Te fundit
Balla në Sallën Plenare të Parlamentit Europian ndjek debatin mbi shqipërinë: Shqipëria, “favoritja kryesore” për anëtarësim në BE
16 Qershor 2026, 18:30Politika
TEMA
Gjatë ndjekjes së debatit në Sallën Plenare të Parlamentit Europian, Taulant Balla vlerësoi si një moment krenarie deklaratat e Komisioneres për Zgjerimin, Marta Kos, dhe Raporterit për Shqipërinë, Andreas Schieder, të cilët e cilësuan Shqipërinë si një nga vendet më të avancuara në procesin e integrimit europian.
Sipas Ballës, fakti që Shqipëria përmendet së bashku me Malin e Zi si “favoritja kryesore” për anëtarësim në Bashkimi Europian përbën një vlerësim të rëndësishëm për progresin e arritur nga vendi në rrugën e reformave dhe afrimit me standardet europiane.
“Çfarë krenarie të jem në Sallën Plenare të Parlamentit Europian dhe të dëgjoj Komisioneren Kos dhe Raporterin Schieder të thonë se Shqipëria mund të quhet me krenari ‘favoritja kryesore’, së bashku me Malin e Zi, për t’u anëtarësuar në Bashkimin Europian”, u shpreh Balla.
Ky vlerësim vjen në një moment të rëndësishëm për procesin e negociatave të anëtarësimit, ndërsa Shqipëria vijon punën për përmbushjen e prioriteteve dhe përshpejtimin e reformave në kuadër të integrimit europian.
Deklaratat në Parlamentin Europian konsiderohen si një sinjal pozitiv për ecurinë e vendit dhe perspektivën e tij për t’u bërë pjesë e familjes europiane.
Më të lexuarat
24 oret e fundit
Javen e fundit
Blog Tema
Lini një Përgjigje