Por kjo është historia e Nicole Cappellarit, 23-vjeçares nga Gallio, e cila pranverën e kaluar vendosi të ndiqte bashkëmoshatarin e saj Luca Sartori në aventurën e tij mes kullotave, së bashku me qenin e saj besnik Aron.

Më 26 nëntor, familja e barinjve u zgjerua pas ardhjes së Diego-s së vogël.

“Unë lashë punën time dhe vendosa ta ndjek atë”, shprehet Nicole.

Historia mes Nicole dhe Luca është një histori që ka vazhduar për një kohë shumë të gjatë.

“Ne e kemi njohur njëri-tjetrin përgjithmonë, jemi të dy nga Gallio dhe kemi ndjekur gjithmonë të njëjtat shkolla: madje ishim bashkë edhe në shkollën e mesme. Më pas, për fat të keq, humbëm kontaktin, deri rreth dy vjet më parë, kur u takuam përsëri dhe vendosëm të provonim përsëri”, ka rrëfyer ajo.

“Unë kam pasur gjithmonë kafshë, ndërsa familja e Lucas ka një fermë, dhe ai më tha se do të donte të fillonte biznesin e tij me tufën e deleve. Nuk u mendova dy herë, lashë punën në lokal dhe vendosa ta ndjek në këtë aventurë”.

Prillin e kaluar, të dy blenë kokat e tyre të para të bagëtisë, dhe nuk ishte i vetmi lajm: në të njëjtën periudhë, Nicole zbuloi se ishte shtatzënë.

Me barkun që rritej çdo ditë e më shumë, ajo punoi deri në ditën e lindjes, duke kaluar gjithë verën në pllajë para se të zbriste në dimër në fusha.

Zgjedhja e Nicole dhe Lucas është padyshim e guximshme, veçanërisht pas ardhjes së Diego-s së vogël.

Kur familja e vogël lëviz nëpër fushat e Viçenzës, të tre jetojnë në një rimorkio me një shtrat dhe kuzhinë të tërhequr nga makina.

“Tani sigurisht që është më e ndërlikuar, por gjithsesi kjo punë nuk më rëndon aspak sepse të jep shumë kënaqësi: gjëja më e mirë është qetësia, koha për të menduar dhe për të shijuar çdo moment të ditës, pa furi e pa vrap, duke ndjekur ritmin e natyrës”.

Për momentin, Nicole shkon përpara e mbrapa midis Galios dhe fushës, duke e ndihmuar Lucan sa më shumë që të jetë e mundur.

“Unë kujdesem për pjesën burokratike dhe duhet të hartoj të gjithë dokumentacionin që të kaloj nëpër bashki, që nuk është tamam një shëtitje në park: paradoksalisht është më shumë një përpjekje për të qenë në gjendje të prezantojë të gjitha dokumentet se sa vetë punën”, ka treguar e reja.

“Për momentin kemi 500 dele, por qëllimi është të dyfishojmë kopenë”.

“Corriere della Sera”

3 Komente

K
Kristi

26 Dhjetor 2023, 09:58

Bravo, Shembull per tu ndjekur..

Përgjigjjuni
J
Jugu

26 Dhjetor 2023, 17:55

Ja kete shikoni o popull dhe mos i kerkoni Rames qiqra ne hell. Shkoni ne fshat dhe punoni se ashtu dhe Rama ju ndihmon me fonde e subvencione. Shikoni si e beri Erjon Brace myzeqen, bahce me lule. Punojne te lumtur dhe shesin prodhime bio.

Përgjigjjuni
M
Marku nga vau dejsi

26 Dhjetor 2023, 19:54

Brravo ashtu eshte

Përgjigjjuni