Te fundit
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme dhe pse administrata ‘Trump’ nuk do t’i heqë ‘non-gratën’ Berishës
24 Nëntor 2024, 10:31Politika
TEMA
Juristja e njohur, Brizida Gjikondi ka komentuar situatën politike në vend. Në një intervistë për gazetën “SOT”, Gjikondi është shprehur se deklaratat e ish-presidentit Ilir Meta se është i pafajshëm dhe se çdo gjë që ka ndodhur është bërë nga bashkëshortja e tij, Monika Kryemadhi është taktikë e të dyve që të shpëtojnë pronat e tyre të vëna në mënyrë të paligjshme.
Vendimin e Gjykatës Kushtetuese për të lënë në izolim ish-kryeministrin Sali Berisha, juristja e quan një vendim të duhur dhe shterues.
Nga ana tjetër, Gjikondi ka komentuar dhe thirrjen për protestë nga Sali Berisha. Sipas saj, Berisha është simbol i përçarjes, destabilitetit dhe agresivitetit ndër shqiptarë.
-Zonja Gjikondi, si e vlerësoni vendimin e Gjykatës Kushtetuese që e quajti të drejtë masën e SPAK ndaj Sali Berishës? A mendoni se ky vendim është një hap i duhur për drejtësinë në Shqipëri?
Po. Ishte një vendim i duhur dhe shterues. Vendimet e Gjyqësorit sidomos ato të Gjykatës Kushtetuese nuk komentohen. Vetëm zbatohen. Shoqëria shqiptare lëngon nga mosnjohja, mosrespektimi dhe denigrimi i Vendimeve dhe procedurave të drejtësisë shqiptare. Dhe kjo tregon papjekurinë dhe mëkatet që na kanë drejtuar këto dekada. Gjithsesi Gjykata Kushtetuese është shprehur se po vazhdon të procedojë ndaj një kërkese tjetër të Zotit Berisha. Të presim çfarë do të vendoset. Por personalisht mendoj që çfarë do që të vendosë Gjykata Kushtetuese, Berisha është i burgosuri i mëkateve të tij ndaj shqiptarëve.
-Në lidhje me sekuestrimin e dy vilave të Monika Kryemadhit me urdhër të SPAK, çfarë mendoni për veprimet e institucioneve të drejtësisë? A është ky një mesazh për politikanët që ndodhen nën hetim?
Ajo është thjesht një masë paraprake, pasi zonja në fjalë mund të vazhdojë ti përdorë ato prona, Quhet Sekuestro Preventive, ka procedura të tjera deri sa të marrë formë të prerë dhe të konfiskohen përfundimisht, dhe jo vetëm ato.
-Ilir Meta ka deklaruar se është i pafajshëm dhe se çdo gjë që ka ndodhur është bërë nga bashkëshortja e tij, Monika Kryemadhi, pa dijeninë e tij. Si e vlerësoni këtë qëndrim? A është kjo një përpjekje për të shpëtuar nga përgjegjësia?
Jo nuk është taktikë për të shpëtuar nga përgjegjësia, por është taktikë e të dyve që të shpëtojnë pronat e tyre të vëna në mënyrë të paligjshme. Ai është shkaku që kanë qenë dhe janë bashkë dhe aq vlejnë.
-Sali Berisha ka thirrur një protestë më 26 nëntor për të kundërshtuar veprimet e SPAK dhe politikat e qeverisë. Si e shihni këtë lëvizje të tij dhe a mendoni se qytetarët do t’i bashkohen thirrjes për protestë?
Lëvizje e neveritshme, tipike e tij. Ai është simbol i përçarjes, destabilitetit dhe agresivitetit ndër shqiptarë. Gjërat zgjidhen dhe ndryshe dhe me optimizëm, vizion dhe projekte që të çojnë përpara. Vetëm dashuria dhe qetësia mund ta shpëtojë këtë vend. E kundërta përherë e ka çuar në greminë.
-Ka zëra se administrata e re e presidentit Donald Trump mund t’i heqë “Non-gratën” Sali Berishës. Sa gjasa ka të ndodhë kjo?
