Regjisori iranian hyn në grevë urie në shenjë proteste ndaj "veprimeve çnjerëzore"

2 Shkurt 2023, 21:10Kulturë TEMA

Regjisori iranian hyn në grevë urie në shenjë proteste ndaj

Regjisori iranian Jafar Panahi, i cili aktualisht ndodhet në burg, ka hyrë në grevë urie për të protestuar ndaj veprimeve të paligjshme dhe çnjerëzore të gjyqësorit dhe forcave të sigurisë të Iranit.

Në një deklaratë të publikuar nga bashkëshortja dhe djali i tij në Instagram, Panahi deklaroi se do të refuzojë ushqimin dhe ilaçet dhe do të qëndrojë në këtë gjendje derisa të lirohet nga burgu.

Qeveria iraniane ka reaguar brutalisht ndaj protestave të qytetarëve, të nxitura nga vdekja e 22-vjeçares Mahsa Amini, kurdo-iranianes, sa ka qenë në mbajtje policore, me arsyetimin e nuk e ka vendosur si duhet mbulesën në kokë.

Panahi u arrestua në muajin korrik, shkruan Radio Evropa e Lirë.

Pak para arrestimit, ai nënshkroi një letër të hapur, së bashku me mbi 300 regjisorë iranianë, duke u bërë thirrje forcave të sigurisë t’i jepnin fund shtypjes së dhunshme ndaj protestuesve.

Lini një Përgjigje