Te fundit
Fredi Beleri: një kartë “zgjedhore” për 14 apo për 21 majin?
12 Maj 2023, 20:20Politika
TEMA
Nga Ylli Pata
Arrestimi i kandidatit të BF-së në Himarë, vetëm 3 ditë para zgjedhjeve është realisht një rast i rëndë. Rast që kishte të gjitha gjasat të prishte zgjedhjet vendore të paktën për bashkinë Himarë. Ku nuk do ishte çudi që të pezulloheshin zgjedhjet e të zhvilloheshin në një kohë tjetër. E kjo mundësi nuk se ka perënduar.
Që do të thotë, nëse opozita, pra subjekti e partitë që kanë kandiduar Belerin, së bashku me faktorin ndërkombëtar do të kërkonin që të mos ketë zgjedhje me një kandidat, kjo edhe mund të ndodhë.
Kjo është njëra anë, sa i përket Himarës, e nëse drejtësia nuk do të provojë akuzën ndaj Fredi Belerit, ai kthehet në një martir politik, e fitoren e ka të garantuar.
Megjithatë, prokuroria e Vlorës, e cila e ka nisur hetimin prej kohësh, e ka shumë mundësi jo kryesisht, pra me një ose disa denoncimesh ka pasur vetëm dy rrugë. Ta arrestonte siç bëri mbrëmë, ose javën e ardhshme. Nëse do të ndodhte javën e ardhshme, ka shumë mundësi që përveçse prishjes së « flagrancës » , si një aspekt bazik i një ndjekje penale, krijonte mundësitë për të prishur provat, apo që protagonistët e ngjarjes të zhdukeshin që të dielën në darkë, siç ka ndodhur edhe në vitin 2003, 2007 apo herët e tjera.
Ai prokuror që ka firmosur këtë çështje, ka marrë një risk të madh për sipër, pasi janë trazuar e do të trazohen shumë ujra. Por prokurori, ka vënë në sprovë veten e tij dhe drejtësinë shqiptare, e as ka dëmtuar Fredi Belerin, e as opozitën e aq më pak Athinën zyrtare e Tiranën.
A kemi kërkuar deri më sot që të kemi një drejtësi të pavarur ? Kur një prokuror të veprojë nëse është i bindur se ndodhet para një krimi apo ndjekje penale ? Atëherë ? Nëse nuk arrihet të provohet akuza ndaj Fredi Belerit, i vetmi që dëmtohet politikisht është Edi Rama, meqë e ka sulmuar publikisht prej ditësh. Por ky dëm për Ramën, që pret të marrë një triumf elektoral të dielën, nuk është asgjë, ndërkohë që nga ana tjetër, dobia e kësaj proçke, sido që të jetë, anon më shumë se dëmi.
Për ta shpjeguar. Zgjedhjet e 14 majit në Shqipëri janë të rëndësishme padyshim pasi gjithsesi është një konfirmim elektoral. Por ata nuk janë fare më të rëndësishme se zgjedhjet e të djelës së ardhshme në Athinë më 21 maj.
Ku do të vendoset se kush do të jetë qeveria e ardhshme e vendit fqinj. Sipas sondazheve që bën të ditur gazeta më e rëndësishme në vend Kathimerini, Nea Demokratia e kryeministrit Qirjakos Micotaqis, është në krye me 5.8 pikë ndaj opozitës së Syriza-s së Alexis Tsipras-it.
Pavarësisht se Nea Demokratia është e djathtë, e Syriza e majtë, për Edi Ramën, bathët duken hapur se ai e ka më grurë me kryeministrin aktual. i cili në 4 vitet e qeverisjes së tij, nuk ka marrë asnjë vendim që të ndezë raportet me Tiranën. Gjë që i ndjeri babai i tij e bënte shpesh kur drejtonte qeverinë greke 30 vjet më parë, por paradoksalisht edhe parardhësi i tij “social-komunist”.
