Te fundit
Begaj mesazh për protestat: E drejta për t’u shprehur është kushtetuese. Angazhimi qytetar dhe respekti për ligjin ecin së bashku!
24 Qershor 2026, 20:14Politika
TEMA
Presidenti Bajram Begaj mori pjesë në aktivitetin e organizuar me rastin e 100-vjetorit të Prefekturës së Tiranës, ku përveç vlerësimit për rolin historik të këtij institucioni, u ndal edhe te protestat gjatë javëve të fundit në vend.
Gjatë fjalës së tij, kreu i shtetit u shpreh se aktiviteti zhvillohet në një moment kur qytetarët po shprehin publikisht shqetësimet dhe pritshmëritë e tyre në mënyrë paqësore.
Begaj theksoi se, në respekt të pozicionit dhe neutralitetit kushtetues të Presidentit, e drejta për t’u shprehur dhe për të marrë pjesë në jetën publike është një vlerë e mbrojtur nga Kushtetuta.
Sipas tij, kjo e drejtë duhet të ushtrohet në pajtim me Kushtetutën dhe ligjet e vendit.
Presidenti nënvizoi se konsolidimi i demokracisë dhe zhvillimi i qëndrueshëm i vendit mbështeten te angazhimi i përbashkët i qytetarëve dhe institucioneve për të vepruar në përputhje me Kushtetutën, interesin kombëtar dhe atë publik.
“Korniza kushtetuese, së bashku me rregullat e shtetit ligjor dhe demokracisë, përbëjnë garancinë kryesore për funksionimin e drejtë të shoqërisë”, u shpreh Begaj.
Kreu i Shtetit shtoi se mbetet i përkushtuar në mbrojtje të Kushtetutës, të të drejtave dhe lirive themelore të qytetarëve, si dhe në nxitjen e një klime bashkëpunimi dhe dialogu që i shërben interesit kombëtar, të ardhmes europiane dhe vlerave euroatlantike të vendit.
Në pjesën tjetër të fjalës, Begaj vlerësoi Prefekturën e Tiranës si një institucion që prej vitit 1926 ka shërbyer si urë lidhëse mes qeverisjes qendrore dhe komuniteteve vendore, duke garantuar stabilitet, rend dhe zhvillim.
Ai tha se 100-vjetori i këtij institucioni është një moment reflektimi për rolin e administratës publike dhe nevojën për rritjen e cilësisë së shërbimit ndaj qytetarëve.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ku ishte ky bajga e rames deri tani. Mos ka qene me leje ndoshta
Tani ky quhet Sh.T.Haxhi Borom Begaj se ishte ne haxh......, se shpejti do behet veziri i pare i Ajatollahut El Edi bin Rama Qin Pallosh !!!!!
Eh mer lanet Bayromi,nuk mund te te rri verra rehat....duhen mbeshtet birazeret e Ajotallahut!!
Edhe mbrojtja e integritetit territorial është pjesë e kushtetutës por zotëria jote firmosi çdo letër që e cënon.
Largohu president,gjumi jot po ben dem per vendin ekz e tij ,nqs vazhdon keshtu largohu!