martirë, u pushkatua edhe Isuf Allamani, nga familja në zë e allamanëve të Matit. Ç’kishte bërë Isufi që e vranë? Kishte studiuar për agronomi në Universitetin e Firences dhe ishte kthyer në Shqipëri për të dhënë ndihmesën në ripërtëritjen ekonomike të vendit. Ai themeloi Fermën e Xhafzotajt, një ekonomi moderne bujqësore e kapitalist dhe ishte drejtori i saj , kur u arrestua e u pushkatua pa gjyq, ndonëse nuk ishte përzier fare në çështjet politike. Po në Sharrë u pushkatuan pa gjyq dhe u hodhën mbi njëri-tjetrin në një përrua, pesë viktima të tjerë: kapiten Bajram Cuka, Selim Kelmendi, Ndue Pali, Minella Toçi dhe Selaudin Korça. Selim Kelmendi, nga Vuthaj i Gucisë, i kishte ikur me armë në dorë terrorit sërbo-malazes tok me dy vëllezërit e tij, Rustem e Ramë, pjesëtarë të çetës së Azem Galicës, por nuk i shpëtoi dot terrorit të çetnikëve shqiptarë.
Selaudin Korça, i biri i patriotit të madh, klerikut, filozofit, publicistit, poetit dhe antikomunistit të njohur Hafëz Ali Korça, që vazhdonte studimet e larta në Itali, por që erdhi në Shqipëri për t’u bërë pre e terrorit komunist. Më 10 nëntor, ra pre e këtij terrori tek Ura e Brrarit, oficeri Subi Topulli nga familja e shquar e topullenjve të Gjirokastrës. Vrasësit e masakruan dhe zhdukën çdo gjurmë të tij, duke hapur fjalë se ishte arratisur nga Shqipëria. Vijmë kështu te nata e 12 nëntorit në Tiranë, që është, quajtur edhe “nata e Shën Bartolemeut”. Atë natë u bë masakra më e madhe, një dënim dhe vrasje kolektive pa gjyq e 14 figurave të shquara të kombit e të kulturës shqiptare. Ismail Agë Petrela është një nga figurat madhore të Shqipërisë, që u pushkatua mesnatën e 12 nëntorit. Ishte një nacionalist i shquar, një luftëtar i lirisë, një demokrat i vendosur, një burrë i mençur tiranas. Kulmet e veprimtarisë atdhetare të Agë Petrelës janë pjesëmarrja në Kuvendin e Mukjes për bashkimin e gjithë shqiptarëve dhe lufta kundër pushtuesve italianë në krye të çetës së tij, që vepronte në Shqipërinë e Mesme. Ja, përse e vranë komunistët Ismail Agë Petrelën!
Në çastin e pushkatimit u tha ekzekutorëve: “Qëlloni, burrat një herë vdesin!”. Terroristët këtë herë zgjodhën për të masakruar familjen e shquar Kokalari nga Gjirokastra. Pushkatuan natën e 12 nëntorit në skutat e hotel “Bristol”-it Muntaz, Vesim dhe Syrja Kokalarin. Muntazi dhe Vesimi, pionierë të arsimit kombëtar, themelues të shtëpisë botuese “Venus” dhe “Mesagjeritë Shqiptare” që botoi vepra madhore të letërsisë sonë e të huaj, intelektualë të klasit të parë, vëllezër të Musine Kokalarit, shkrimtarja e parë shqiptare, nacionaliste dhe demokrate e shquar socialdemokrate, që diktatura më pas e burgosi dhe e internoi gjersa vdiq si një martire. Po atë ditë terroristët komunistë pushkatuan e dhe Nebil Çikën, filozofin, publicistin, demokratin e madh. Autor i veprës së njohur “Njimendësia shqiptare” që e vendosi atë në elitën e zgjedhur të kombit. Pikërisht këtë elitë vrau komunizmi. Ai goditi familjet e mëdha që kishin nxjerrë njerëz të shquar, për të ndërprerë traditën, për të tharë burimin, për të venitur e nënshtruar Shqipërinë.
