Te fundit
Ironia e Manjanit: “Me kodin që ka shkruar Arben Rakipi, edhe nëse ndjek modelin e tij, përfundon në burg”
5 Shtator 2025, 10:03Politika
TEMA
Ish-ministri i Drejtësisë, Ylli Manjani, ka reaguar me ironi ndaj deklaratës së Arben Rakipit, drejtor i Shkollës së Magjistraturës dhe një prej hartuesve të projektkodit penal, i cili publikisht është shprehur: “Jam model për t’u ndjekur”.
Manjani, përmes një postimi, thekson se nuk e shqetëson vetë deklarata në aspektin etik apo estetik, por fakti se kodi penal i hartuar nga Rakipi rrezikon të kufizojë lirinë e qytetarëve. Sipas tij, edhe nëse ndjek “modelin Rakipi”, përsëri mund të përfundosh në burg, për shkak të dispozitave të parashikuara në draft.
“Me atë produkt, nëse Parlamenti e miraton dhe Brukseli jep dakordësinë, shumë ndjekës të tij mund të humbin lirinë kot fare,” shkruan Manjani, duke shtuar se problemi nuk është te personaliteti i Rakipit, por te përmbajtja e projektit.
Ai ndalet edhe te Shkolla e Magjistraturës, duke e cilësuar si një institucion që nuk nxjerr profesionistë të lirë në arsyetim, por “jeniçerë ligjorë”, pasi sipas tij aty nuk lejohet interpretimi sovran i ligjit, por vetëm zgjidhje të gatshme të diktuara.
Postimi i Manjanit:
Arben Rakipi, drejtori i Shkollës së Magjistraturës dhe hartues i projektkodit penal, ka thënë publikisht se:
"... jam model për t'u ndjekur.."
***
Nuk dua asapak të merrem me arsyetime etike apo estetike të deklarimit të Tij. Në fund të fundit çdokush ka të drejtën e fjalës së lirë si kur flet për veten ashtu edhe për Belulin".
Por halli është se edhe nëse ndjek Arben Rakipin dhe modelin e tij, prap mund të hysh në burg me kodin penal që Ai ka shkruar.
Kështu që më shumë sesa modeli i Tij na intereson produkti skandaloz që ka shkruar. Me atë produkt, nëse Parlamenti e miraton dhe për hatër të Ulsiut Brukseli jep dakordësinë, mund të humbin lirinë kot fare shumë ndjekës besnikë në Benit. Ti lemë ata që nuk e ndjekin këtë model se ata e e kanë hak burgun e përjetshëm madje.
Ky është halli. Pra të ndjekim modelin dhe prap hamë burgun!!!
Gjithashtu, meqë jemi tek Shkolla e Magjistraturës, duhet të kuptojmë se ajo shkollë nuk më nxjerr gjyqtarë e prokurorë si interpretues të ligjit, por thjesht jeniçerë ligjorë.
Në atë shkollë nuk lejohet arsyetimi i lirë e sovran por diktohen zgjidhje të gatshme rastesh.
Diktimi nuk është shkollë. Aq më pak shkollë e nivelit të Lartë ku duhet të dalin profesionistë.
Nga aty dalin Jeniçerë.
Kështu që duke ndjekur modelin Rakipi bëhesh ose jeniçer juridik ose hyn në burg.
-----
Edhe njëherë, asgjë personale me askënd. Por produkti publik meriton koment dhe kritikë.
Bye.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O Manjani! Fol sa duash, kodi eshte bere gati dhe do miratohet! Gjasme do behen konsultime qe ngjajn me shume me ate historine e ... nuses me mbleseri kishte zene nusen e djalit nje zoteri dhe pasi i kishte pire kafen fejeses pyeste fshatin cfar vajze eshte... Ta gezojm Kodin se jemi mesuar neve, cdo vit bejm nga 5 nderhyrje ne kod dhe per 10 vite nuk mbetet asgje mga kodi i miratuar! Te fala eksperteve te kodit me ne krye Hulusiun
E megjitheate, Arben Rakipi eshte nje klysh nga familje komunistesh e spiunesh te lagjes Kombiant pra vitit 1990. Njerez te keqinj nga Cameria qe kane marre ne qafe shume njerez te thjeshte e te ndershem.
ligji nuk duhet te interpretohet o maliq manjani duhet te zbatohet qe eshte ndryshe nga cfare thua ti.. ngaqe deri tani eshte interpretuar pa jemi ktu ku jemi ne. ligji duhet te flasi qarte dhe mos te lere asnje mundesi interpretimi se ndryshe varet nga maliqi pastaj jo nga ligji. VK
Edhe pas kesaj ti suprimojm gjykatat dhe prokurorine se skan ca duhen, te kap polici, lexon ligjin fiks pa interpretim dhe te percalton sa burg do besh... Mire e ke, kursejm ca leke
Qerosi ka të drejtë ! Deri tash është vepruar jo duke zbatuar ligjin , por duke e interpretuar atë ! Manjani është qeros , po nuk ka të drejtë . Ligji duhet të jetë i saktë dhe i prerë , ndryshe interpretohet si ti dojë qejfi Dados e Bulonit , njëlloj siç e interpreton edhe Sali krimineli , i çertifikuar non grata .
Manjani perpara se te ironizoj e tefyej dike ,do te bente mire te jepte mendimin e tij per projekt kodin.Le te paraqes Z.Manjani nje projekt te tijin dhe do ta diskutonin te tjeret.Ky person qe i duket vetja shume i afte(ka qene edhe minister)le te veproj.Nuk mendoj se e kane penguar.
Ç' fare kontributi dhe per Drejtesine dhe Ligjet kur ishte Minister Drejtesie . Ti mbahesh mend per Tenderin e e Prangave elektronike.
Po kushedi kush e ka shkruajtur kodin e ri , se Arbeni ishte I mbaruar nga shendeti dhe nuk mund as te shkruaj as te mendoje ne ate gjendje.I gabuar qofsha por ketu paguhen te gjitha.Mendoni kete fund politiqene ,( ata qe vjedhin dhe vrasin) se eshte shume I afert per te gjithe.