Te fundit
Pas një viti heshtje, Elsa Lila flet për arrestimin e bujshëm: Jam e pafajshme!
31 Mars 2023, 14:18Lifestyle
TEMA
Këngëtarja Elsa Lila u rikthye në qendër të vëmendjes një vit më parë në mediat shqiptare pas shumë vitesh shkëputjesh nga skena. Këngëtarja u bë pjesë e medias italiane për shkak të arrestimit të saj pasi ishte pjesë e një grupi trafikimi droge.
Pas gjithë bujës së madhe të arrestimit, pas lirimit nga burgu, Elsa Lila u rikthye edhe në muzikë pas rreth 15 vitesh. Ajo mori pjesë në festivalin e këngës me një dedikim për të bijën, ku mori çmimin e parë.
Por Elsa Lila ka heshtur gjithë këtë kohë për arrestimin e saj dhe ka vëndour të flasë vetëm së fundmi. E ftuara e Mira Kazhanit, Elsa ka rrëfyer eksperiencën e arrestimit që sipas saj ishte e tmershme. Këngëtarja tregon se si policët hynë me dhunë dhe shkatërruan shtëpinë e saj në orët e para të mëngjesit.
Rrëfimi i Elsa Lilës:
Atë mëngjes të tmerrshëm, 16 mars 2022 ndërkohë që unë flija paqësisht në orën 5 të mëngjesit, flija së bashku me vajzën time përqafuar, më paraqiten në shtëpi 7 policë të armatosur deri në dhëmbë. Përdhunojnë shtëpinë time deri në detaje dhe gjejnë vetëm libra, vepra arti, instrumente muzikore dhe lodra fëmijësh. Më shihnin si të çuditur, sepse kërkonin diçka në shtëpinë time që nuk ekzistonte dhe unë i pyesja vazhdimisht, u thoja: “Çfarë po kërkoni në radhë të parë nga unë dhe çfarë po kërkoni këtu”? “Këtu nuk ka asgjë”! Një proces verbal ku rezultonin të sekuestruar vetëm celulari im dhe iPad-i i vajzës time. Çdo gjë ishte absurde. Pra nuk gjendet asgjë në shtëpinë time. Nuk gjendet asgjë në telefonin tim. Nuk gjendet asgjë përsa i përket figurës time. Nuk kishte asgjë në lidhje me figurën time, por përsëri ata duhet të ekzekutonin urdhrin për të më çuar atje ku më çuan.
Nuk dua të flas për dy javët e izolimit, sepse ka qenë një eksperiencë gati kafshërore, jo njerëzore. Po mundohem të përmbledh gjithë këto kujtime dhe histori në një libër. Po shkruaj një libër dhe do t`i tregoj më në mënyrë të detajuar në këtë libër kur të jetë…
Komunikimi i parë! Kisha një refren që ishte: “Jam e pafajshme”! Nuk kam rreshtur së thëni këtë gjë. “Ju lutem më kuptoni, jam e pafajshme”! “Ju lutem më kuptoni, jam e pafajshme, nuk kam bërë asgjë. Përse jam këtu”? Do të ta shpjegojmë kur të vijë avokati yt! Unë nuk kisha asnjë avokat. Jam futur atje brenda pa avokat, sepse kurrë në jetën time nuk më është dashur një avokat për jetën që kam bërë. Nuk kam pasur nevojë. Avokatin e kam takuar pas tre javëve. Është një rast i rrallë, sepse zakonisht më tregojnë se kur ndodhin këto gjëra, avokati ka të drejtë të shkojë të takojë klientin e tij menjëherë. Unë e kam takuar pas 3 javëve, e para sepse nuk kisha një avokat dhe deri sa u gjet nga miqtë e mi dhe nga familja ime të cilët ishin jashtë këtij lloj ambienti dhe ka qenë e vështirë dhe për ta që të gjenin dikë të ndershëm që të më ndihmonte. Pra refreni im ishte: “Jam e pafajshme! Jam e pafajshme”! Dhe më pas u thashë të futeshin në “Google” dhe të shikonin kush unë isha dhe çfarë dija të bëja dhe cila jam realisht. Jam një artiste nuk jam një kriminele! “Ju lutem, – iu thashë, – shkoni dhe lexoni mbi mua, dëgjoni zërin tim. A mundet një njeri që transmeton atë që transmeton me emocionet e saj, njëkohësisht t`i bëjë dëm shoqërisë? Të jetë një kriminele?” Nuk mund të qëndrojnë të dyja figurat bashkë sepse është e pamundur të qëndrojnë të dyja. E bukura dhe e shëmtuara në të njëjtin trup nuk mund të bashkëjetojnë dhe shumë shpejt e kuptuan të gjithë. Gardianet mbasi kishin parë se cila unë isha në ditët në vijim ndryshuan totalisht sjellje me mua. Bashkëbisedonim në mënyrë ”normale”, jo si një superior me një qenie inferiore. Mundoheshin të më ndihmonin, të më ruanin nga individë të rrezikshëm.
