Te fundit
Karikatura e “Duarve të Pastra”
13 Dhjetor 2023, 18:26Politika
TEMA
Nga Ylli Pata
Ka një batutë mjaft popullore te filmi kult i Viktor Gjikës “Nëntori i Dytë”. Kur një regjiment ushtarak osman, i cili përbëhej përgjithësisht nga shqiptarë i kërkoi Ismail Qemalit që të dorëzohej se kishin një mandat arresti, babai i shtetit shqiptar ju përgjigj: Kur arrestuat Abdyl Frashërin nuk ishit kaq të sjellshëm!
Kjo batutë flet në fakt shumë për raportin e shtetit me indvidin. Në Orient, edhe në mesjetë, rëndësi kishte koka e prerë, kurse në Europën kristiane, ky trofe u hoq. Edhe pse inkuzicioni ka djegur mjaft nga heretikët për një fjalë goje.
Edhe pse ka kaluar mbi 1 shekull, ende sot palët janë të ndara dhe nuk reshtin me dalje e rrjeteve sociale, së nxjerruri politikanët e parë të Shqipërisë që bënë atentate dhe vranë njëri-tjetrin. Kjo ndarje, sot është pa asnjë logjikë. Sepse jemi në një sistem të ri, të cilin na e solli dhjetori 1990, ku ata që morën pushtetin nuk se i vranë parardhësit, siç ndodhi në vitin 1944.
Në fakt e gjitha kjo ishte një mashtrim, pasi ajo elitë që erdhi në krye të vendit duke burgosur parardhësit, modeluan sistemin gjyqësor për të mos i prekur, edhe në i prekshin, për të mos i akuzuar, edhe në i akuzofshin, për të mos i dënuar. Ndryshe: vrasim 4,44, 444! Këto Sali Berisha i tha në janarin 2011, pas vrasjeve në bulevard.
Por kur erdhi në pushtet në vitin 2005, Berisha ka lobuar, ka diskutuar, edhe ka folur me personalitete të njohura të BE-së, në lidhje me sistemin e drejtësisë. Dhe madje ka dëshmi se Sali Berisha është angazhuar për një gjyqësor të drejtë dhe nisjen e një fushate antikorrupsion.
Ndaj edhe Berisha, fushatën e zgjedhjeve të vitit 2005 e bazoi te sllogani “Duart e Pastra”. Në dy vitet e para të pushtetit sulmoi kryeprokurorin e Republikës Theodhori Sollakun, duke e akuzuar se fle në dosjet e korrupsionit. Madje linçoi edhe presidentin e Republikës, Alfred Moisiu për hir të Sollakut. Nuk kaloi 2 vjet, kur edhe Sollaku, edhe Mosiu u larguan. Në krye të shtetit erdhi Bamir Topi dhe kryeprokurore Ina Rama. Të cilën Sali Berisha e quajti Silvia Konti. Por në momentin e parë kur u përball me një sfidë të madhe nuk hezitoi ta quajë lavire bulevardi.
Sot ne kemi disa padi zyrtare në SPAK ndaj Sali Berishës, të ardhura nga emra të rëndësishëm të mazhorancës, si Taulant Balla e të tjerë, që kanë marrë përsipër akuzat zyrtare. Por ka edhe të tjerë. Të cilat për 10 vite janë bërë pirg.
Kur Sali Berisha erdhi në pushtet në 2005, nuk bëri asnjë akuzë ndaj ish-qeveritarëve të PS-së, edhe pse në fushatë apo parlament nuk u la gjë pa thënë. Ishte pikërisht kjo marrëveshja e Berishës ndaj atyre që i konsideronte rivalë me fjalë, por me vepra i kishte aleatë.
Kurse çdo politikan që akuzonte atë dhe familjen e tij, i drejtonte topat e artilerisë së rëndë. Me nënë, motër e rob shpie. Edhe pse foli e erdhi në pushtet me logjikën e “Duarve të Pastra”, Berisha nuk çoi në akuzë asnjë nga personat që akuzoi në parlament e tribuna.
Shumë i ka sot aleatë. Ilir Metën të parin, Agron Dukën të dytin e të tjerë e të tjerë. Sot të gjithë që i ka pasur të akuzuar i ka mbështetës ndaj akuzave që i vijnë prej SPAK. Po kush akuzoi kë? Klani i Zemunit? Hajduti i floririt?
Ta bëj fytyrën të zezë si këpuca, popo! E flasim sot për duart e pastra…
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Me falni, por gazetari paska qene me temperature, kur e ka shkruar kete : "Por kur erdhi në pushtet në vitin 2005, Berisha ka lobuar, ka diskutuar, edhe ka folur me personalitete të njohura të BE-së, në lidhje me sistemin e drejtësisë. Dhe madje ka dëshmi se Sali Berisha është angazhuar për një gjyqësor të drejtë dhe nisjen e një fushate antikorrupsion." ?!?!?!?! A ka njeri me mend ne koke, te mos e dije qe berisha i hoqi gjithe themelet drejtesise e gjyqesorit sapo mori pushtetin ne vitet 90? Padashur apo i shpetoi situata per kete katastrofe ??? A ka njeri qe mund te besoje, se me 2005 qenka angazhuar per gjyqesor te drejte ??? Ju lutem, demagogjine e berishes per injorantet mos na i servirni si mos mbajtje fjale: e tha por nuk e beri. Ky demon i shqiptareve, gjithcka e ka ditur (dhe mbase ja kane mesuar), per se dhe kur do e beje. Ai eshte ZJARRVENES, jo karikature.
Sakte!
jo ZJARRVENES por VAMPIR qe ju piu gjakun shqiptareve.
Dhe imagjinoni që ishte ky Sali që në 92 zhduku gjënë kryesore Sindikatat e Pavarura dhe i fali Kështjella dhe Pallate dhe imagjinoni një vend pa Sindikata nuk është vend Demokratik
Keshtu ka pas puthur dhe doren e Dikatorit hoxha ! dhe nuk e lante se i mbante here me vite te tera ! se per tu lare normal qe nuk behej fjala..hahahahha Cfare gallate Estrade me kete pacavule ! gjyna pasurine do ja marin ! Burgun po e po ! do ju lutemi Gjykates vetem Valixhen e drurit qe mori me vete kure zbriti ne Tirane ! mos tja marin...Ta mabje si relike ne Burg..