Te fundit
Degradimi i opozitës: Të godasim Ramën me video false
3 Shtator 2024, 10:40Politika
TEMA
Në një kohë kur nga opozita pritet që të dëshmojë nëse mund të jetë ndonjëherë alternativë e besueshme, panorama në Partinë Demokratike duket çdo ditë edhe më e zymtë.
Sikur të mos mjaftonte mungesa e vizionit politik, zyrtarët e lartë të PD janë dëshmi e shpejtësisë me të cilën mund të degradojë një forcë politike.
Shembulli më tipik është Edi Paloka, ish nënkryetar i PD, sot kryetar i Këshillit Kombëtar të partisë. Për ta kuptuar se sa poshtë ka rënë lidershipi i PD, mjafton të shohësh me çfarë merren politikanë si ai.
Edi Paloka ka shpërndarë me zell të madh një video të manipuluar ku pretendohej se ishte kryeministri Rama. Në fakt, sikurse sqaruan vetë portalet mediatike, kjo ishte një video fake, e montuar përmes inteligjencës artificiale, ku një foto e kryeministrit i ishte mbivendosur skenës së një filmi të huaj.
Imazhet e mëposhtme tregojnë haps pas hapi se si është kryer manipulimi me foton e Ramës. Montimi u sqarua nga mediat, teksa opozita shpreson se me video false mund të godasë kundërshtarin e saj.
Shembuj të tillë nuk tregojnë asgjë tjetër vecse mjerimin e madh politik në selinë blu, që me sa duket nuk është në gjendje as të mendojë se si t’i bëjë Ramës oponencë dinjitoze, në vend të falsifikimeve kompjuterike.
Mjerimi që vjen nga figurat e PD, është thjesht dhe vetëm gjendja e natyrshme e një force politike që nuk përfaqëson më asgjë veç llumit që sot, falë edhe medias digjitale dhe inteligjencës artificiale po shpërndahet lehtësisht kudo e kurdo.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Opozite llum!
Sistemi Babale i mbeshtetur ne intelegjencen artificiale.Tregon se sa Ka perparuar industria e mashtrimit
Ne nje vende demokratik ku mbiezoterone ligji prokuroria duhet te gjeje dhe te nxjerin para drejtesis personin pergjegjes. Liri e shpehjes nuk do te thote denigrim i figures shteterore , Rama eshte responsable qe lejone degradimin e figures se te kryeministrit.
PDja gjate gjithe jetes se saj qe nga krijimi ka petur te tiilla shpifje ....mos te harojme vrasjen e 4 personave ne Shkoder dhe faturimin e ceshtjes te PSja ...jane veprimtarite e Sali Berishes keto , nuk heq dore Sali kufona nga trillimet dhe shpifjet , nga mashtrimet , akuzat dhe nga kercenimet mjafton te harije atje ku do ...sigurisht qe gjen dhe nje dobesi te ligji qe eshte por nuk zbatohet ... Sali Berisha eshte personi me negativ ne vend ...ai dhe Ilir Meta spiuni nuk duhet te jene pjese e konkurences se shendoshe dhe gares politike ....