Te fundit
Deputetja demokrate: Firmos me Gazment Bardhin, por jam me Lulzim Bashën
24 Prill 2024, 17:50Politika
TEMA
Deputetja e Partisë Demokratike zyrtare, Eralda Tase ka reaguar së fundmi pasi bashkoi votat me Rithemelimin për dërgimin në Kushtetuese të mandatit të deputetes Olta Xhaçka.
Deputetja sqaron se vota e saj kundër Xhaçkës nuk e pozicionon atë në krah të Rithemelimit, pasi siç thotë ajo, i përkas Partisë Demokratike të udhëhequr nga Lulzim Basha.
“Të nderuar demokratë, Ndjej të nevojshme që për herë të fundit të sqaroj pozicionin tim politik në Partinë Demokratike të Shqipërisë.
Në asnjë çast vota ime kundër zonjës Xhaçka nuk ka sesi të jetë pozicionim i imi në krahun e rithemelimit. Unë i përkas Partisë Demokratike zyrtare siç e quajnë disa, Partisë Demokratike të udhëhequr nga Lulzim Basha. Këtë zgjedhje e kam bërë që ditën e parë dhe sot jam më e bindur se kurrë për pozitën time.
Jam e detyruar të sqaroj këtë, pasi kam dhënë firmën time kundër Olta Xhaçkës bashkë me deputetët e rithemelimit. Kjo ndodhi sepse në parim unë do të luftoj me çdo mjet një individ si ish ministrja e cila ka mbi supe akuza nga drejtësia, të cilat ja kam përmendur në parlament.
Përballja me të vërtetën e bëri zonjën Xhaçka ta kthente fjalën time në një vendeta personale ku më etiketoi si top lecke, kukull e kurdisur e sinonime të tjera të shemtuara të cilat më kanë shkelur rëndë në parim si njeri, si grua, si nënë dhe si politikane.
Unë jam e qartë në pozicionin tim sepse kam vendosur që në karrierën time politike, sado që ajo të zgjasë, të jem në krah të drejtësisë. Thënë kjo unë qëndroj krah të vetmit grupimi politik i cili ofron figura të papërlyera. Kjo nga ana tjetër më jep të drejtën të votoj kundër çdo figure të korruptuar, majtas e djathtas aq më tepër kur kjo figurë nuk ka guxim të kërkojë ndjesë për arrogacën dhe marrëzinë që ka treguar ndaj çdo shqiptari, duke i vendosur pseudonimin “ata nga mali”.
Qëndrimi im kundrejt zonjës Xhaçka tejkalon çdo lloj grupimi politik apo ndasie politike, kjo sepse demi që ajo i ka bërë shqiptarëve dhe Shqipërisë nuk ka të bëjë me pozicionim politik por ka të bëjë me të gjithë ne si qytetarë shqiptarë”-thuhet në reagimin e demokrates.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Olta Xhaçka nuk ka asnje akuze nga drejtesia,nuk dua t'a mbroj se nuk ma beri nena ,por akuzat i ka nga ju pasi derisa eshte martuar me nje biznesmen,ajo ka bere kerdine si ministre.Xhaçka eshte me e paster se Vokshi juaj e cila per t'u mbrojtur nuk u martua po kur bashkejetonte me biznesmenin pasuria e tij u ngrit menjëhere,pa te keqen e hidrocentraleve te para vitit 2013 ku thone ka bere namin
Denoncimi i Xhaçkes nga Bardhi i Bardhnjeve eshte i njejt me akuzat qe u ngriten per Saimir Tahirin.Opozita e atehersheme u ngrit qe me çdo kusht,me faj apo pa faj ai te futej ne burg se keshtu do opozita,Sali Berisha dhe Lul Basha. Vertet Tahiri u fut ne burg padrejtesiisht,pa fakte veten nga shpifjet e opozites. Keshtu duan te bejne keta maskarenj edhe sot me Olta Xhaçken. Xhaçka eshte krejtesisht e pafajsheme.