Te fundit
Ben Andoni: “Tapia” politike e Berishës mbi PD-në dhe pengmarrja e opozitës (VIDEO)
17 Janar 2026, 19:35Politika
TEMA
Ka një qetësi të çuditshme në politikën shqiptare. Një qetësi që nuk vjen nga stabiliteti, por nga mpirja. Ministrat akuzohen për korrupsion, dosjet zvarriten, drejtësia përplaset me pushtetin dhe kryeministri vazhdon propagandën sikur asgjë të mos kishte ndodhur. Është ajo që analisti Ben Andoni e përkufizon si “qetësia para stuhisë”, një gjendje ku gjithçka duket se lëviz, por asgjë nuk ndryshon.
Në një intervistë për Gazeta Tema, Andoni thotë, ndër të tjera, se përballë akuzave të rënda për korrupsion, mazhoranca zgjedh strategjinë e vjetër të mbijetesës: zhurmë, propagandë dhe konsum ditor lajmesh, derisa skandali i radhës ta zëvendësojë të mëparshmin.
Analisti flet për një situatë ku të gjitha palët duken të interesuara të ruajnë status quo-në. Bashkëpunimi i heshtur Rama–Berisha është tashmë gjithnjë e më i dukshëm, një marrëveshje për të ruajtur të pandryshuar situatën, ku secila palë ka interesin e vet: qeveria të mos rrëzohet dhe opozita të mos reformohet.
Enturazhi përreth Berishës, thotë Andoni, nuk po e shpëton PD-në, por po i shkakton asaj dëme afatgjata. Logjika e “tapive” mbi parti, ideja se PD-ja ka një pronar historik, ka shuar lidhjen me origjinën e saj në vitet ’90, me një të djathtë që lindi si revoltë kundër pushtetit absolut dhe jo si pronë private.
Partia Demokratike e sotme, sipas Andonit, është vetëm hija e asaj lëvizjeje që nisi si shpresë. Ajo ka humbur misionin e saj politik, ashtu si edhe Partia Socialiste, e cila, ndonëse në pushtet, ka mbyllur ciklin e vet përfaqësues. Dy parti të mëdha që nuk prodhojnë më vizion, por vetëm mbijetesë.
Andoni e sheh lëvizjen Salianji në PD me disa avantazhe të dukshme: energji, gjuhë direkte dhe një raport më të natyrshëm me publikun. Ai sheh edhe dobësitë dhe mangësitë e kësaj lëvizjeje, duke theksuar së pari mungesën e një dokumenti politik mbi të cilin bazohet lëvizja.
Megjithatë, kriza e madhe e përfaqësimit e ka bërë të pashmangshme lindjen e lëvizjeve të reja politike. Sipas Andonit, vetëm jashtë binomit PD–PS mund të gjendet një zgjidhje reale për Shqipërinë. Ai flet për përvojën shqiptare të lëvizjeve që kanë lënë gjurmë, të cilat jo gjithnjë kanë rezultuar pozitive. Shembulli i Vetëvendosjes dhe i Albin Kurtit tregon një lëvizje që nisi si alternativë radikale dhe përfundoi në një formë të re autokracie. Ndërsa Lëvizja Lapaj, sipas Andonit, mbetet historia e një shansi të humbur, një premtim që u konsumua shpejt, pa arritur të ndërtojë besim dhe strukturë.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
PD është e Berishës por pengesë për opozitën s'ka pse të jetë.thjesht duhet të gjejnë mënyrën si t'i afrohen popullit.arsyeja që i pengon Berisha një 82 vjeçar non grada për mendimin tim është paaftesi
Po me PS-te ç'ke o zoti Andoni! Ajo eshte mire ne punen e saj. Eshte me votuar nga populli.Po punon mire,shqiperine e ka njohur ne te gjithe boten,ka nje vizion kryesor per te futur vendin ne BE,po bene reforma dhe do beje akoma. Kurse per PD-ke ke te drejte se, ate parti Saliu ja ka nxier ujin e zi,e ka shperbere dhe e ka thyer ne nje skuader rrugaçesh kush te shaj e te shpifin sa me shume.
Z. ,Beni më pëlqen si analist ,por sot ja ke futur kot për mendim tim.Dikur kur dy kalamj ziheshin, mësuesi u fuste nga një vizore duarve si fajtorit dhe të pafajshmit.Ai ka marrë votat ,kurse ti thua je fajtor për ç' do gjë se të votoj populli!
...duke krahasuar pd me ps e thua jane pothuaj jane njesoj....e le pd te mos bej nje hap para....partia e saliut eshte ku therret qameti....saliu do iki por pd do kohe te behet parti qe e do koha ....ky eshte realiteti ..Qe ketu fillo e bej analize..Ne se ke frike mos fol...nuk i duhesh njeriut