Te fundit
VIDEO/ Në PD i tremben pjesëmarrjes, të gjithë ftojnë demokratët të dalin në votime, por askush nuk di të thotë sa anëtarë ka partia
23 Maj 2026, 11:20Politika
TEMA
Në garën me kandidat të vetëm Sali Berishën për kryetar partie, duket se në Partinë Demokratike ekziston një frikë më e madhe: mungesa e pjesëmarrjes në votim nga anëtarësia.
Ditën e djeshme, eksponentë dhe drejtues të degëve të PD i bënë thirrje demokratëve për të dalë në votime për të rikonfirmuar Berishën. Sot, po ashtu, deputetë të PD që votuan qëllimisht herët kanë bërë të njëjtën thirrje.
Megjithatë, askush nuk ka mundur (ose s'ka dashur) t'i japë një përgjigje pyetjes se sa anëtarë me të drejtë vote ka PD. As vetë Sali Berisha nuk iu përgjigj dje kësaj pyetjeje, duke e lënë të panjohur numrin e saktë të anëtarëve që mund të votojnë sot.
Sot në mëngjes, deputeti i PD, Eno Bozdo, pasi u bëri thirrje demokratëve që të shfaqin vullnetin e tyre për të hedhur votën për Berishën, kur u pyet nga gazetarët e la pa përgjigje pyetjen sa anëtarë ka PD.
Por, a është ky një truk që, në fund të ditës, të fshihet pjesëmarrja reale e anëtarësisë në konfirmimin absolut të Berishës në krye të PD?
Bozdo: Ftoj demokratët të dalin me votën e lirë dhe të shfaqin vullnetin e tyre.
Gazetarët: A është zgjedhja më e mirë e mundshme me një kandidat? A do ishte më mirë të kishte edhe kandidatë të tjerë?
Bozdo: Asnjë kandidat që nuk plotëson kushtet nuk ka pse të jetë në garë. Më mirë të kemi një proces politikisht i vlefshëm sesa një garë me kandidatë që janë aty thjesht për të plotësuar numrin; kjo do ishte thjesht një farsë. Kjo është mënyra më e mirë; votimi i fshehtë po zhvillohet normalisht në çdo degë.
Gazetarët: A është normale të mos dihet numri i anëtarësisë?
Bozdo: Numri i anëtarësisë dihet.
Gazetarët: Sa është?
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Eshte ky bolja me dy NN enno. Hommo sapiens sapiens shikoje fytyren sa afer qendrone me préhistoiriket ky clochard.
Ky qoftja ha buken kot ne PD.
Hë mo çfarë rëndësie ka për të ditur numurin e antarësisë, ka aq anëtarë sa do shefi i tyre. Kush do ti numërojë është urdhëruar të raporoojë sa u është thënë. Të "rrojë sa malet" PD dhe shefi i tyre. Sa më shumë ta zgjasë kryetarllëkun aq më shpejtë do shkojë pë lesh ajo parti.
Ore budallej,filozofe, anal-iste etj etj pervec nje grupi te ngushte rrogtaresh asnjehere ska patur antar PDH-ja