Me Micotaqisin junior në qeverisje, Shqipëria nuk ka pasur asnjëherë probleme e tensione, ç’ka kanë qenë “normale” në të shkuarën. Sa për ilustrim, qeveria e Tsiprasit, ishte ajo që i hoqi kryebashkiakut të Himarës shtetësinë greke, duke e bërë nga Jorgo në Gjergji Goro, thjesht se këtë e kërkuan qarqet ekstremiste me Fred Belerin, të mbështetur fort edhe nga Ilir Meta, i cili u dekorua me pompozitet nga mazhoranca e drejtuar nga Syriza. E cila për të marrë vota më shumë si pasojë e koalicionit me një parti të djathtë, bëhej më “katolike se Papa”, edhe pse si simbol të partisë së tyre kishin legjendarin Manolis Glezos, të vetmin politikan grek që ka marrë pjesë dhe ka qarë në varrimin e Enver Hoxhës.
Ndërkaq, Nea Demokratia, e ka krejt të natyrshme pozicionin e saj nacionalisht, e në zgjedhjet e shkuara ishte pikërisht kjo parti që ka marrë më shumë vota të grupimeve ekstremiste në Epir, Thesali e Maqedoni, ku dhe ka një elektorat të konsoliduar “arkeologjik”.
Ka gjasë, që deri javën tjetër, retorika Tiranë-Athinë të marrë një kahje të tensionuar, por që natyrisht do të kenë efekt deri të dielën, pasi atëherë vendoset kush vjen në qeverisje. Edi Rama, për 10 vjet në krye të qeverisë, nuk ka pasur asnjëherë marrëdhënie kaq të mira sa ka prej 2019-s me kryeministrin aktual të Greqisë. Marrëdhënie që shkon përtej një relacioni “taktik”. Nipi i kryeministrit grek, Kostas Bakoyanis, djali i Dorës, kryebashkiaku i Athinës, ka uruar hapur e publikisht Erion Veliajn për fitoren në Tiranë, edhe pse është një i djathtë dhe aleat natyral i Partisë Demokratike.
Ndërkaq, marrëdhëniet e Tiranë-Athinë apo relacionet personale Tsipras-Rama, kanë qenë më shumë se të ftohta. Madje edhe kur takoheshin ndonjë rast si p.sh në margjinat e OKB-së në New York, batutat apo gjërat e sikletet e takimeve, vinin në mediat e Tiranës prej Ilir Metës, i cili dukshëm kishte marrëdhënie të mira me Syriza. Madje pati edhe një delagacion zyrtar në konventën e LSI-së një herë.
Në marrëdhënien Rama-Micotaqis, një faktor i afërsisë duket edhe qasja e të dyve kaq e ngushtë me Shtetet e Bashkuara të Amerikës. Kryeministri aktual grek, është një nga kryeministrat e pakët grek që i janë drejtuar Kongresit Amerikan gjatë vizitës zyrtare në Uashington dhe kanë marrëdhënie të ngushta.
Ndërkohë që Tsipras, e sidomos qarqe të rëndësishme të Syriza, duke nisur nga ministri Jashtëm i tij, Nikos Kotzias kishin lidhje të afërt me Moskën, e qarqe ekstremiste në Kremlin. Madje në fund të mandatit, Tsipras e largoi ish-kreun e vllazërisë komuniste greko-gjermane, pasi këtë ja kërkoi kancelarja Merkel, e gjasat janë pikërisht prej lidhjeve të tij të afërta me Moskën dhe deep state rus.
Duke u kthyer tek incidenti me Belerin, nuk ka gjasa që ai të kthehet në një eshkë e ndezur për të shpërthyer fuçinë e barutit. Duket më shumë një fishekzjarr, që ka edhe kohën nëse edhe Edi Rama edhe Qirjako Micotaqis fitojnë, njëri më 14 e tjetri më 21.
Beleri, realisht është një person problematik, por fuqia e tij potenciale politike është krejt e vogël për tu kthyer në një mollë sherri Tiranë-Athinë. Aq më shumë me Uashingtonin në mes, i cili të paktën në Ballkan por edhe më gjerë po kujdeset që të mos ketë një çarje mes aleatësh.
