Te fundit
INTERVISTA/ Ish-kreu i CIA-s jep zgjidhjen si mund të përfundojë lufta: Ukraina duhet t'i japë Rusisë me qira për 99 vjet, Krimenë
29 Mars 2022, 18:49Politika
TEMA
Ish-kreu i CIA-s, gjenerali David Petraeus, thotë se lufta në Ukrainë ka hyrë në një fazë shumë të paparashikueshme. “Ka shumë skenarë të mundshëm, varësisht se cili nga dy kampet do të jetë në gjendje të furnizohet me karburant, të riarmatoset, të zëvendësojë humbjet dhe të shtojë kapacitete të reja. Një sërë skenarësh që variojnë nga ngërçi i gjatë dhe i përgjakshëm (përparime të ngadalta dhe të lodhshme nga rusët në juglindje, ndërsa ukrainasit vazhdojnë kundërsulmet e kufizuara rreth Kievit, Kharkiv në lindje, Mykolaiv në jugperëndim dhe gjetkë) deri në një skenar në të cilin njëri ose tjetri e merr përsipër dhe i zmbraps armiqtë.
Ukraina ka pak më shumë gjasa të marrë avantazhin, duke pasur parasysh vendosmërinë, shkathtësinë, kreativitetin dhe faktin që "luan në fushën e saj". Por është e pakujdesshme të përjashtohet mundësia që Rusia të mësojë nga gabimet e panumërta që ka bërë dhe, edhe me humbje të tjera të tmerrshme të jetëve dhe mjeteve, mund të dëmtojë mbrojtjen ajrore dhe burimet e Ukrainës me kalimin e kohës”, shprehet ai në një intervistë për Corriere della Sera.
Petreaus thotë se një zgjidhje e konfliktit mund të ishte një referendum në Ukrainë, me të cilin të jepen disa opsione si për shembull, një qira 99-vjeçare e Krimesë Rusisë, në vend të heqjes dorë prej saj dhe ndoshta një status i veçantë për Donbasin e kontrolluar nga Rusia.
A është e mundur ta fitosh luftën në terren?
Unë nuk mendoj se është e mençur të përjashtohet mundësia që Ukraina t’i refuzojë rusët dhe "t'i mposhtë" ata, të paktën në një pjesë të vendit; megjithatë për momentin nuk e parashikoj këtë rezultat. Thënë kështu, nëse marrin burime të mjaftueshme kritike nga vendet e NATO-s, ukrainasit mund të jenë në gjendje të kryejnë kundërsulme të shumta, të zmbrapsin rusët dhe të kufizojnë dëmet e shkaktuara nga raketat dhe bombardimet. Veçanërisht të rëndësishme për Ukrainën janë sistemet shtesë të mbrojtjes ajrore (veçanërisht S-300 dhe Buk) efektive në lartësi më të larta se sistemet "portative" Stinger; dronë shtesë të tipit Sëitchblade amerikan (mijëra), gjithashtu me kapacitete më të fuqishme bombash dhe raketash antitank; dronë shtesë turq (mijëra); municion; ndihma humanitare dhe ekonomike; dhe avionë zëvendësues.
Këto burime mund ta kthejnë peshoren në favor të Ukrainës dhe t’i japing asaj avantazh edhe në tryezën e negociatave. Por as nuk mund të përjashtohet që Rusia të ringrihet, të rifitojë vrullin në juglindje dhe ndoshta në verilindje. Kur Mariupol të bjerë, siç duket tragjikisht e destinuar të ndodhë pavarësisht nga mbrojtja heroike, Rusia do të ketë një port të shkëlqyer për të furnizuar trupat në juglindje. Një sukses taktik që do të rrisë moralin e rusëve dhe do të vërë në dispozicion disa batalione të angazhuara në atë betejë shumë të vështirë. Kjo do të favorizojë përparimin rraskapitës rus në provincën Lugansk dhe ndoshta Donetsk. Me pak fjalë, asgjë nuk mund të përjashtohet për momentin, pavarësisht testit të jashtëzakonshëm të ukrainasve dhe mangësive të rusëve.
