Te fundit

Irani akuzon triumfuesit iranianë të Cannes për "blasfemi"

11 Qershor 2022, 16:45Lifestyle TEMA

Irani akuzon triumfuesit iranianë të Cannes për

Autoritetet iraniane kanë akuzuar aktoren me origjinë iraniane, Zahra Amir-Ebrahimi, për “blasfemi”.

Amir-Ebrahimi fitoi çmimin për aktoren më të mirë në Festivalin e Filmit në Cannes – për filmin “Holy Spider”.

Mes të akuzuarve ka përfunduar edhe regjisori danezo-iranian i filmit, Ali Abbasi.

Madje, disa kanë shkuar më tej, duke kërkuar ekzekutimin e tyre.

Sipas mediave vendase, këto përshkallëzime erdhën disa ditë pas triumfit të protagonistëve në Cannes.

“Holy Spider” është një prodhim francez, gjerman, suedez dhe danez, i filmuar në Jordani.

Organizata Iraniane e Çështjeve Kinemasë dhe Audiovizive, e cila operon nën kujdesin e Ministrisë së Kulturës dhe Udhëzimit Islamik, lëshoi ​​një deklaratë.

Kjo e fundit e etiketoi filmin si “turpësi e paturpshme”, duke shtuar se ishte “produkt i mendjes së shtrembëruar të një shtetasi iranian-danez”.

Deklarata vuri në dukje se filmi është realizuar jashtë Iranit me para të huaja.

Amir-Ebrahimi deklaroi gjithashtu për multi-medialin amerikan CNN se kishte marrë rreth 200 kërcënime pas ceremonisë së çmimit në Cannes.

Kërcënime të ngjashme kanë marrë edhe regjisori i “Holy Spider”, si dhe të tjerë të përfshirë në realizimin e këtij filmi.

1 Komente

  1. S
    Sara
    11 Qershor 2022, 17:12

    Injoranca e institucionalizuar nuk mund t'a mbyse kurre kulturen e lashte perse, qe tashme eshte ne emirim....

    Përgjigjjuni

    Lini një Përgjigje

    Më të lexuarat

    Blog Tema

    Powered by Tomorrow.io