Te fundit
40 vite pas krimit, vrasësi i 16-vjeçares kapet falë një gote. Por tre të rinj kaluan 18 vite burg gabimisht
16 Tetor 2025, 19:50Lifestyle
TEMA
Autoritetet amerikane kanë zbardhur pas 40 vitesh një vrasje të ndodhur në Long Island. Bëhet fjalë për vrasjen e Teresa Fusco-s, 16-vjeçarja që u përdhunua, u rrah dhe u mbyt në vitin 1984.
Tre të rinj u arrestuan për krimin në vitin 1986 dhe kaluan 18 vjet në burg deri në vitin 2003, megjithëse ishin të pafajshëm.
Tashmë autoritetet e Long Island kanë ecur përpara me hetimin e ngjarjes, ku Teresa Fusco u gjet e vdekur më 5 dhjetor 1984, 20 ditë pasi u zhduk pranë një piste patinazhi në akull në qytetin Lynbrook.
Autoritetet e qarkut Nassau arrestuan si autor të krimit 63-vjeçarin Richard Bilodeau, i cili në atë kohë zotëronte një kafene. Zbardhja e krimit është realizuar falë një piste dhe testeve të ADN-së. Arrestimi i Bilodeau, i cili kishte qenë nën mbikëqyrje nga autoritetet për një kohë të gjatë, u bë i mundur pasi ai bleu një pije pranë shtëpisë së tij shkurtin e kaluar dhe më pas e hodhi gotën plastike në plehra, ku e gjeti policia.
Siç shpjegoi prokurori që njoftoi arrestimin e 63-vjeçarit, "ADN-ja nga gota përputhej me mostrën e marrë nga trupi i Terezës". Ajo gotë i bindi autoritetet se këtë herë i kishin vënë prangat personit të duhur, pasi në vitin 2003 ata kishin arrestuar tre të rinj - John Restivo, Dennis Halstead dhe John Kogut - të cilët, megjithëse ishin dënuar dhe kishin kaluar 18 vjet në burg, në fund u liruan nga akuzat pas testeve speciale të ADN-së.
Të tre më pas ngritën një padi dhe fituan 43 milionë dollarë dëmshpërblim.
"Nuk e kam humbur kurrë shpresën. Gjithmonë kam pasur besim te sistemi. Për mua, të dëgjoj se dikush që vrau vajzën time u ndaluar do të më sjellë lehtësim mua dhe familjes sime. Për këtë rezultat përfundimtar jam shumë mirënjohës. Shumë mirënjohës", tha babai i 16-vjeçares fatkeqe, Thomas Fusco.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ti ne fakt ke qene i lehtesuar madje edhe me shume mirenjohes, ne kohen kur ata tre te tjeret bene nje burg te padrejte. Dava injorantesh qe besojne verberisht gjithcka qe u thuhet.
Kot me ty pyet, ti cfare do te thoje kur FBI ne ate kohe arrestoj te suppzuarut factor?????
Ata prokurorë që arrestuan të pafajshmit duhet të bëjmë nga 10 vjet burg gjithashtu. Pagesa prej milionësh që të pafajshmit kanë marë nuk zëvendësojnë dotë vitet e jetës të marra nga ca prokurorë injorantë.
Prokuroret qe vune drejtesine ne vend ishin Tik Dhalla dhe Arjan Ndoj, kurse gjukatsi qe dha vendim per demshperblimin e te pafajshmeve ishte gjyqtari i nderuar Zhin Zhoni.