Një nga ato, është edhe familja tiranase Lleshi. Të gjithë burrat e saj u sakrifikuan për një Shqipëri të lirë, të bashkuar në trojet e saj etnike dhe demokratike. Muharrem Lleshi e priti me indinjatë pushtimin italian, ndërsa dy djemtë e tij Sulejmani dhe Islami, nacionalistë, u internuan nga italianët në Itali dhe Porto Romano, më pas ishin luftëtarë të batalionit “Besnik Çano” që luftoi edhe në Kosovë për çlirimin e saj. Sulejmani themeloi gjimnazin e Gjakovës dhe qe drejtori i parë i tij. Në mesnatën e 12 nëntorit, terroristë të armatosur hynë në oborrin e shtëpisë së Lleshëve, ku ishin strehuar demonstrues antifashistë apo ilegalë dhe thirrën emrin e Muharrem Lleshit. Sa u shfaq ai te pragu i derës, një breshëri automatiku e la të të vdekur e të mbuluar me gjak. Familja tjetër e njohur tiranase që u godit ishte ajo Stërmasi, që kishte nxjerrë njerëz të dëgjuar si Xhaferr Stërmasin, flamurtar i Pavarësisë. I biri, Reshati, i mëkuar me shqiptarizëm dhe dije, kreu studimet e larta në Akademinë Ushtarake në Itali dhe shërben me devotshmëri në Ushtrinë kombëtare Shqiptare. Si nacionalist i kulluar, merr pjesë qysh në vitin 1942 në Organizatën e Ballit Kombëtar dhe në vitin 1943 u caktua komandant i Rinisë së Ballit të Tiranës, të cilën e udhëhoqi në luftë kundër pushtuesve italianë e gjermanë. Ja pse e vranë Reshat Stërmasin!
Gjahut të tyre nuk i shpëtoi as Rifat Tërshana, nga Dibra e Madhe, oficer rekrutimi që shërbeu me përkushtim në Korçë, Fier dhe Durrës. Ndërkohë, ndihmoi edhe Lëvizjen NÇ. Por, nuk e llogaritën, kur e pushkatuan natën e përgjakshme 12 nëntorit. Terrori masakroi edhe njërës të thjeshtë e të patrazuar në politikë. Lluka Xhumari, nga qyteti i Durrësit. E pushkatuan në rrënojat e hotel Bristol, sepse ishte njeriu i biznesit, i iniciativës së lirë, i ekonomisë së tregut. Po ashtu, edhe Ali Panariti, nga Korça, tregtar i njohur në Tiranë e Durrës, mandej sipërmarrës për ndërtim rrugësh. E morën Aliun nga shtëpia dhe e pushkatuan pa gjyq në breg të lumit të Tiranës, ku e gjetën fëmijët gjysmë të varrosur. Epilogu i këtij terrori ishte masakrimi i Jorgji Memës, nga një familje patriote e fshatit Shtërmen të Elbasanit.
Jorgji dhe gjithë fisi i Memajve u hodhën në luftën për liri kundër pushtuesve të huaj. Komunistët e arrestuan në Tiranë më 16 nëntor1944 dhe e pushkatuan menjëherë në rrugicën e shkollës “Kristoforidhi”. Tiranasit e mirë e varrosën në oborrin e kësaj shkolle martirin Jorgji Mema. Për këto krime, nuk i vrau asnjëherë ndërgjegjja ata që i urdhëruan. Në raportin e plenumit 9-të të PKSH, Enver Hoxha deklaronte : “Thuhet se Kristo Themelko ka vrarë shumë veta me rastin e çlirimit të Tiranës, por çështja më e rëndësishme është se të gjithë ata që u vranë nga ai, ishin armiq. Kështu u mbyll ky akt i terrorizmit komunist që përgjaku Tiranën, për t’i hapur rrugën terrorizmit shtetëror që përgjaku Shqipërinë dhe kombin për gjysmë shekulli me radhë. Edhe sot e kësaj dite, historianë e politikanë enveristë, lartësojnë në kulm Luftën Nacionalçlirimtare, por heshtin apo nuk përmendin qëllimisht masakrat e urdhëruara nga udhëheqësit terroristë te kësaj lufte mbi intelektualët patriotë dhe qytetarët e pafajshëm të Tiranës./Gazeta Panorama
19 Komente
Lini një Përgjigje
Më të lexuarat
24 oret e fundit
Javen e fundit
Blog Tema
MJAFT ME KETO IDJOTESIRA SE NA I NEVERITET ! E GJITHE BOTA DEMOKRATIKE QE LUFTOI KUNDER NAZI - FASHIZMIT I DENOI ASHPER KOLABORACIONISTET ME PUSHTUESIT . SHQIPERIA NUK BERI ASGJE ME SHUME , QE IU JEPNI KAQ SHUME HAPESIRE KRIMINELEVE !
kush nga keta ishte kriminel dhe cili gjyq i denoi? per cilat krime?
