Te fundit
Ministrja Xhaçka: Fredi Beleri i barabartë para ligjit, Athina të presë shfaqjen e fakteve
12 Maj 2023, 15:00Politika
TEMA
Ministrja e Jashtme Olta Xhaçka ka reaguar për arrestimin e Fredi Belerit, kandidat për kryetar bashkie të Himarës, dhe thotë se blerja e votës është shkelje e rëndë në legjislacionin shqiptar.
“Blerja e votës është një shkelje e rëndë në legjislacionin tonë dhe të gjitha institucionet e zbatimit të ligjit kanë prioritet luftimin e saj gjatë kohës së zgjedhjeve. Kjo vlen për të gjithë qytetarët e Republikës së Shqipërisë, përfshirë vëllezërit dhe motrat e minoritetit grek që marrin pjesë në zgjedhjet tona”.
Xhaçka thotë se Fredi Beleri nuk meriton trajtim të veçantë dhe është i barabartë përpara ligjit. Ministrja e Jashtme i përgjigjet edhe Athinës zyrtare, duke i kërkuar që të presë me durim faktet dhe drejtësia shqiptare të mos veprojë nën presion.
“Kandidatura e shtetasit shqiptar, Alfred Beleri që kandidon për zgjedhje nga bashkëqytetarët e tij, nuk kërkon ndonjë trajtim të veçantë. Ai është i barabartë para ligjit si kushdo tjetër. I takon vetëm prokurorëve dhe gjyqtarëve që ta trajtojnë këtë çështje në përputhje me provat.
Me respekt, u kërkojmë miqve tanë grekë në Athinë që të monitorojnë nga afër e me durim zhvillimin e çështjes, duke lejuar drejtësinë shqiptare të kryejë punën e saj, pa presione të jashtme apo mesazhe përçarëse. Është mirë të mbajmë të informuar Brukselin, por duhet të presim edhe shfaqjen e fakteve”, thuhet në reagimin e ministres së Jashtme Olta Xhaçka.
1/3 Vote buying is a grave offense in our legislation, and our law enforcement agencies prioritize combating it during election time. This applies to all citizens of the Republic of Albania, including our Greek minority brothers and sisters participating in our elections.
— Olta Xhaçka???????? (@xhacka_olta) May 12, 2023
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Komisioni Zgjedhjeve ti kerkoj SPAk akuzen, dhe nje sasi provash, kete duhet ta beje urgjentisht, te raportoj edhe perfaqesuesit e monitorimit zgjedhjeve OSBE. Ka mundesi qe keto para te financohen nga Greket, prandaj Qeveria Greke ben presion. Kjo duhet bere para zgjedhjeve. Njerezit duhet te qartesohen.
Kryebashkiaku Jorgo Goro dhe Këshilli Bashkiak i Himarës, më 4 nëntor 2021 kanë miratuar resortin “Dreamades Luxury Suites” në Gjilekë, por vendimi është zhdukur nga arkiva, pasi sipas informacionit, qiraja për 5200 m2 plazh i është caktuar 3 lekë/m2 në muaj; taksa e infrastrukturës 3% e investimit i është falur, ndërsa 5 taksat lokale nuk do t’i merren për 30 vjet, me justifikimin se do punësojë banorë të zonës