Te fundit
FOTO/ Jennifer Lopez shkëlqen në Barcelonë me performancë mahnitëse në kuadër të turneut të saj evropian
16 Korrik 2025, 16:00Lifestyle
TEMA
Jennifer Lopez elektrizoi skenën e Palau Sant Jordi në Barcelonë të martën mbrëma, ku performoi me një veshje tejet atraktive një bodysuit i mbushur me gurë të çmuar që nxirrte në pah format e saj. Turneu i saj Up All Night nisi më 8 korrik në Pontevedra të Spanjës dhe pritet të përfundojë më 12 gusht në Sardenjë të Italisë.
Për natën e shtatë të turneut, J-Lo dha maksimumin duke shkëlqyer që nga momenti i parë me një kostum vezullues që theksonte hiret dhe siluetën e saj për tu admiruar. Aktorja dhe këngëtarja u shfaq me çizme të gjata deri mbi gju dhe me taka të holla dhe e shoqëruar nga një grup kërcimtarësh.
Më vonë gjatë performancës, Lopez veshi mbi kostumin e saj një xhaketë të artë me mëngë të stolisura me fije zbukuruese. Ajo e përmbylli pamjen e saj skenike me një kapelë të argjendtë të mbushur me gurë të ndritshëm, ndërsa këndoi një varg prej hiteve të saj më të mëdha, përfshirë On The Floor, Save Me Tonight dhe Jenny from the Block.
Ylli i muzikës pop u shfaq mjaft e lumtur gjatë gjithë koncertit të zjarrtë, duke treguar se ishte tejet e emocionuar për tu rikthyer në turne për herë të parë pas gjashtë vitesh. Vetëm një ditë më parë, Jennifer kishte ndarë në Instagram disa pamje nga provat prapa skenave, duke i dhënë fansave një vështrim ekskluziv në përgatitjet për nisjen e turneut.
Ky turne shënon rikthimin e saj në skenë pas “It’s My Party Tour” të vitit 2019. Fillimisht, ajo kishte planifikuar një tjetër turne të quajtur “This Is Me Live” për vitin 2024, por ai u anulua për t’i dhënë përparësi kohës me fëmijët, familjen dhe miqtë e ngushtë. Pas përfundimit të datave evropiane, J-Lo do të zhvendoset në Las Vegas për një mini-rezidencë në Caesars Palace nga 30 dhjetori deri më 3 janar.
Më të lexuarat
24 oret e fundit
Javen e fundit
Blog Tema
Lini një Përgjigje