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ylli Rosa, Fredi Bejleri u arrestua fill pas sulmit brutal dhe rrugaceror te kryeministrit te droguar Edi, sulmi i tij qe tipik i stilit mafioz dhe ja perfundi,i...... mos e kruani se iken per lesh Edi.
Eshte shume e cuditeshme qe nje person me kobesi greke (minoritar)paska vrare dy djem ushtare shqiptare ne token tone kufitare me grekun ,qe sot jane deshmoret e Atdheut dhe kykreminel jetoka ne Himare ,duke servirur 1000 te zeza ndaj vendit tone.Ai eshte i lishur me qrqet me te erreta anti shqipare,tani na dalka edhe kandidat per bashkine e Himares.Ku kane qene dhe jane qeverite dje dhe sot te Shqoperise qe e mbajne kete kreminel jasht penalitetit juridik.Po si ka shpetuare ky kreminel i gishtuare nga familjaret e djemve te vrate.Ky person ka emer embiemer si vrases i ushtareve tane.Po te jete ne lufte ,nuk dihet kush qelloi dhe i mbatet faji shtetit>ketu mbaron cdo gje ,por kur ndodh keshtu,ka nje tradite hakmarrje te pa diskutueshme ,jo te lesh nje kreminel te shetise dhe te urdheroje qeverine per te marre pronat ne mes te Himares ,te tudet si kabadai se do ta helenizoje himare,Hapu per shqiptaret ,o dhe ne se e pertypin kete kafshte te helmet nga nje kreminel ordiner legal ne token e Shqiperise...
Banda kriminale 6 antar Himarjot me Fred Bejlerin të ardhë nga Greqia , sulmuan në terrin e natës ,kryen masakrën e vrasjes komandantit Kapiten i Parë dhe ushtarin në POSTËN KUFITARE të Peshkëpisë -Gjirokastër në v.1994,dhe kriminelët u larguan pa ferrë më këmbë në Greqin- fashiste .Shteti shqiptar i vobekët me Sali Katranin (Se mungontte Enver Hoxha) ,ai burri madhë i kombit që u thyente dhëmbët e dhëmballët -palikaarve të Athinës ,i nxori të pa fajshëm FRED BEJLERIN se provat ishin të pa mjaftueshme (për monarko-fashistët vrasja oficerit dhe ushtarit ,nuk ishte provë ).Turp për KQZ që pranon kandidat anti shqiptarin kriminel -më idjot që ka njohur HISTORIA .Vetëm Ilr Meta dhe Sali Berisha dy kufoma politike mbështesin Fred Bejlerin dhe disa tip KRIMINELËSH -kokovesheshash .Respekt e nderim agjentve që kapën Fred Bejlerin në flagrancë duke premtuar lek për votën e lirë .Prandaj vendin e ka në burgë sipas ligjeve shqiptare ,pa harruar se sot kaq vite kalben nënë tokë eshtrat e OFICERIT dhe USHTARIT KUFITAR -SHQIPTAR ,kurse autorët nuk jan ndëshkuar.,biles, propzohen edhe për kryetar bashkie !!!!!!!!! Kjo është kulmi i horrllëkut E TRADHTISË DYSHES ilir meta dhe sali berisha ,dhe Vanxhel Kurva ,
Ky Bastard Beleri, duhet të ishte në burg që kur lindi! Duket nga fytyra që është i lig. Nëse policia ka prova, ky qen nuk e sheh më dritën e diellit! Tung!
Ky eshte “Vula dhe Emblema” politike e PD se Sali anrishqiptarit!
Ore njerez. Kjo foto eshte e Belos grek, apo i Belos jevg te TiranesÇ Allah Allah çfar ngjashmerie
Beleri do fitoj ,,sunitet patriot do plasin nga inati ,,,,himara do vazhdoj me kulturen grekobizantine brenda albanistanit ,,,,