Nëse Kievi heq dorë nga Donbasi dhe Krimea, a mund të arrihet një zgjidhje e qëndrueshme?
Është e mundur që Presidenti Zelensky të paraqesë një propozim të ngjashëm në një referendum, me disa sqarime (për shembull, një qira 99-vjeçare e Krimesë Rusisë, në vend të një heqjeje dorë prej saj dhe ndoshta një status i veçantë për Donbasin e kontrolluar nga Rusia) dhe është e mundur që të fitojë mbështetje nëse qytetet ukrainase vazhdojnë të bombardohen, pasi Presidenti Putin e kupton se nuk do të marrë shumë nga ajo që shpresonte në terren dhe është dëshmitar i dëmit në rritje që po i bëhet ekonomisë së tij, rrethit të tij, kompanive dhe standardeve ruse të jetesës.
A i duhen Zelenskit më shumë tanke dhe avionë apo mund të mbrohet me sisteme antitanke, kundërajrore dhe antianije?
Këto sisteme, së bashku me dronët, mund të kompensojnë disi mungesën e tankeve, avionëve dhe anijeve të mjaftueshme, por duhet të ofrohen të tjera kapacitete gjithëpërfshirëse dhe të shtresuara në çdo zonë, gjë që kërkon shumë burime. Ka raporte të pakonfirmuara se Ukraina ka kapur aq shumë tanke ruse sa ka më shumë se para luftës; Në këtë kategori, pra, limiti nuk janë tanket, por ekuipazhet për t'i manovruar ato. Përtej kësaj, shpresa ime është që disa vende në kufi me Ukrainën do të japin një dorë me aeroplanë, në heshtje, pa shumë zhurmë.
A mundet Putini ta ndajë vendin, duke e çuar Donbasin dhe bregdetin deri në Odessa, për të ndërtuar një lloj Novorossyia?
Rusët nuk kanë gjasa të kalojnë Mykolaivin, i cili qëndron mes tyre dhe Odesës. Por është e mundur që kur të bjerë Mariupoli, ata do të konsolidojnë kontrollin e bregut lindor nga Krimea në Lugansk dhe ndoshta do të marrin pjesën tjetër të Donbasit. Por nuk mund të përjashtohet që, me më shumë armë, Kievi do ta pengojë Rusinë ta bëjë këtë.
Shpesh përmendet krahasimi me Luftën e Dytë Botërore. Jeni dakord?
Ky konflikt i ngjan më shumë asaj që ne mund të kishim luftuar në Luftën e Ftohtë, me shtimin e avionëve pa pilot. Makinat ruse duken të ngjashme me ato për të cilat shqetësoheshim në vitet tetëdhjetë, kur isha në detyrë në Gjermani. Modernizimi i mburrur nga Moska është shumë më pak i suksesshëm sesa prisnin shumë vëzhgues perëndimorë dhe, dyshoj, edhe Ministria ruse e Mbrojtjes dhe Putini!.
A do të ndikojnë shirat e pranverës dhe shkrirja e tokës së ngrirë në kohëzgjatjen e luftës?
Shumica e automjeteve me rrota dhe ndoshta edhe me gjurmë nuk do të jenë në gjendje të dalin jashtë rrugës nëse duan të shmangin ngecjen. Kjo mund të parandalojë që rusët të depërtojnë veçanërisht rreth Kievit, duke zgjatur ngërçin e përgjakshëm në të cilin ndodhet Ukraina.
Sa kohë mund të zgjasë kjo?
Javë, ndoshta muaj.
15 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Aq smjafton. Rusia ka per te marre dhe pjesen lindore komplet
Ja dhe kta me kto opsione leshi. Shtye luften sa me teper per gjeneratat e tjera. Keto traktate te fshehta u bene dhe ne kurriz te Shqiptareve. Rri mblidh leket e KKR ti daku se e ke ne terezi. Te dhjefsha korrupsionin qesharak Shqiptar. Ne Amerike eshte 200000fish.
