Te fundit
Biden i dërgon sërish Senatit kandidaturën e David J. Kostelancik për ambasador të SHBA-së në Shqipëri
12 Janar 2024, 19:20Politika
TEMA
Presidenti Joe Biden i ka ridërguar Senatit kandidaturën e David J. Kostelancik për ambasador të Shteteve të Bashkuara në Shqipëri.
Emërimi i diplomatit Kostelancik për postin e ambasadorit amerikan në Shqipëri u rikthye disa ditë më parë në Shtëpinë e Bardhë pasi Senati, gjatë sesionit që u mbyll në fund të vitit të kaluar, nuk futi në rend dite brenda afateve, votimin për konfirmimin e Kostelancik dhe të dhjetëra të emëruarve të tjerë.
Kandidatura e Kostelancik u kthye të mërkurën në Shtëpinë e Bardhë, në bazë të një klauzole të rregullave të Senatit sipas së cilës “emërimet që as nuk janë konfirmuar, as nuk janë hedhur poshtë nga Senati në kohën kur mbyllet sesioni legjislativ”, i kthehen presidentit.
“Nëse një emërim i kthehet presidentit, ai nuk mund të shqyrtohet më nga Senati. Presidenti mund të paraqesë një emërim të ri për të njëjtin kandidat, ose për një kandidat të ri”, thuhet në rregullat e Senatit.
Në rastet kur presidenti ridërgon të njejtën kandidaturë, procesi në Senat fillon nga e para, por komisioni përkatës që shqyrton kandidaturën ka kompetenca të gjera dhe mund ta thërrasë sërish për dëshmi ose jo. Në rastet që kanë ndodhur në të shkuarën, për shumicën e riemërimeve, komisionet nuk i rithërrasin kandidaturat për dëshmi.
Diplomati i karrierës Kostelancik, u emërua për postin e ambasadorit të Shteteve të Bashkuara në Shqipëri në janar të vitit të kaluar. Ai dëshmoi për përparësitë e tij para Komisionit të Senatit për Marrëdhënie me Jashtë në mars të vitit të kaluar. Në prill, Komisioni votoi pro konfirmimit të tij, por votimi i plotë i Senatit nuk u bë.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
MOS VONO AMERIKË !!!!
Ju Ameirike je e vetmja shprese per Shqiptaret , te masakruar kaq vjet nga regjimet e vendit pse jemi ProAmerikane te thekur ne mbare Globin. Mos na e vononi Ambadsdorin se ne.e quajme Perendi Ameriken ! Faleminderit.
Vjen pune javesh. Ambasador D. Kostelcik njeriu qe do gropos politikbucet shqiptare. 123