Sara-keta si ky me siper jane mbetjet e komunizmit dhe sa here qe dikush ju permend krimet qe kane bere te paret e tyre, kujtohen se sa shume ju detyrohen shqiptareve. Eshte e mjerueshme qe te shikosh akoma nostalgjike te Enverit dhe kohes se tij ku shqiptaret hoqen te zite e ullirit.
Uran Butka eshte pinjoll i familneve qe bashkepunuan me gjermanin, dhe pike. Kjo eshte e verteta. Nuk vlen te humbesh kohe te lexosh ktete mut te veteshpallur doktor.
I nderuar Uran, pinjoll I denje I families fisnike e atdhetare te Butkave. Lexoj me endje gjithe c'keni shkruar rreth atyre ngjarjeve per te cilat kane folur vetem komunistet. Opinioni juaj ploteson tablone e zbulon krejt te verteten. Duke lexuar vecanerisht kete shkrim rrenqethes, nuk mund te rri pa ua bere nje pyetje: Dakort, ne synimin drejt pushtetit kriminelet e kuq nuk kursyen gjak shqiptaresh. Po keto viktima c'bene? Hanin e pinin duke e pritur vdekjen te lumtur e nuk munden as te reagonin, nderkohe qe fundi I luftes po afronte? Mua me duket se ne keto analiza, ka dicka qe ngec e nuk e pranon llogjika. Me shume respect per ju!
Ore Uran. Lufta nuk kishte perfunduar dhe njerzit e afishuar hapur si bashkepunetore te okupatoreve nuk mund te lejoheshin te destabilizonin situaten ne prag te clirimit. Padyshim qe ndonjeri eshte viktime e pafajshme. Une nuk marr persiper te anatemoj gjithe ata qe u ekzektuan, por per njerin flas me gjuhen e faktit. Ti Uran Safet pordha permend Subi Topullin qe vinte nga dera e Topllareve. Po eshte e vertete, por Cercizi me Bajo Topullin nuk ju lepine bythen as okupatorve turq as shovinisteve greke por u vune ne balle te luftetareve te lirise per nje Shqiperi te pavarme e sovrane. Prandaj ata hyne ne histori si patriote te medhenj. Ndersa ky Subiu yt more Uran ballisti, nuk ishte oficer i thjeshte me spaleta fashiste, por komandant i Xhandarmerise te Qarkut te Tiranes, i perfshire totalisht ne masakren e 4 shkurtit ku u masakruan 84 qytetare te Tiranes. Ky Subi fashisti i merrte urdherat nga kryeregjenti Mehdi Frasheri dhe ishte epror i drejtepetdrejte i kriminelit Xhelal Staraveckes. Pra sic e sheh e meritonte ndeshkimin 1000 here. Ti vazhdo pergjerohu per te dhe per tere ballistet e seres se ty teti qe ne jete te jeteve do mbesin fundrinat e historise. Partizanet fitimtare nuk ka bir nene e bir kurve qe ti zbresi nga piedestali i lavdise.
Keta shumica kishin mbaruar shkollen ushatarake ne Itali. Do thuash qe nuk ndihmuan nazit e fashot ?? Bullshit
Njerëzimi ështe organizuar në shoqëri pikërisht për të shmangur arbitraritetin, për të gjetur mënyra kolektive të të bërit drejtësi, duke u bazuar në parime që janë të dobishme për shoqërinë si të tërë dhe nëpërmjet një sistemi të paanshëm të shmangen ekseset emocionale në përcaktimin e nje fajsie penale . Diktaturën enveriste bazohet në instikte e dhunë e jo në logjikën juridike. Shteti i së drejtës është shtylla e çdo sistemi politik. Kur veprimet e shtetit bazohen në parimet e shtetit të së drejtës, populli është i prirur të ketë besim tek autoritetet dhe mes tyre të bashkëpunojnë si pjesë të së njejtës shoqëri. Nëse mungon shteti i së drejtës, njerëzit veprojnë në mënyrë instiktive. Shteti i së drejtës nënkupton një sistem ligjor që funksionon mirë, i cili siguron drejtim mbi rregullat bazë që përcaktojnë funksionimin e organizimit shoqëror dhe që ndihmon në vënien e tyre në praktikë. Enveristët nuk e kishin problem te eleminonin kundershtaret politik pa gjyq. Kolaboracionistet jane denuar ne te gjithe Europen, Kolaboriacionizmi është shumë formash, me dëshirë, pa dëshirë, ka me dhjetra arsye, të cilat duhej ti nënshtroheshin një gjykimi te drejtë. Në Shqipëri ekstremizëm ishte fakti që u dënuan pa një gjykate të rregullt, profesionale e të ligjëshme. Gjyqet qe u zhvilluan ishin në kundërshtim flagarant me të drejtën që duhet të ketë çdo individ në një shoqëri të civilizuar, por enveristet nuke kishin civilizimin Europian..
