Te fundit
Bashkimi në Pezë, Gogu thirrje opozitës: Ejani në komisionin e Posaçëm Antikorrupsion
16 Shtator 2024, 13:45Politika
TEMA
Në ceremoninë për 82 vjetorin e Konferencës së Pezës, deputeti i zonës dhe nënkryetari i Grupit Parlamentar të Partisë Socialiste, Toni Gogu, teksa evidentoi këtë ngjarje hisorike si një moment bashkimi mes shqiptarëve, bëri thirrje për një tjetër bashkim të madh në luftën kundër korrupsionit.
“Sot, Shqipëria përballet me një betejë të re – një betejë që, si ajo e zhvilluar këtu në 1942, kërcënon lirinë tonë dhe të ardhmen e kombit tonë.
Korrupsioni është bërë pushtuesi i ditëve tona, duke dobësuar institucionet tona, duke gërryer besimin dhe duke penguar përparimin. Lufta kundër korrupsionit, krijimi i një shoqërie të bazuar në shtetin ligjor dhe ndjekja e qeverisjes së mirë janë sfidat përcaktuese të kohës sonë.
Dhe ashtu si populli i Pezës u bashkua përballë pushtimit të jashtëm, ashtu edhe ne duhet të bashkohemi kundër forcave të brendshme që pengojnë Shqipërinë”, tha Gogu teksa përsëriti ftesën drejtuar opozitës që të bashkohen në Komisionin e Posaçëm për Mirëqëverisjen, Antikorrupsionin dhe Sundimin e Ligjit.
“Lufta kundër korrupsionit nuk mund t'u lihet disave të përzgjedhur. Kërkon pjesëmarrjen aktive të çdo shqiptari, të çdo institucioni dhe të çdo force politike. Prandaj u bëj thirrje të gjitha partive, veçanërisht opozitës, të bashkohen me ne në këtë luftë.
Komisioni i Posaçëm për Qeverisje të Mirë, Kundër Korrupsionit dhe Sundimin e Ligjit është krijuar për t'i trajtuar këto çështje ballë për ballë, për të krijuar reformat që do të ndërtojnë një shoqëri më të mirë dhe më të drejtë. Por ne nuk mund të kemi sukses nëse disa zgjedhin të luajnë lojëra politike në vend që të qëndrojnë me ne në kërkim të drejtësisë.
Populli i Pezës nuk zgjodhi unitetin vetëm kur u shkonte përshtat; ata zgjodhën bashkimin sepse e dinin se kjo ishte mënyra e vetme për të mposhtur pushtuesin. Sot, ne kemi nevojë për të njëjtën frymë. Ne kemi nevojë që opozita të jetë me ne, jo vetëm kur është e përshtatshme, por gjithmonë, për hir të Shqipërisë”, tha Gogu.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gogu shkon mban fjalim per deshmore, si partizan. Nese flet ky per Antikorrupsion, eshte vete ky krimi (korrupsioni) . Ka pushtuar kadastren ne zonen Tirana Rurale 2 perfshin Vore - Kashar, I genjen fshataret se do legalizohen ose do regjistrohet toke me AMTP me kembim vote per PS. Nuk eshte gje tjeter genjeshter, nderkohe ben pazare me korruptuarit dhe krimin si psh drogaxhit e Tepelenes, per te pushtuar tokat ne Vore Kashar. Pra, ky eshte Gogu bashke me Veliaj, Romina Kukon qe perqafojn Antikorrupsioni me fjale ne podiume fushate. Nuk punojne ne administrate, po merren me fushate para 8 muaj te filloje fushata zgjedhore. Qerohuni nga politika te korruptuar
Akoma perkujtohet "conference" (fjale anglisht) ???? Çfar "conference" ka qenë??? HAHAHA Ku, sa shume zgjati, cilet ishin shkencaret qe folen aty???? Myslym osman Peza??? Analfabet, kriminel, agjent i jugosllaveve.
Korrupsionin e lufton SPAK -u dhe BKH ju duhet t'a denonconi kaq. Nuk keni punë ju si deputete ju bëni ligjet nuk hetoni s'jeni prokurorë . Doni t'a mbani nën kontroll edhe Dumani refuzoi t'ju dërgojë përfaqësues. Çuditërisht Berisha është pro një komisioni të tillë
Myslym Osmoni Peza eshte varur me foto, shtepia ose restoranti, ku flinte Rama dikur opozitar. Iku Rama, erdhi te Drejtoria e Policise Tirane me apartament ne kat te fundit. Dashamir Peza e beri restorant me emrin IL Paese, shtepine Monit ka var ne mur foto Mon Pezen. "Na Myten Komunistet" Atdheu Ne Rrezik Edhe Ne 2024
Ka mundesi qe i gjati i ripjelljes te pranoje qeveri teknike ne shkembim te pjesemarrjes se opzites ne kete komision, dhe si drejtues te kesaj qeverije te vendose Benetin e Shkodres qe eshte provuar si kameleon
Nje hall te madh ka kryehajni i ripjelljes qe opozita te hyje ne ate komision. I kane dale boje gjithe hipokrizite t tije per luften ndaj korupsionit para kacelarive europiane . E don me patjeter si fasade.