Sako: Hap dyert Hamami mesjetar në Durrës, vlerë e re turistike për qytetin

 Hamami në Durrës, Monument Kulture i Kategorisë I, është një tjetër objekt i rëndësishëm kulturor, i cili pësoi dëme të mëdha nga tërmeti i vitit 2019.

Kryetarja e bashkisë së Durrësit, Emiriana Sako bëri me dije sot se Hamami mesjetar ka hapur dyert për vizitorët vendas dhe të huaj, tashmë i rilindur falë një restaurimi tërësor mundësuar nga programi E4Culture financuar nga BE.

Godina e ndërtuar në shekullin XVIII është një nga dhjetë hamamet e mbijetuar në Shqipëri, nga periudha e sundimit osman.

“Me një arkitekturë unike, Hamami një tjetër monument i rëndësishëm tashmë i hapur për publikun, shton një vlerë të re turistike dhe kulturore në qytetin e Durrësit”, thotë Sako në një postim në rrjetet sociale.

Në qendër të kompozimit planimetrik të Hamamit ndodhet mjedisi i zhveshjes, që mbulohet nga një kube sferike. Në një lartësi maksimale 5,8 metra nga dyshemeja ndodhen 12 dritare shumë të vogla katrore, të vendosura në mënyrë koncentrike në mesin e gjysmësferës. Në kulmin e kupolës ndodhet një gjysmësferë tjetër, me rreze 70 cm, ku hapen tri dritare të tjera të rrumbullakëta, çka plotëson ndriçimin e dhomës.

Në të djathtë të kësaj dhome ndodhen edhe dy mjedise të vogla për larje. Dyshemetë e këtyre dhomave ngroheshin me tym ose me avull, nëpërmjet tubacioneve që dilnin nga furra. Kjo e fundit ndodhet në pjesën e prapme të mjedisit të zhveshjes. /atsh/

Me ekspozitën “Flow in the flower”, Esra Luta sjell në Tetovë motivin e lules si simbol i ndjeshmërisë, qetësisë dhe lidhjes me jetën

12:51 Kulturë

FOTO HISTORIKE: Instituti i Grave ”Kyrias” i themeluar në vitin 1922 nga motrat Qiriazi

12:33 Kulturë 1 koment

PAMJET/ Mister i ri kozmik, astronomët zbulojnë trupin qiellor që pulson

12:20 Kulturë

Java e Kulturës Italiane në disa qytete të vendit

12:03 Kulturë

PIKTURA E DITËS: "Portret i poetit të shquar, Xhevahir Spahiu"- Nga mjeshtri Mikel Temo

11:12 Kulturë

“Musolini, Hitleri dhe Stalini, ua kaluan edhe sulltanëve, për gratë me të cilat shkuan; apo me bashkëshortet e shokëve të tyre, si…”

11:06 Kulturë

Publikohen dokumente të reja për kontributin e Frashëllinjve, E’them Ruka: Frashëri, “Meka e shqiptarisë”, vendi ku u hodh fara për shpëtimin dhe ndërtimin e Shqipërisë

11:03 Kulturë 3 komente

Ema Andrea: Në fund ëndrrat i ndërtojmë me gjuhën e nënës

10:11 Kulturë

Iva Tiço thotë se janë TRE në tavolinë. Zbuloni sekretin?

10:03 Kulturë

VIDEO/ Imzot Gjergj Meta takon Papa Leonin XIV, e fton të vizitojë Shqipërinë

09:21 Kulturë