Te fundit
U akuzua për p*rdhunimin e një të miture dhe armëmbajtje pa leje, reperi shqiptar shpallet i pafajshëm
17 Qershor 2025, 09:32Lifestyle
TEMA
Këngëtari nga Kosova, Asdren Gjikolli, i njohur me emrin artistik Gjiko, është shpallur i pafajshëm nga Gjykata Themelore në Prishtinë në lidhje me akuzat për përdhunim dhe armëmbajtje pa leje.
Lajmin e ka bërë të ditur avokati dhe bashkëshortja e tij, Elita Rudi, e cila në një postim në rrjetet sociale shkruan se “sot u vërtetua ajo që zemra ime e ka ditë gjithmonë, ti je i pafajshëm”.
Në postimin e ndjerë për të shoqin, ku krahas mesazhit ka publikuar edhe një video me momentet e tyre më të bukura, Elita shprehet se për ta sot u mbyll një plagë që u dhembi, por kurrë nuk i ndau.
“Ti kurrë s’e ule kokën, punove më shumë se kurrë, e kur unë dobësohesha, forca jote më ngriti. Sot qaj nga gëzimi që e vërteta u tha”, ka shkruar ajo.
“Sot mbyllet një plagë që na dhembi, por kurrë nuk na ndau. Sot u vërtetua ajo që zemra ime e ka ditë gjithmonë: ti je i pafajshëm. I kemi duru fjalë, akuza, dyshime… por asnjëherë s’u dorzuam. Më kujtohet si sot kur me the: ‘Nese ti je me mu, s’ka rëndësi kush është kundër, veç me pas ty mjafton.’ Ti kurrë s’e ule kokën, punove më shumë se kurrë, e kur unë dobësohesha, forca jote më ngriti. Sot qaj nga gëzimi që e vërteta u tha. Përpara kemi veç dritë bashkë, më të fortë se kurrë!”, ka shkruar ajo.
Ndërkohë, përmes një postimi në Facebook, avokati Kujtim Kërveshi, që ka përfaqësuar Gjikon në këtë proces, u shpreh se “Gjiko ka hyrë i pafajshëm dhe doli i pafajshëm dhe i pastër si loti!”
AKUZAT NDAJ KËNGËTARIT
Gjiko u akuzua se ka përdhunuar një të mitur në korrik të vitit 2015. Rasti u raportua se kishte ndodhur në banesën e tij në qytetin e Prishtinës dhe sipas prokurorisë ai e kishte droguar viktimën para se ta përdhunonte.
Në aktakuzë thuhej se e mitura, banore në fshatin Sos, ishte mashtruar nga reperi i cili kishte thënë se do ta bënte këngëtare dhe se do ta angazhonte në spote të këngëve të tij.
Pas këtyre premtimeve të Gjikos, sipas aktakuzës e mitura ka pranuar të shkojë në banesën e tij në lagjen Arbëria, në Prishtinë ku ai dyshohet se e ka droguar dhe më pas ka kryer marrëdhënie seksuale me të.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
kengetare bythe jane keta pa shkolle pa formim nuk dine as shkrim as lexim ne shqiperi por dhe kosove kenga ra poshte fare turp