Atje brenda isha e bindur çdo ditë që çdo ditë do ishte dita e fundit dhe unë do dilja. Çdo ditë i thoja shoqeve të dhomës: “Ndoshta sot është dita e fundit, unë nesër do dal. Është e sigurt, unë jam e pafajshme, sigurisht që do vijnë të më shpëtojnë. Sigurisht do vijnë të më marrin prej këtu. Është një gabim shumë i madh. Sigurisht që unë do dal që këtu!” Për mua çdo ditë ishtë dita e fundit dhe mendoja se kur të dilja që aty do kishte qenë për mua një shpërthim.
Një triumf, “conquista della liberta” liria ime u rifitua, por zbulova që mbasi njeriu mbyllet me forcë në një vend për shumë kohë, kur del prej atij vendi fillon sindroma e mbylljes dhe nuk jam as e para dhe as e fundit. Pastaj u informova për këtë, u ndihmova për këtë. Unë për një kohë të gjatë mbas kësaj nuk dilja dot rrugëve të Romës. Nuk dilja dot nga shtëpia. Më kapnin kriza paniku dhe vazhdoja mbylljen. Vazhdoja të isha në burg në shtëpi, sepse kisha frikë të dilja dhe nuk e kuptoja as se nga se kisha frikë.
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
mos ja ver veshin llapaqenve shpirtezinje ne ate vend por jeto jeten tende Elsa
Si shume verdalle po i bie o Elsa. Nje fjalim kaq i gjate per te thene qe je e pafajshme. Po nuk sqarove pse te kishte dale zeri ne pergjime. Te pakten sipas artikujve, policia kishte pergjime me zerin tend ku ju ofroje konsulence shokeve se me ke duhet te lidheshin. Eshte tjeter te thuash qe je e pafajshme dhe tjeter te thuash qe ishte ngaterrese sepse njihja filanin. Nuk po dyshoj ne vertetesine e asaj qe thua, por ka akoma pyetje te hapura.
Emri yt doli nga pergjimet e personave te rrezikshem qe merreshin me gjera te paligjshme. Ti ndoshta nuk ishe perfshire ne keto pune por shoqerimi yt me keta individe te beri dhe ty te dyshuar. Dashnorja e nje mafiozi gjithmone eshte e dyshuar
Elsa si shume te tjere kam jam dashamires i kenges se kenduar nga ju. Po ndahen gjerat. Te vlersoj per artin por edhe pse me vjen keq mbaj qendrim kritik nese ti je pjese e botes se droges. Nese gjykata italiana te ka deklaruar te pafajshme atehere prova e vetme qe duhet te publikosh eshte vendimi gjykates dhe demshperblimi monetar dhe moral. Nese i ke te shtrengoj doren dhe harro cdo gje qe ka ndodhur.
you fucked up ur image o Elsa ....
Po je e pafajshme pse nuk hedh ne gjyq policine?
Epo kur fillon e flet per te tilla probleme ose beje siç duhet , me fakte , emra , data , akuza ose me mire mos fol fare . Ata policet sigurisht kishin mandat per kontroll nga prokurori sepse ndryshe nuk hynin dot per kontroll. Ka edhe shqiptare te tjere ne Itali por jo per kete arsye i hyje karabinieret per kontroll ne banese. Prandaj kur felt perciptas per çeshtjen nuk sqaron gje.