Jo, s’ka asnjë gjasë. Për arsyet që rendita më sipër Berisha është një personazh destabilizues. Dhe USA asnjëherë nuk i ngre projektet e saj sidomos në një rajon të trazuar si Ballkani mbi personazhe konfliktuale dhe jo koherentë si Berisha.
-Berisha dhe Meta kanë reaguar shpesh me sulme ndaj institucioneve të drejtësisë si SPAK. A mendoni se këto sulme janë një mundësi për të mbrojtur veten dhe politikanët e tjerë, apo janë një përpjekje për të minuar besimin e qytetarëve në sistemin e drejtësisë?
Janë të dyja bashkë. Me këtë që bëjnë ata shfaqin shëmtinë e tyre deri në palcë. Ata ulin autoritetin e Institucioneve dhe ambientojnë shqiptarët me gjuhën e urrejtjes, mosrespektimit dhe denigrimit ndaj Institucioneve. Ndaj në Shqipëri ndodhin tragjedi në mënyrë progresive, pasi shqiptarëve ju është vrarë shpirti, mendojnë se vetëm me urrejtje dhe agresivitet mund ti zgjidhin gjërat. Këtu nuk respektohet nga Institucioni më i lartë deri tek prindi dhe mësuesi.
-Roli i SPAK në luftën kundër korrupsionit “Sa e rëndësishme është roli i SPAK për luftën kundër korrupsionit në Shqipëri dhe si e vlerësoni balancën e veprimeve të tij, veçanërisht ndaj politikanëve të lartë?”
Shumë i rëndësishëm. Fatkeqësisht është i vetëm në luftën e tij. Ai mund të ndëshkojë por ndërkohë korrupsioni vazhdon të gëlojë në çdo qelizë të shoqërisë dhe shtetit shqiptar. Kemi një korruptim moral. Qenie të korruptuara moralisht nuk e luftojnë dot korrupsionin, ndaj mbeten sytë dhe shpresat vetëm tek SPAK.
-Mesazhi për qytetarët në lidhje me drejtësinë dhe luftën kundër korrupsionit” Cili është mesazhi juaj për qytetarët shqiptarë në lidhje me betejën për drejtësi dhe luftën kundër korrupsionit në vendin tonë, në këtë periudhë të pasigurisë dhe tensioneve politike?”
Jo më larg se dje ndoqa drejtues të parlamentit shqiptarë të Partisë Socialiste të cilët për çështjen e një deputeti tjetër të tyre që mendohet që ka shkelur rregulloren dhe Kushtetutën në lidhje me konfliktin e interesi, në mënyrë të turpshme dhe skandaloze, duke injoruar haptazi Gjykatën Kushtetuese që vetë kanë votuar, shpreheshin me arrogancë dhe karshillëk se çështjen do e çojnë në Komisionin e Venecias, e turpshme, e shëmtuar, reagim anti shtet dhe anti Kushtetutë. Vetëm kaq tregoi se ata nuk kanë kuptuar asgjë për zhbërjen morale dhe ligjore që kanë në sytë e shqiptarëve. Shpresoj shumë që shqiptarët mos kenë modele të tilla. Të respektojnë ligjin dhe Gjykatat të respektojnë çdo institucion, dhe jo emrat e përveçëm që janë përkohësisht në krye të tyre. Unë jam e bindur që ditë më të mira do të vijnë.
20 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shume kompetente bolshevikja e transformuar ne analiste.
As qe e ke kuptuar se perse flet. Perdoreni trurin per mire, mesoni te perdorni trurin!
trurin e ka harruar tek kati i 8 ...
Sju munguan asnjehere etiketimet anakronike per te justifikuar paligjshmerine dhe veprimet mafioze ne dem te ketij vendi e populli, apo jo Komsi.
Nuk te pelqeu ty more na hengesh ate qe sthuhet.
Kjo mishi me dy sy ka qene dhe anetare e kryesise se LSIse apo atwhere ishte i mire Meta me Kryemadhin? Mbesa e krushkut te dobicit te Gjylos dhe nusja e Hekuran Isait na qenka juriste e njohur qe di ligjet e ShBAse, nje vendi imperialist...
