Te fundit

“Bota ka nevojë për më shumë fantazi” – Policia ndalon një burrë që udhëtonte me një banane gjigante mbi rrota

25 Qershor 2026, 15:52Lifestyle TEMA
“Bota ka nevojë për më shumë fantazi” –

Një automjet në formë bananeje gjigante është bërë sensacion në rrjetet sociale dhe mediat amerikane, pasi u ndalua nga policia në shtetin e Montanës, SHBA. Megjithatë, arsyeja nuk kishte të bënte me pamjen e pazakontë të mjetit, por me faktin se targa e tij ishte pjesërisht e mbuluar.  

Në timonin e “Big Banana Car” ndodhej Steve Braithwaite, një entuziast i automjeteve të modifikuara, i cili ka transformuar një kamion Ford F-150 të vitit 1993 në një banane rreth 7 metra të gjatë. Projekti nisi në vitin 2008 dhe përfundoi në vitin 2011, duke u kthyer në një nga automjetet më të çuditshme që qarkullojnë në rrugët amerikane.  

Sipas mediave amerikane, efektivët e policisë e ndaluan mjetin pranë Billings, në Montana, pasi dy kuti pengonin leximin e plotë të targës. Pas një bisede miqësore, drejtuesi u lejua të vazhdonte rrugën pa marrë gjobë.  

Braithwaite thotë se nuk është hera e parë që ndalohet nga policia. Përkundrazi, ai pretendon se për vite me radhë ka qenë ndër drejtuesit më të ndaluar në SHBA, jo për shkelje të rregullave të qarkullimit, por thjesht sepse automjeti i tij tërheq vëmendjen kudo ku shfaqet.  

Së fundmi, 65-vjeçari ka nisur një udhëtim të gjatë nëpër Amerikë me misionin e tij të veçantë: të shpërndajë humor dhe optimizëm. Motoja që shfaqet në automjetin e tij është: “The World Needs More Whimsy” (“Bota ka nevojë për më shumë fantazi”).  

Burimi:  Cowboy State Daily⁠

Lini një Përgjigje

Më të lexuarat

Blog Tema

Powered by Tomorrow.io