Te fundit
Kate Middleton ndan si e ndihmoi natyra gjatë betejës me kancerin
13 Maj 2025, 14:51Lifestyle
TEMA
Kate Middleton ka ndarë një rrëfim prekës mbi udhëtimin e saj personal të shërimit gjatë përballjes me kancerin, duke zbuluar se natyra ka luajtur një rol të rëndësishëm në procesin e saj të rikuperimit.
Në një video të re të publikuar nga Pallati Kensington, Princesha e Uellsit prezanton serinë dokumentare me katër pjesë të titulluar Nëna Natyrë, që shpalos lidhjen e saj të thellë me mjedisin përreth. Episodi i parë, me titull Pranvera, ofron pamje të qeta të saj dhe Princit William gjatë një vizite në ishullin Mull në fillim të majit, duke reflektuar ndryshimin sezonal dhe simbolikën e tij në jetën e saj.
E transmetuar me zërin e saj, videoja treminutëshe përshkruan se si koha e kaluar në natyrë u bë një strehë e shenjtë për të gjatë muajve të vështirë të trajtimit.
“Gjatë vitit të kaluar, natyra ka qenë vendi im i shenjtë,” shprehet Kate në video. Bota natyrore ka një forcë të jashtëzakonshme për të na frymëzuar, për të na ushqyer dhe për të na ndihmuar të shërohemi. Kjo është një njohuri që është përcjellë brez pas brezi.”
Fjalët e saj kanë një peshë të veçantë, duke marrë parasysh se ajo mori diagnozën e kancerit në janar të vitit 2024 një periudhë e errët dhe e ftohtë në Mbretërinë e Bashkuar, kur netët bien herët dhe dita është e shkurtër. Krahas peizazhit të dimrit, që shpesh përshkruhet si simbolik për periudha sfiduese, për Kate natyra u bë një rrugë drejt dritës dhe shpresës.
Seria do të vazhdojë me video që fokusohen në stinët e tjera verën, vjeshtën dhe dimrin duke ndjekur udhëtimin e saj të brendshëm përmes ndryshimeve të natyrës dhe forcës që ajo gjeti tek ajo.
Më të lexuarat
24 oret e fundit
Javen e fundit
Blog Tema
Lini një Përgjigje