Te fundit

Fotografi të papublikuara të Princeshës Diana dhe David Bowie dalin në dritë pas gati 40 vitesh

13 Maj 2025, 16:33Lifestyle TEMA
Fotografi të papublikuara të Princeshës Diana dhe David Bowie

Fotografi të rralla dhe deri më sot të papublikuara të Princeshës Diana dhe ikonës së muzikës pop, David Bowie, janë zbuluar pas gati katër dekadash. Fotot janë realizuar në vitin 1987 gjatë një koncerti të Bowie-t në Wembley, nga fotografi i njohur britanik, Denis O’Regan.

Në njërën prej fotove, Diana shihet duke buzëqeshur pranë Bowie-t, ndërsa atmosfera duket e qetë dhe miqësore. Fotot u realizuan me ndërmjetësimin e promovuesit të famshëm të muzikës, Harvey Goldsmith, pasi Diana, siç rrëfen fotografi, me ndrojtje kërkoi të bënte një foto me yllin e muzikës.

Megjithatë, vetëm një ditë pas koncertit, pallati mbretëror i kërkoi O’Regan të mos i publikonte fotot. Arsyeja lidhej me shoqërinë e princeshës atë mbrëmje – ajo ishte e shoqëruar nga Major James Hewitt, me të cilin kishte një lidhje sekrete në atë kohë. Për të shmangur vëmendjen dhe spekulimet, pallati kërkoi që fotot të mos bëheshin publike.

Fotografi Denis O’Regan pranoi kërkesën dhe e mbajti koleksionin e tij privat për dekada. Ngjarja është përmendur edhe në biografinë e mirënjohur “Diana: Historia e saj e vërtetë” nga Andrew Morton, ku Diana rrëfen për atë natë të veçantë dhe për zgjedhjen e saj të guximshme për të veshur pantallona lëkure – një stil aspak tradicional për një princeshë.

Zbulimi i këtyre fotove sjell edhe një herë në vëmendje anën më njerëzore dhe rebeluese të Dianës, e cila vazhdon të frymëzojë edhe dekada pas vdekjes së saj.

 

 

 

 

 

Lini një Përgjigje

Më të lexuarat

Blog Tema

Powered by Tomorrow.io