Te fundit
“Kemi të drejtë të jemi pak xhelozë për Malin e Zi”, zbardhet biseda e Ramës me Presidentin e Azerbajxhanit
14 Prill 2022, 16:50Politika
TEMA
Kryeministri Edi Rama ndodhet në Azerbajxhan për një vizitë zyrtare ku është takuar me Presidentin Ilham Aliyev. Kreu i qeverisë ka shpërndarë në rrjetet sociale pamje nga momenti i takimit të tij me kreun e shtetit të Azerbajxhanit.
Aliyev është shprehur se përfaqësuesit e dy vendeve po zhvillojnë takime mbi portofolin më të gjerë të bashkëpunimit të dy vendeve sa i përket fushës së energjetikës.
Ndërkohë kryeministri Edi Rama u ndal edhe tek pjesa e turizmit. Kreu i qeverisë po ashtu u shpreh se pret me padurim që Presidenti Aliyev të vizitojë Shqipërinë.
Ilham Aliyev: Vizita juaj dëshmon edhe njëherë nivelin e lartë të dialogut politik mes dy vendeve tona. Jemi takuar shumë herë dhe kemi komunikuar përmes telefonit. Po kështu edhe gjatë aktiviteteve ndërkombëtare kemi shfrytëzuar mundësinë për t’u takuar me njëri-tjetrin. Natyrisht jemi këtu për të zhvilluar takime dypalëshe dhe për të diskutuar çështje të zhvillimit rajonal, po kështu do flasim edhe për çështje dypalëshe, ku do shkëmbejmë informacione dhe do të flasim për rritjen e qarkullimit tonë tregtar që është ,modest, por ka potencial për t’u rritur. Po kështu do të diskutojmë bashkëpunimin në sektorin e energjisë. Prej më shumë se 1 viti Azerbajxhani është bërë eksportues i gazit natyror drejt Europës. Shqipëria ka qenë mbështetëse e kësaj nisme. Përfaqësuesit tuaj të nivelit të lartë kanë marrë pjesë në takimet e Këshillit Konsultativ të Korridorit Jugor dhe kanë kontribuar për zbatimin e këtij projekti. Jemi në një ekip vendesh të cilat kanë zbatuar me sukses këtë projekt historik duke pasur parasysh rëndësinë e korridorit jugor të gazit dhe sidomos gazsjellësit Transatlantik. Përfaqësuesit tanë po zhvillojnë takime mbi portofolin më të gjerë të bashkëpunimit tonë në fushën e energjetikës që përfshin gazin natyror, furnizimet tranzite dhe energjinë elektrike. Është një pjesë mjaft e madhe e axhendës sonë dy palëshe. Ajo që është tashmë në proces bisedimesh do të sjellë si rezultat zhvillime të reja.
Edi Rama: Shqipëria ka qenë, është dhe do të jenë mbështetëse e Azerbajxhanit, e së vërtetës dhe të drejtës historike të Azerbajxhanit. Ne përgëzojmë përpjekjet tuaja të lavdueshme e shembullore për paqe dhe bashkëpunim afatgjatë me fqinjin tuaj Armeninë. Në të njëjtën ne jemi të dy të bekuar të kemi një urë të fortë mes nesh që është Turqia. Besoj fort se mund të bëjmë më shumë dhe ju e përmendët. Pres me shumë padurim që të dëgjoj dhe të shoh perspektivat dhe çfarë kanë arritur ekipet tona, qoftë në sektorin e energjisë dhe turizmit. Siç ju ka thënë disa herë, kemi disi të drejtën tonë për të qenë xhelozë për Malin e Zi sepse aty keni bërë një investim masiv dhe jo thjesht në kuptimin financiar, por edhe në kuptimin e modelit që është. Shpresoj që do të bëni të njëjtën gjë. Pres me padurim që të mbani fjalën dhe të vini në Shqipëri tani që Covid është zbutur një farë soji dhe rruga është hapur. Ndërkohë që prisja që ju të vini mendova pse mos të vija unë. Siç thuhet “kur mali nuk shkon dot tek Muhamedi, shkon Muhamedi tek mali”. Kështu që faleminderit shumë për këtë mikpritje të ngrohtë dhe presim me padurim që të lajmë borxhin në momentin që ju do të vini në vendin tonë.
19 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ahahha po mire e ka pse mos te investojne tek ne ca kemi mangut gjithe te mirat jane ne shqiperi
Shum mir qe i shpreh gjerat kaq hapur dhe qarte
Skenderbe te beri Elisa Spiropali ndersa vete u bere Profeti Muhamet. Idiot !
shqiperia gjithmon mbeshtet paqen gjithmon ka mbeshtetur paqen dhe kan qen kundra luftes
Vendosja e azerbajxhanit nder vendet mike te shqiperise do te ndikoj shume ne vend me mareveshje ne rradshin energjitik por dhe ne politiken e jashtme ,
Vizitat dhe takimet e zotit rama me keto shtete do te ndihmojne dhe do te ndikojne pozitivisht ne ekonomine e shqiperise dhe jo vetem
Afrimiteti me shtetet e tjera vetem te mira te sjell
Mikpritja e zotit rama nga presidenti i azerbajxhanit duhet tja kthejme dhe ne ne shenje vazhdimi te miqesise midis dy vendeve tona dhe vazhdimit te ratifikimit te marveshjeve ne ekonomi
Bashkepunimi edhe dialogu qe po kryeht besoj se do shjelli shume gjera pozitive edhe zhillime Si ekonomike ashtu edhe turistike
Le te shpresojme qe ky takim te ndikoje per mire ne vendin tone,dhe te mos ndihemi “xheloz” per Malin e Zi
Pallate i bukur presidenciale ehh ne Shqiperi mire qe beri diktatori dusa vepra me dhendrin e Serbise dhe malokerine ne do kapim afriken
Rama ka shume te drejte kur thote qe ne mund te jemi xheloz per Malin e zi sepse kemi dhene shume per dhe kemi punuar per te arritur ne konluzionin qe meritojme te arrijme me lart se disa vende te tjera.
Rama ka shume te drejte kur thote qe ne mund te jemi xheloz per Malin e zi sepse kemi dhene shume per dhe kemi punuar per te arritur ne konluzionin qe meritojme te arrijme me lart se disa vende te tjera.
Shoresojme te shohim sa me shume turiste azer ne shqiperi
Ne momentin kur punon dhe investon per te arrire lart dhe nuk e mer ate qe meriton ke te drejte te vije inat ose te jesh xheloz dhe ktu jam shum dakort me Ramen. Duhet t ishim shume me lart sec jemi ne krahasim me disa vende te tjera.
Mardhenia e mire me azerin na duhet prej tap se pse mos te perfitojme edhe ne prej atij projekti gjigand
Domethene i biri i Krishtit (Kristos/-aqit) na doli muhamed tani qe ia kerkon puna.....
Rama po ben te pamunduren per te forcuar marrdheniet me shtetet fshqinje
Shihe edhe nje here ate Kontraten me TAP, dhe na informo se kush e morri pjesen e luanit qe shqiperia nuk perfiton asnjegje nga ky transmetim gazi