Te fundit
Lulzim Basha tregon se cilët do të jenë në udhëheqjen e re të PD
9 Korrik 2023, 20:10Politika
TEMA
Lulzim Basha ka deklaruar se udhëheqja e re e PD do të formohet me një grup të ri ku do të marrin pjesë përfaqësues nga diaspora, të përndjekurit e ish-pronarët.
Duke publikuar pjesë të diskutimit nga një takim në degën e Fierit, Basha tregon se PD do të heqë të gjithë ata përfaqësues që kanë lidhje me krimin e organizuar dhe korrupsionin.
Postimi i Bashës
Riorganizimi i Partisë Demokratike dhe përgatitja për përballjen e ardhshme elektorale me kundërshtarin tonë politik, kalon përmes hapjes, modernizimit dhe fuqizimit të çdo strukture. Përfshirja e të rinjve, e diasporës, e profesionistëve me integritet, e shtresave që historikisht kanë përbërë ashtin e forcës sonë politike, të përndjekurit dhe pronarët, do të jetë në qendër të procesit që kemi nisur. Të vetëdijshëm se shkëputja nga anët e errëta të të shkuarës sonë çel rrugën për një parti edhe më përfshirëse se më parë, në aleancë me qytetarët dhe partnerët ndërkombëtarë, do të ofrojmë një alternativë të vlerave me një projekt të qartë ndryshimi, që vetëm Partia Demokratike mund ta garantojë.
Beteja e drejtë dhe rëndësishme që ne kemi zhvilluar për miratimin e ligjit të Dekriminalizmit duhet çuar edhe më tej, në mënyrë të tillë që ngjarjet e tmerrshme si ajo e Fushë Krujës të mos përsëriten dhe integriteti i të zgjedhurve të mos cënohet nga përfshirja e kriminelëve të lidhur me pushtetin. Për këtë arsye vetting-u për politikanët është sot një prioritet për të siguruar që institucionet të drejtohen nga njerëz që votohen për të shërbyer në interes të qytetarëve, jo të bandave.
Ky është modeli për të cilin Partia Demokratike qëndron me vendosmëri, sepse besojmë fortë se pusheti u përket qytetarëve të ndershëm të këtij vendi dhe ata duhet të jenë të lirë ta ushtrojnë larg modeleve destruktive që kanë shkatërruar zgjedhjet dhe përfaqësimin politik.
Pastrimi i politikës nga çdo lidhje me krimin dhe korrupsionin, garantimi i garës përmes listave të hapura, kufizimi i mandateve dhe vota e diasporës do të ndryshojnë rrënjësisht cilësinë e vendimmarjes në çdo nivel të politikës shqiptare, duke përmirësuar përfaqësimin e qytetarëve dhe garantuar që në zyrat e shtetit të shkojnë njerëz me integritet, përgjegjshmëri dhe besueshmëri, që mëshirojnë vlera dhe veprojnë në shërbim të interesit publik.
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
uahahahahahahah .keshtu s'i shpetohet Drejtesise more babalesh
dhe kush flet? Njeriu i trete ne nlisten e politikaneve me te korruptuar pas Sali Berishes dhe Ilir Metes?!
Po shurua turu murua do jene ne udheheqje.
LUL LEGJNDA IS BACK
O Bashuk po kush je ti qe do luftosh korrupsionin nje super i korruptuar si ti nuk lufton po e stimulon korrupsionin dhe krimin ti nuk e koncepton dot ligjin ti di vetem ligjin e instruktorit tende Bishes dhe ai po te bene prape K te PD beni sikur ziheni po mos kujto o vemie injorante se do behesh ndonjeher KM ti je karte e diegur nga te gjitha drejtimet.
Kur degjon cfare flet populli thote te lumet ne ,por kur kujtohen veprat e tua si minister ne bashki dhe se fundemi si kryetar i I PD,sngelet me then per popullin ne se vjen ne qeveri te mjeret ne.
Ky ka qene shpikesi i vjedhjes kur je ne opozite,merre me mend çfarë ben ne pushtet me kunatin.Merre me mend kaq poshte ka rene PD sa ky do te jete kandidati kryesor per kryetar