Te fundit
FOTOT: Harbohen studentët, shpallet gjendja e jashtëzakonshme në Miami Beach
25 Mars 2022, 10:53Lifestyle
TEMA
Zyrtarët e qytezës turistike Miami Beach, kanë shpallur gjendjen e jashtëzakonshme dhe kanë vendosur orë policore në qytet, për shkak të sjelljes së shfrenuar të studentëve që kalojnë aty pushimet e pranverës.
Çdo vit, qindra mijëra studentë nga universitetet amerikane zgjedhin shtetin e Floridës për të kaluar pushimet, duke “pushtuar” plazhet dhe pikat kryesore turistike. Vala e të rinjve që kërkonin diell, alkool dhe festa nuk u ndal as në vitet e pandemisë, për shkak se Florida gjithmonë refuzoi të vinte në zbatim masa të rrepta.
Sipas kryebashkiakut Dan Gelber, ora policore nis të enjten pas mesnate dhe zgjat deri të hënën në orën 6 të mëngjesit. Ajo do të përsëritet edhe në fundjavën e ardhshme.
Vendimi u mor pas dy incidenteve me armë gjatë fundjavës së kaluar, ku mbetën të plagosur 5 vetë, në bulevardin e famshëm “Ocean Drive”. “Nëse doni të shihni si duket një kryebashkiak i inatosur, më shihni mua”, tha Gelber në një konferencë për mediat. “Është mbushur kupa, ajo që po shohim dhe ndjejmë është e papranueshme”. Autoritetet kanë anuluar edhe evenimentet e planifikuara, si koncerte apo aktivitete të tjera.
Shefi i policisë, Richard Clements, tha të hënën se që prej nisjes së sezonit të pushimeve në shkurt, 9 efektivë janë plagosur. Kryebashkiaku Gelber tha gjithashtu se përgjatë fundjavës së kaluar janë sekuestruar 100 pistoleta. Sipas autoriteteve lokale, këtë vit mendohet se 570 mijë studentë do të mbërrijnë në Florida.
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mero kthe sic ishte gazeta ne kompjuter.
Edhe une them shume me mire ishte
une them qe eshte shume me mire kshu
Shume me mire eshte.
Vertet, formati i pare ishte me i mire. Po se ke problem, ktheje ashtu siç ka qene me perjashtim te formatit te komenteve, i cili, eshte me i mire tani se me pare.
Ai polici me motor ne foto eshte ai qe ta rruan mikun
Zoti Mero! Kthejeni gazetaen ne formatin e pare,perveç kmenteve