Te fundit
Flutura Açka flet për tryezën e opozitës: Disa prej tyre janë pjesë e problemit! Kërkohet një “transfuzion”
10 Janar 2026, 12:52Politika
TEMA
Ish-deputetja e PD-së, Flutura Açka, komentoi për Euronews situatën në kampin opozitar, si dhe takimin e së premtes të kreut të PD-së me aleatët, shoqërinë civile dhe personazhe të ndryshme të jetës publike.
Sipas Açkës, takimi i djeshëm ishte një iniciativë e mirë, por ajo theksoi se disa nga pjesëmarrësit në atë tavolinë janë vetë problemi. Ajo shtoi se një pjesë e përfaqësuesve opozitarë nuk ofrojnë zgjidhje, por përbëjnë burimin e krizës.
Açka u shpreh kritike ndaj strukturave aktuale të partisë dhe theksoi nevojën për një “transfuzion” brenda saj, në mënyrë që të ndryshohet situata politike në vend.
Ish-deputetja sugjeron që përparësi duhet të jetë reformimi i brendshëm i PD-së dhe krijimi i hapësirës për zëra kritikë që mund të kontribuojnë në forcimin e partisë.
“Në përgjithësi opozitarizmi shqiptar, veçanërisht këta të PD-së, vazhdoj të mbetem kritike, skeptike sepse jemi në të njëjtën ligatinë politike, po kjo gjendje që na ka lënë në 11 Maj. Është shumë e vështirë nëse nuk bëjmë një transfuzion, një lëvizje, nuk mund ta ndryshojmë situatën. Iniciativa e djeshme ishte një iniciativë e mirë, por problemi është se një pjesë e tyre është se i bënin osanë Sali Berishës, ishte më shumë një qok për t’u ridimensionuar dhe për t’u thënë me zë të lartë se ky është i pari dhe do ta drejtojë opozitarizmin, pra këtë kemi vendosur të kemi. Një pjesë e tyre kaluan në ekstrem. Pashë edhe disa zëra që ishin të shoqërisë civile, njerëz me vokacion të djathtë. Për herë të parë dikush, përveç këtyre që dihet dhe janë shpallur armiq të PD-së, armiq publikë që e kritikojnë dhe i duan të mirën PD-së, kishte zëra që ishin shumë të qartë në atë që kërkuan. Thonin që kjo Parti Demokratike kështu siç është nuk frymëzon, në disa raste ishin të dëshpëruar, e dinin që kjo gjë nuk do të ndodhte, por ata kishin ndërmend ta thonin me shpirt. Unë personalisht nuk kam marrë ftesë pasi jam shpallur armik publik pa e ditur pse, se kam kërkuar një opozitë të fortë. Në fakt, një pjesë e asaj tavoline është problemi, ne jemi kundër këtij problemi, i cili në fakt është pjesë e këtij problemi. Kjo e krijon edhe këtë, jo vetëm këtë lloj konflikti mes asaj dëshire që kanë një pjesë e së djathtës dhe pamundësisë për të performuar në mbështetje të së djathtës, atë konflikt që e kam dhe unë personalisht”, u shpreh Açka.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po ik o acka packa,shko rri me lulin ne hollande e shijo jeten,se nuk e rregullon saliun me pensionistet qe flene gjume... Si ka thene smajl kadare"ikin ikin mbrapa diellit te vene,se ky vend nuk ka pas ndryshim as nga te ikurit as nga te ardhurit"
O baxhellë a e kupton që të gjith ata që i shkojnë pas Sali non gratës janë zvaranik.
Zonja Acka , Jo nje pjese , Po te gjithe ata qe I mbledh bilbili I Berishes , Jane Jo problemi , Po tumori kamceroz I ketij vendi . E verteta duhet thene e plote , vecanerisht prej njerezve te fjales se bukur , ku hyni dhe ju , Zonje . " Poetet mbajne pergjegjesi per gjithcka " , pat thene nje here Lasgushi ....
Ju jeni te gjithe :---ke te qaj me pare........... Ju jeni te gjith problem me vete moj zonja Ucka
Punon gjëkundi kjo zonja , apo meret vetëm me llafe Bëji ndonjë pun zonja Açka Pa seç bën P D është punë e tyre ti zgjodhe të shkoje me Bashën tani zgjedhja jote ishte sta imponoj askush Prandaj zonjaAçka qëndro atje ku zgjodhe Ata që janë antar të asaji partie i zgjidhin vet hallet e tyre
O ti Flutura, merru me ato librat e lere politiken, sepse ata te vune fshesen.
Nuk ka transfuzion qe i bon dermon kalit te ngordhur
per Ke !? Ik moj kukumajçke. Gjej ndo nje burre te qetesohesh.