Shumë i zgjuar "strategu" i NATOS. Krimea i është bashkuar me referendum Federatës Ruse. Për ç'farë qiraje 99 vjeçare flet ky ? Edhe dy Republikat që janë njohur nga Rusia kanë marrë fund tashmë. Ukraina duhet të negociojë për neutralitetin dhe për garancitë që duhet tu japë rusëve të ukrainës në pjesën që mbetet. Rusia do bashkojë edhe Krimenë territorialisht me dy Republikat e Donbasit dhe do e lërë Ukrainën pa dalje në det. Sa më shumë të zgjasin negocimet aq më shumë do dobësohen pozitat e ukrainasve përballë Rusisë. Kjo i intereson edhe Rusisë. Rusia do vendosë ushtrët e saj në kufijtë ku ka avancuar aktualisht dhe kjo me kërkesë të dy Republikave. Pas garancive për neutralitet,çarmatim dhe sigurisë për rusët e ukrainës, Rusia do e mbyllë aksionin special ndëshkues dhe kaq. Në 9 Maj do shohim në tribunën e Paradën e Ditës së Fitore përkrah Putinit dy presidentët e Donbasit dhe trupat e tyre tek parakalojnë triumfalisht në Sheshin e Kuq. Kjo fushatë që ndërrmori Putin ishte thirrje për gjithë ish-republijat sovjetike që të mbledhin mëndjen dhe për të tjerët që të ruajnë neutraliteton dhe të mos aspirojnë për antarsim në NATO pasi do trajtohen si armiq të Rusisë.
Jam plotesisht dacord. Cifuti Volodimir consideron Vladimirin “armik)! Zelenski si vegel e Angloamerikaneve e shkaterroj Ukrahinen dikur e quajture Nova Rusia (Rusi e Re) deri ne vitin 1918.
Sa shume filoruse ka ne vendin tim ne Shqiperi. C'fare gjurme lane ato dhjete vjetet e Rusise ne Shqiperi. Nga komentet qe lexoj ketu cuditerisht ka me shume rusofile ne Shqiperi se sa ne Ukraine qe ka nje popull te afert (ndonese te ndryshem) me ruset. Cudira shqiptare, qe lidhen edhe me mosnjohjen e historise (Rusia ka qene nder shekuj armike e interesave shqiptare dhe e vetmja anetare e Keshillit te Sigurimit qe pengon njohjen e pavaresise se Kosoves) dhe me nivelin e ulet te atdhetarise.
me referendumin e organizuar nga rasija dhe separatistet !? ti ose je koqe ose luan rolin e paguar
Referendumi qe u be ne Krim nuk ka vlere.U perzu popullata ukrainase dhe ata qe mbeten votuan nen qyten e armes.Mos nenvleftesoni Ukrainen. Sa me shume te zgjase lufta, aq me shume po shkaterrohet Rusia. Sigurisht nuk mohoet fakti qe disa qytete po behen shkrumb e hi nga Ruset, ama fitore perfundimtare nuk do kete. Putini nuk kerkon neutralitetin e ish republikave te Bashkimit Sovjetik. Ai kerkon vasalitetin e tyre.
Le te marrin ne parade edhe nje divizion te nenave dhe grave te veshura me te zeza. Sic duken bathet e priftit tavarish Genti, Rusise deri ne korrik do ti bien pantallonat ne toke dhe do te perballet me vuajtjet qe u duk sikur u harruan keto 20 vitet e fundit.
Me patjetër, më shumë armatime për Ukrainën me shumë lekë për perëndimin.
Kjo ide per Krimene dhe Donbasin eshte propozuar nga Zelenski. Nuk eshte pranuar nga ruset. Krimea nuk ka qene pjese e Ukraines dhe as mendohet qe veprimi i dikurshem i Hrushovit te merret ne konsiderate. Putini kerkon kapitullimin e Zelenskit. Zelenski kerkon garanci nga Perendimi per nje marreveshje me Rusine. Kete Putini nuk ka ndermend ta pranoje.