Latif Dreqi eshte Monika Kryemadhi qe do pergjigjet para ligjit me Ilir Meten Monika po u vjen perqark laku familjarisht me Ilir Meten
E keqija e nje mileti pa forme ,,,eshte,,, qe llumi shan llumin. Nga njeriu qe ka qene pjese e te keqes mos prit te jete pjese e te mires.
Si shpetohen pronat e paligjshme duke u ndare...na e sqaro o juriste. Crendesi ka te ndare a jo. Cfare ezhte e paligjshme sekuestrohet.
Eshte njesoj sikur te dilte ne gjermani nusja e djalit te Himmlerit, por shqiptaret nuk kane kujtese dhe per vetmen gje qe vriten eshte pse me shef
Gabimisht intervista me Spiropalin ka ne nisje emrin e Brizides apo Brizit sic e therresin andej nga selia e PS.
Grua e rrallë në Shqipërinë tonë. Model për vlerat e saj të jashtëzakonshme, e thjeshtë, e saktë, e qartë, konsekuente e me shumë dinjtet. Zonjë fisnike, paç shëndet dhe suksese, gëzime dhe mbarësi në familjen tuaj!
Përsr nuk i lejoni të gjitha komentet?
Fuck Meta Saleh....bastarde te kombit...!!!
Që Berisha e Meta bashkë me familjet e tyre dhe shpurën e maskarenjve që i mbështesin meritojnë burg dhe ti lesh pa brekë në bythe siç ishin në 1990, kjo është si thonë italianët Sacrosanto. Por që në Shqipëri të drejtojë nipi i Spiro Kolekës dhe mbesa e Beqir Ballukut, të bëjë analiza politike nipi i Hysni Kapos kurse analizat juridike e reja e Hekuran Isait tregon se kjo shoqëri dhe ky popull kanë vdekur dhe kanë ardhur ca ditë me leje në Shqipëri. Po vini edhe djemte e Enverit dhe te Mehmetit në ndonjë post edhe jemi tamam.... Hë Mjeranë!
Hasrrove non graten zoteri?
Pse qenka e turpshme t’i drejtohesh Komisionit të Venecias moj qorrja e Ilir Metës.
Kush mbron,justifikon,minimizon,relativizon apo i jep te drejtë korrupsionit duke shpifur ndaj SPAKut,është absolutisht hajdut i korruptuar,ka përfituar,ka shpresë të përfitojë nga korrupsioni, ose është thjesht me të meta të theksuara mendore. E mira e popullit dhe kombit është vetëm eleminimi i drogës,krimit,korrupsionit duke u kthyer në jetë,punë dhe shoqëri të ndershme dhe të thjeshtë.
JPP, po të paska ngelur truri në vitin 1944. Përse nuk ka të drejtë Edi Rama, pse nëna e tij kishte daja a çfarë e kishte nuk e di tamam, Spiro Kolekën, apo Gjikondi se ka H.Isain, gjë që nuk është e vërtet, vjehrrë siç thua ti, nuk duhet të angazhohen në jetën e vendit. Që ti je pinjoll i ndonjë të dënuari nga sistemi i më parshëm e kuptoj, por si të parët e tu është dënuar dhe gjyshi i B.Ballukut e çfarë faji të ka ajo, ty. Flisni me mendjen e kohës se nuk do të bëjmë si në kohën e Enverit e ti përndjekim njerëzit se gjyshi se daja se halla se xhaja… se është i këtij dhe i atij. Populli ka një thënie interesante:” ku ishe? Asgjëkundi. Çfarë bëre? asgjëkafshë” kështu është dhe teoria jote. Duhet të reflektosh dhe mirë bën të lexosh ndonjë libër herë pashere, se të ndryshket truri.
Zonjë, Historia nuk fillon në mes të se keqes por tek burimi i saj; 29 nentor 1944... Aty e ka burimin dhe fatkeqesia me djalin 14 vjeçar... Shqiptaret s'kane vene kurre dorë mbi gratë dhe fëmijët para dates se menxyrshme 29 nëntor 1944... Nuk kam kohë t'jua shpjegoj pse... Por ju mund të kerkoni debat për këtë teme ne TV...