Te fundit
Dialogu strategiik Shqipëri - SHBA, për herë të parë në format gjithëpërfshirës. Prezent dhe Blinken
24 Tetor 2022, 19:00Politika
TEMA
Të martën do të zhvillohet në Washington DC, dialogu i partneritetit strategjik mes Shqipërisë dhe SHBA, për herë të parë në format të zgjeruar, me përfaqësues nga 8 ministri e struktura të linjës.
Delegacioni shqiptar drejtohet nga ministrja për Evropën dhe Punët e Jashtme, Olta Xhaçka dhe ai amerikan nga asistent sekretarja e shtetit për Evropën dhe Euroazinë, Karen Donfried. Sekretari amerikan i Shtetit, Anthony Blinken do t’i bashkohet një pjese të diskutimeve të këtij Dialogu.
Në pëbërje të delegacionit shqiptar për herë të parë ka përfaqësues në nivel të lartë nga MEPJ, Ministria e Mbrojtjes, Ministria e Brendshme, Ministria e Infrastrukturës dhe Energjisë, Ministria e Financës dhe Ekonomisë, Ministria e Drejtësisë etj dhe për palën amerikane nga DASH, Departamenti i Mbrojtjes, tregtisë etj.
Departamenti Amerikan i Shtetit do të përfaqësohet nga ndihmësekretarja e shtetit Donfried, zv ndihmës sekretar i shtetit Escobar, zv.sekretari i Mbrojtjes etj.
Dialogu synon thellimin dhe zgjerimin e partneritetit strategjik mes Shqipërisë dhe SHBA dhe forcimin e bashkëpunimit ne fusha me rëndësi gjeostrategjike si: siguria, mbrojtja kibernetike, bashkëpunimi në kuadër të Këshillit të Sigurimit, energjia, transporti, klima, transformimi digjital etj.
Shkëmbimi i mendimeve dhe qëndrimeve mbi sfidat e përbashkëta në fushën e sigurisë si rezultat i zhvillimeve në arenën ndërkombëtare gjithashtu do të preken gjatë dialogut.
Dialogu i partneritetit strategiik vjen në 100 vjetorin e vendosjes së marrëdhënieve diplomatike mes Shqipërisë dhe SHBA.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po treshja Kurti-Osmani-Gervalla do marrin pjese, se ata jane qershia mbi torte.
Tematiken, strategjine e diskutimeve do ta caktoje Saliu, si i ftuar nderi nga Foltorja (ne fakt, ftesa ishte per Floriana Garon dhe Flamur Noken por Edi Paloka nuk i lejoi ata. Duhet te mar pjese DOKTORRI, tha Paloka, sepse sekretari Blinken ka ca hesape per ti lare DOKTORRIT).
Po treshja Kurti-Osmani-Gervalla nga Kosova e ndoshta do të iu bashkangjiten edhe aleatet e tyre të përbetuarit antikombëtar S. Berisha dhe I. Meta - NON GRATA tjerë. Do të takohen në villen Gërmija e Prishtinës dhe nga aty do të shajnë e ulurinë e mallkojnë shtetin amë Shqipërinë me në krye me Kryeministrin E. Rama dhe SHBA shtetin mik më madhin të shqiptarëve bashkë me disa drejtues të saj.
Zëvendës ndihmës lehtësues munďësues paraprak fillestar kalimtar lajmëtar i katërt ....