Pobore Butak po! Po ndalon veç në fund "të filmit". Atje ku personazhet e tu, ndalojnë! Nuk në the asgjë më tepër se kush ishin dhe me çfarë merreshin këta realisht... Komunistët mund të ishin edhe ashtu siç thua ti. Por çuditërisht të gjithë këta "patriotat" e t'u paskëshin bashkëpunuar ose kishin shërbyer fashistave dhe nazistave dhe mos harro se nazizmi humbi. Dhe bashkëpunimi me nazizmin dënohet. Numërrove zotrote nja 20 syresh më sipër. Nuk e di se për çfarë gjykatash flasim apo sistem gjyqësor në kohë lufte në 1943, 44 apo edhe 1945... Por nuk e di se sa të përlyer janë këta. Por veç 4 Shkurti më 84 vetë i kompenson dhe tejkalon! Sa do burra të shkollum dhe të squt të ishin këta. Ishin në anën e gabuar të historisë. Dhe ata luftonin për pushtetin e vetë personal se nuk e besoj se kishin të qartë se çfarë do të ishin komunistat dhe çfarë vinte për më tepër që fatet e vendit vendoseshin tjeterkund. Ti Butak nuk je asgjë tjetër veçse një që ngjall përçarje edhe sot pas 80vjetësh. Mbase shumë gjëra si dimë se është ashtu siç thua ti... Por e dimë shumë mirë se sa dihet më njerëzimin tash e 4000vjet. Tradhëtarët dhe bashkëpunuesit me pushtuesin kanë gjithnjë të njëjtin fund. (Pavarësisht se çfarë burrash ishin ata që jua bënë gropën). Kështu që: "Mbylle halenë" !
Po si nuk te vjen turp o Uran Butka kur shkruan budallalleqe ne kete moshe. Po luftohej kunder pushtuesve te huaj o kokrra e trapit, dhe ju qe perkrahnit gjermanet. Tradhtare te ndyre qe po perpiqeni te justifikoni vehten sikur te ishit intelektuale patriotet. Ju keni qene dhe tani perseri jane maskarenj.
Italianet erdhen ta qyteterojne kete popull primitiv, ndersa gjermanet ishin kalimtare. Boll me luften qe bene brekegrisurit te ashtuquajtur "partizane". Kjo i duhej sistemit per te justifikuar vrasjet kunder qytetareve te saj se trembej nga intelektualet se nga brekegrisurit nuk i vinte e keqja. Flisni per patriotizem shkoni dhe merreni camerine, por mos te ishte perendimi dhe Kosova kurre nuk do merrej nuk kemi b.. per asgje por vetem te kritikojme popull i vdekur.
PO O BUTKE POR A SNA THUA SE SA PARTIZA E UVRANE NGA CETAT E BALLIT DHE LEGALITETIT...........DHE NE PERPJEKJET E PARTIZANEVE ME ITALIA ET E GJERMANET ISHIN GJITHEMONE EDHE FORCAT TUAJA KOLABORACIONISTE..........E VERTETA ESHTE SE JU U GENJYET NGA ITALIANET PER SHQIPERINE E MADHE (LUFTA ITALO GREKE)ISHTE NJE PERPJEKJE PER TE MARE TOKAT SHQIPETARE QE ISHIN DHENE GREQISE),DHE DUHET SI PERFUNDOI .....EDHE GJERMANI PO ASHTU JU GENJEU PO ME SHQIPERINE E MADHE DUKE BASHKUAR KOSOVEN ME SHQIPERINE..........POR EDHE KETU DESHTUAT .........PO TE PRANONIT QE NE SHKUAM ME ITALIANET E GJERMANET PER KETE ARESYE EDHE MUND TJU BESONTE NJERI.....PERIUDHA E LUFTES ESHTE E PADISKUTUESHME......KURSE LUFTA E ASHPER KLASOREPAS CLIRIMIT E DERI NE PERMBYSJE KA VEND PER KERKIM FALJE.......
