Te fundit
“Do na kishin përzënë fare nga Shqipëria me këto që thoni ju” - Rama për Metën: Nuk bëj boks me një njeri me duar të lidhura…
10 Maj 2025, 08:59Politika
TEMA
Kryeministri Edi Rama, sqaroi programin e tij për këto zgjedhje parlamentare,.
E teksa fokus i Ramës mbetet theksi tek reforma në drejtësi, si një krenari e Partisë Socialiste për vendosjen e saj, drejtuesi i emisionit, Blendi Fevziu, i rikujtoi se kjo reformë u votua me në krah Ilir Metën, të cilët ishin së bashku në krye të shtetit asokohe.
Kryesocialisti në një farë mënyre e mohoi, duke thënë se nuk dëshiron të flasë për Metën, madje e quajti “një person në hall”, duke iu referuar faktit që ai është nën hetim nga Prokuroria e Posaçme dhe ndodhet në paraburgim. Më tej, Rama shtoi se nuk mund të bëjë “boks me një njeri që i ka duart e lidhura”.
Fevziu: Sa mandate do merrni?
Rama: Minimumi 78.
Fevziu: Minimumi 78?
Rama: Ka logjikë mo. Po ju s’doni të dëgjoni. Ju doni të luftoni me fakte. Ka logjikë. Ne sot i kemi 74.
Fevziu: Edhe do shkoni pas 12 vjetësh qeverisje, ju shtohen mandatet?
Rama: Po pse ça ka? Ça ka? Ku është problemi?
Fevziu: Jo unë s’kam gjë, këta që ju shikojnë…
Rama: Jo mo ça ka? Shqipëria nuk është ajo që komentoni ju në studio. Se po të ishte ajo që komentoni ju në studio, ne do kishim ik, do na kishin përzënë fare nga Shqipëria. Shqiptarët nuk janë njerëz të kufizuar që të thonë meqë disa nga këta… ky në burg… atëhere ne duhet të heqim këta. Jo mo zotëri, se shqiptarët dinë një gjë shumë të thjeshtë, që fakti që sot për herë të parë ka një përpjekje për barazi para ligjit, është meritë e jona. E vumë ne, partia në pushtet.
Fevziu: E gjithë parlamentit shqiptar.
Rama: More e bëmë ne. ishte iniciativa jonë. Votat në Parlamentin shqiptar ishin shumica krenarë, pakica kokën poshtë.
Fevziu: Tek kjo shumica krenare ishte dhe Ilir Meta, bashkëpunëtori juaj.
Rama: Jo, jo.
Fevziu: E bashkëqeverisësi juaj.
Rama: Për atë jo. Për këtë person nuk flas, sepse është në hall.
Fevziu: Pse?
Rama: Jo, nuk flas.
Fevziu: Nuk të shkon t’ja thuash këtë fjalë.
Rama: Është në hall.
Fevziu: Ai është duke bërë një betejë me drejtësinë, presupozohet i pafajshëm deri në ditën që do ketë një vendim gjykate.
Rama: Unë Fevzi nuk bëj boks me një njeri që i ka duart e lidhura. Këtë po të them. Në këtë sens. E them në të mirë, nuk e them…
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Dhe 20 vjet do rrish. Shqiptaret mbajten Enverin 45 vjet. Sepse dhe PD eshte parti e mbaruar..partia Stresit dhe e Klevisit. Ndaj ky do fitoje serisht thelle. Koha nuk eshte per njerezit normale.
E pse per lali Erin flet?dhe ai esht ne hall?dhe ai I ka Duarte e lidhura?vrasesibnuk flet kurre per viktimat e veta.dhe ti personalisht e fute ilir meten ne burg.ilir meta mund ta meritoj burgun 100 here po jo (alla ne emer te popullit je I arrestuar.)pervec kesaj ti do mbah3sh m3nd si njeriu nje 16 vjet e mbushi parlamentin me idiot te dobishem dhe kriminela.vete e the qe ps ka qene nje bordello.dhe ai socialist I ndershem qe te jep prap voten ty konfirmon atehere qe me te vertete paska qene bordello
Po mirë moj Liri. Bëhet pak qejf edhe në bordello. Në moçal qelbesh, o Liri.
Sepse more kar Lali Eri nuk po kërkon vota nga burgu për t’u bërë deputet. Likja po. Po ia mbledh e veja e tij Monika.