Te fundit
Franca ndalon pirjen e duhanit edhe në vendet e hapura publike
29 Maj 2025, 22:00Lifestyle
TEMA
Qeveria franceze ka njoftuar ndalimin e pirjes së duhanit duke filluar nga 1 korriku në vendet publike të hapura ku mund të jenë të pranishëm fëmijët, siç janë plazhet, parqet dhe kopshtet publike, rreth shkollave, stacionet e autobusëve dhe objektet sportive.
"Ku ka fëmijë, duhani duhet të zhduket", tha Ministrja e Shëndetësisë dhe Familjes, Catherine Vautrin, në një intervistë të botuar në faqen e internetit të gazetës rajonale Ouest-France.
“Për zonat përreth shkollave, perimetri do të specifikohet në dekret. Përtej distancës së saktë përreth shkollës, ideja është që fëmija që po largohet nga shkolla të mos ketë një mur me prindër që pinë duhan përpara tij”, tha minsitrja.
Sipas ministres shkelja e këtyre rregullave të reja, të cilat nuk do të ndikojnë në cigaret elektronike në këtë fazë, mund të rezultojë në një gjobë të klasit 4, ose 135 euro.
Pavarësisht se shumica dërrmuese e francezëve janë në favor të kësaj ideje, sipas një sondazhi të YouGov për Le HuffPost, tarracat e bareve dhe restoranteve nuk do të preken.
E pyetur për një rritje të mundshme të çmimeve të duhanit, ministrja siguroi se një rritje nuk ishte në agjendë.
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kujdes i sterholluar per shendetin e njerezve. Bravo!
C'pergjigje te le, une lexuesi. Ne Tirane nuk ka vajze, nga 15-20 ne 30 vjec, qe nuk pi cigare ne kafenete plot diten e naten, edhe pas mesnate. Djemte po e po. Nese kjo eshte liri ne kushtet e demokracise, kujdes per shendetin e qytetareve, apo zbatim i ligjeve, vendimeve e urdheresave qe jane miratuar nder vite, dhe nuk zbatohen, atehere me lind e drejta te them pa me ardhur aspak turp: ju dhjef...sha ne to. Zoti kryeminister, edhe per keto qe shkruaj une, nje pensionist, mbani pergjigjesi ju, pavaresisht se u a kam dhene voten sa here jam gjendur perpara fletes se votimit. Nese nuk e njihni gjendjen, nese nuk keni kohe te lexoni as gazeten , perfshire edhe keta rreshta, keni plot organizma qe duhet ta marrin seriozisht situaten ne dore, sepse te rinia e sotme eshte e ardhmja e shendetshme e popullit.
Legalizoni hashashin dhe ini ne rregull
Në Shqipëri nuk e ndalojnë as në ambientet e brendshme, jo më nëpër parqe dhe pishina që as nuk imagjinohet. Pijnë cigare për qejf në surrat të të tjerëve se kush do vendosë gjoba në këtë vend pa shtet?
Ja kur shteti mendon per shendetin e femijeve, deri aty sa e ndalon duhanin kancerogjen edhe neper lulishte dhe paqe qe jane per ajer te paster.
Epo ka shtet atje prandaj. Ne Albanistan farmakosesh nga duhani, smoku dhe era e plehrave
Ide shume e mire ndalimi i duhanit ne plazhe. Te mos thithesh tymin e tjetrit afer