PO O BUTKE POR A SNA THUA SE SA PARTIZA E UVRANE NGA CETAT E BALLIT DHE LEGALITETIT...........DHE NE PERPJEKJET E PARTIZANEVE ME ITALIA ET E GJERMANET ISHIN GJITHEMONE EDHE FORCAT TUAJA KOLABORACIONISTE..........E VERTETA ESHTE SE JU U GENJYET NGA ITALIANET PER SHQIPERINE E MADHE (LUFTA ITALO GREKE)ISHTE NJE PERPJEKJE PER TE MARE TOKAT SHQIPETARE QE ISHIN DHENE GREQISE),DHE DUHET SI PERFUNDOI .....EDHE GJERMANI PO ASHTU JU GENJEU PO ME SHQIPERINE E MADHE DUKE BASHKUAR KOSOVEN ME SHQIPERINE..........POR EDHE KETU DESHTUAT .........PO TE PRANONIT QE NE SHKUAM ME ITALIANET E GJERMANET PER KETE ARESYE EDHE MUND TJU BESONTE NJERI.....PERIUDHA E LUFTES ESHTE E PADISKUTUESHME......KURSE LUFTA E ASHPER KLASOREPAS CLIRIMIT E DERI NE PERMBYSJE KA VEND PER KERKIM FALJE.......
PO O BUTKE POR A SNA THUA SE SA PARTIZA E UVRANE NGA CETAT E BALLIT DHE LEGALITETIT...........DHE NE PERPJEKJET E PARTIZANEVE ME ITALIA ET E GJERMANET ISHIN GJITHEMONE EDHE FORCAT TUAJA KOLABORACIONISTE..........E VERTETA ESHTE SE JU U GENJYET NGA ITALIANET PER SHQIPERINE E MADHE (LUFTA ITALO GREKE)ISHTE NJE PERPJEKJE PER TE MARE TOKAT SHQIPETARE QE ISHIN DHENE GREQISE),DHE DUHET SI PERFUNDOI .....EDHE GJERMANI PO ASHTU JU GENJEU PO ME SHQIPERINE E MADHE DUKE BASHKUAR KOSOVEN ME SHQIPERINE..........POR EDHE KETU DESHTUAT .........PO TE PRANONIT QE NE SHKUAM ME ITALIANET E GJERMANET PER KETE ARESYE EDHE MUND TJU BESONTE NJERI.....PERIUDHA E LUFTES ESHTE E PADISKUTUESHME......KURSE LUFTA E ASHPER KLASOREPAS CLIRIMIT E DERI NE PERMBYSJE KA VEND PER KERKIM FALJE.......
PO O BUTKE POR A SNA THUA SE SA PARTIZA E UVRANE NGA CETAT E BALLIT DHE LEGALITETIT...........DHE NE PERPJEKJET E PARTIZANEVE ME ITALIA ET E GJERMANET ISHIN GJITHEMONE EDHE FORCAT TUAJA KOLABORACIONISTE..........E VERTETA ESHTE SE JU U GENJYET NGA ITALIANET PER SHQIPERINE E MADHE (LUFTA ITALO GREKE)ISHTE NJE PERPJEKJE PER TE MARE TOKAT SHQIPETARE QE ISHIN DHENE GREQISE),DHE DUHET SI PERFUNDOI .....EDHE GJERMANI PO ASHTU JU GENJEU PO ME SHQIPERINE E MADHE DUKE BASHKUAR KOSOVEN ME SHQIPERINE..........POR EDHE KETU DESHTUAT .........PO TE PRANONIT QE NE SHKUAM ME ITALIANET E GJERMANET PER KETE ARESYE EDHE MUND TJU BESONTE NJERI.....PERIUDHA E LUFTES ESHTE E PADISKUTUESHME......KURSE LUFTA E ASHPER KLASOREPAS CLIRIMIT E DERI NE PERMBYSJE KA VEND PER KERKIM FALJE.......