Dmth o Gent ish republikat të bëhen gati të ulin pantallonat? Dhe pas tyre Putinit i hapet oreksi dhe mjerë kujt i bie radha për fushaten e radhës? Po të jetë kaq e thjeshtë kot që flasim dhe ne dhe Petreus bashkë por të mbajmë radhën si gjithë bota kur të na vijë.Putana këtë radhë më duket se ra ne " hundëlesh" dhe u bë rezil në sytë e botës. Me ato rangallat që i la rrugëve nuk tremb më as pulat prandaj përmendin vazhdimisht armët bërthamore. Perëndimi eshte shume para muzhikëve dhe kjo ishte një bllof që ju dogj në dorë putanes. Ishrepublikat tani kanë një shembull se çduhet të bëjnë : të tregojnë fytyrën apo shpinën.
Me demek, Amerika po i ul pendet, si pule me grip. Tiger prej letre. Rusia ka force te jashtezakonshme, sidomos me nje lider si Putin.
Cifuti Volodimir consideron “armik dhe pushtues” Vladimirin! E shikoni deri ku ka arritur Natua!
të vjen keq kur lexon këto që thotë një ish gjeneral dhe mbi të gjitha ish shef i CIA!! 99 vjet "honkong","makao" në krime?? a je tu bo shaka?? a thu se do mbetet ndonjë ukrainas pas 99 vjetësh në krime??e çfar do ti thuash ukrainasve pas 100 vjetësh,merrni rusët në ukrainë?? është e vërtetë që rusia ka më shumë mundësi për të zgjatur luftën,por në të njëjtën kohë,me humbjet që po pëson dhe do pësojë gjithnjë e më shumë,sepse ato shtohen dhe nuk paksohen me kalimin e kohës,me rënjen ekonomike nga sanksionet,me mundgesën e fuqisë financiare për të vazhduar një luftë për kohë të gjatë(armatimi nuk prodhohet pa para,ushtria nuk mbahet me lajme por me bukë,mjetet luftarake nuk mbahen me sllogane por me karburant)!! nëse rusët kanë për të humbur në atë luftë,ukrainasit kanë vetëm për të përfituar!! e dimë fare mirë se kjo nuk është një luftë ruse,por një luftë e një sociopati!ndryshe nga shumica e sociopatëve,që kemi parë deri më sot,më i tmerrshmi ka qënë hitleri!një sociopat me mundësi të jashtëzakonëshme për të shkaktuar shfarosje njerzore në nivel botror dhe jo luftë botërore,si dy të parat,nuk mund të lihet në pushtet!!nuk mund që për një jetë "normale" të lejohet një kriminel gjobvënës!! ky moment është një moment që duhet,në tërë kuptimin e fjalës,që të ndryshojë konceprin e drejtimit të shtetit dhe të shoqërisë njerzore!! jo vetëm duhet shfrytëzuar ky moment që sociopati i dha botës,por duhet çuar deri në fund!! çfardo që të jetë fundi! nëse do të pranohet kompromis,edhe sikur të lihet vetëm një gozhdë ruse në ukrainë,atëherë nuk do të bëhet gjë tjetër,veçse duhet llogaritur kafshimi i ditës kur do të ndodhë kafshimi i radhës!! nuk kalohet koha me shpresën "shpresojmë të cofë putini për të mos patur probleme"!! nëse veprohet në këtë mënyrë,atëherë do ti japim jetë Xi-së kineze,Donaldit amerikan,Zhairit brazilian,e gjithë ndyrësirave që pretendojnë të jenë Putinët e radhës!! rusia jo vetëm duhet të dalë nga ukraina,si nga atje ku ka bërë "referendum" dhe atje ku ka "vuajtur nga "nazistët",rusia duhet të largojë diktatorin e saj por dhe të ridimensionojë,deri në elemim total,të armëve atomike! ky është një moment që nuk duhet lënë të shpëtojë! do ketë sakrifica,në radhë të parë për ukrainën,dhe më pas ekonomiko financiare botërore,por ja vlen "barra qiranë"!