Te fundit
Rama: Filmi ikonë “Partizani i vogël Velo” do shfaqet i restauruar në teatrin e DPA-së
25 Korrik 2024, 12:20Kulturë
TEMA
Filmi ikonë i kinematografisë shqiptare “Partizani i vogël Velo”, do të shfaqet premierë sot në Teatrin e Drejtorisë së Përgjithshme të Arkivave (DPA).
Kryeministri Edi Rama në një postim në rrjetet sociale ndau videon promovuese të shfaqjes së filmit në DPA.
“Ky ripunim mjeshtëror i Arkivit Qendror Shtetëror të Filmit (AQSHF), të një vepre mjeshtërore të Xhanfise Kekos, Anastas Kondos dhe Natasha Lakos, vjen si dhuratë për të gjithë nostalgjikët e kinemasë në këtë 80-vjetor të Çlirimit”, shkruan Rama.
Ky është filmi i katërt në radhë kushtuar Luftës Nacionalçlirimtare, në kuadrin e një sezoni artistik, i cili përmes kinematografisë synon t’i njohë të rinjtë me të shkuarën e vendit.
“Partizani i vogël Velo”, realizimi i regjisores Xhanfise Keko më 1980-n dhe i restauruar së fundmi nga Arkivi Qendror Shtetëror i Filmit (AQSHF), bën pjesë në repertorin e filmave të përzgjedhur për t’u shfaqur në Teatrin dhe Kinemanë Verore pranë DPA-së, me rastin e Vitit Mbarëkombëtar të 80-vjetorit të Çlirimit.
Jetësimi i kësaj nisme vjen në sajë të bashkëpunimit të DPA-së me Ministrinë e Ekonomisë, Kulturës dhe Inovacionit (MEKI) dhe AQSHF-në.
Filmi flet për të voglin Velo, i cili mezi pret të rritet dhe të bëhet partizan i vërtetë. Kjo dëshirë e tij forcohet edhe më shumë pas vrasjes së të atit nga armiqtë dhe ai insiston që ta zëvendësojë atë me çdo kusht. Disa herë ai nuk pranohet në radhët e partizanëve për shkak të moshës së tij të vogël dhe të “pushkës që është më e gjatë se ai”. Por Velo nuk jepet. Më në fund ai arrin të pranohet në radhët e partizanëve. Në film kanë interpretuar aktorët Petro Papakosta në rolin e Velos, Kadri Roshi në rolin e Xha Brahos, Pandi Raidhi në rolin e komandant Banit, Stavri Shkurti në rolin e Sinanit, babit të Velos, etj.
Kalendari i aktiviteteve të Kinemasë Verore pranë DPA-së do të zgjasë deri në muajin nëntor. Repertori i filmave të përzgjedhur do të risjellë në vëmendjen e publikut kryeqytetas disa prej realizimeve artistike të kinematografisë shqiptare. Mes 10 filmave që do të shfaqen, si një përkujtesë të betejës së vendit për çlirimin nga pushtuesit nazifashist, bëjnë pjesë: “Partizani i vogël Velo”, “Mëngjese lufte”, “I teti në bronz”, “Njeriu me top”, “Malet me blerim mbuluar” etj.
atsh/A.K./TemA
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
oooo Rams kujt I duhen keto perralla me partixane 14 vjeçare Jane pa vlere si per kohen e lexhendes enver ashtu edhe per kohen e lexhendes tjeter pasaredhes Rames.
Film ikone??!!! Nga e di zotrote se eshte film "ikone"???!!! Ti nuk je kineast, te besh vleresime e te ndash cmime!!!! Ne kete vend po restaurohet diktatura! Pjese e ketij projekti ogurzi eshte edhe ky lloj "restaurimi", duke ngjallur edhe kesi pacavuresh te propadandes se djeshme. Me qellim qe sadopak te ushqehet tru-shpelarja dhe nostalgjia per te kaluaren e "lavdishme enveriste"!!!...
Shume bukur, film interesant
Je bërë tashmë me Velo Partizanin apo vazhdon edhe me Mit'hat kolaboracionistin? Apo erdhën zgjedhjet e reja dhe...