PO O BUTKE POR A SNA THUA SE SA PARTIZA E UVRANE NGA CETAT E BALLIT DHE LEGALITETIT...........DHE NE PERPJEKJET E PARTIZANEVE ME ITALIA ET E GJERMANET ISHIN GJITHEMONE EDHE FORCAT TUAJA KOLABORACIONISTE..........E VERTETA ESHTE SE JU U GENJYET NGA ITALIANET PER SHQIPERINE E MADHE (LUFTA ITALO GREKE)ISHTE NJE PERPJEKJE PER TE MARE TOKAT SHQIPETARE QE ISHIN DHENE GREQISE),DHE DUHET SI PERFUNDOI .....EDHE GJERMANI PO ASHTU JU GENJEU PO ME SHQIPERINE E MADHE DUKE BASHKUAR KOSOVEN ME SHQIPERINE..........POR EDHE KETU DESHTUAT .........PO TE PRANONIT QE NE SHKUAM ME ITALIANET E GJERMANET PER KETE ARESYE EDHE MUND TJU BESONTE NJERI.....PERIUDHA E LUFTES ESHTE E PADISKUTUESHME......KURSE LUFTA E ASHPER KLASOREPAS CLIRIMIT E DERI NE PERMBYSJE KA VEND PER KERKIM FALJE.......
PO O BUTKE POR A SNA THUA SE SA PARTIZA E UVRANE NGA CETAT E BALLIT DHE LEGALITETIT...........DHE NE PERPJEKJET E PARTIZANEVE ME ITALIA ET E GJERMANET ISHIN GJITHEMONE EDHE FORCAT TUAJA KOLABORACIONISTE..........E VERTETA ESHTE SE JU U GENJYET NGA ITALIANET PER SHQIPERINE E MADHE (LUFTA ITALO GREKE)ISHTE NJE PERPJEKJE PER TE MARE TOKAT SHQIPETARE QE ISHIN DHENE GREQISE),DHE DUHET SI PERFUNDOI .....EDHE GJERMANI PO ASHTU JU GENJEU PO ME SHQIPERINE E MADHE DUKE BASHKUAR KOSOVEN ME SHQIPERINE..........POR EDHE KETU DESHTUAT .........PO TE PRANONIT QE NE SHKUAM ME ITALIANET E GJERMANET PER KETE ARESYE EDHE MUND TJU BESONTE NJERI.....PERIUDHA E LUFTES ESHTE E PADISKUTUESHME......KURSE LUFTA E ASHPER KLASOREPAS CLIRIMIT E DERI NE PERMBYSJE KA VEND PER KERKIM FALJE.......
PO O BUTKE POR A SNA THUA SE SA PARTIZA E UVRANE NGA CETAT E BALLIT DHE LEGALITETIT...........DHE NE PERPJEKJET E PARTIZANEVE ME ITALIA ET E GJERMANET ISHIN GJITHEMONE EDHE FORCAT TUAJA KOLABORACIONISTE..........E VERTETA ESHTE SE JU U GENJYET NGA ITALIANET PER SHQIPERINE E MADHE (LUFTA ITALO GREKE)ISHTE NJE PERPJEKJE PER TE MARE TOKAT SHQIPETARE QE ISHIN DHENE GREQISE),DHE DUHET SI PERFUNDOI .....EDHE GJERMANI PO ASHTU JU GENJEU PO ME SHQIPERINE E MADHE DUKE BASHKUAR KOSOVEN ME SHQIPERINE..........POR EDHE KETU DESHTUAT .........PO TE PRANONIT QE NE SHKUAM ME ITALIANET E GJERMANET PER KETE ARESYE EDHE MUND TJU BESONTE NJERI.....PERIUDHA E LUFTES ESHTE E PADISKUTUESHME......KURSE LUFTA E ASHPER KLASOREPAS CLIRIMIT E DERI NE PERMBYSJE KA VEND PER KERKIM FALJE.......
Komunistët ishin më të ashpër se fashistët. Fashistët ishin të huaj por komunistët ishin shqiptarë. Komunistët kanë vra njerëz të pafajshëm, vetëm se kishin botëkuptime jokomuniste, vetëm se ishin kundër diktaturës. Sa më shumë kalonte koha, komunistët ishin më të egër derisa u vranë ndërmjet veti.