Te fundit
Nga takimi me krerët e shtetit te dekreti për Kadarenë: Zbardhet agjenda dy ditore e Osmanit në Tiranë
3 Shtator 2023, 20:30Politika
TEMA
Presidentja e Kosovës, Vjosa Osmani, ka udhëtuar drejt Shqipërisë me ftesë të homologut të saj Bajram Beqaj.
Sipas njoftimit për media të zyrës së presidencës, Osmani gjatë vizitës dy ditore në Shqipëri do të pritet me nderime të larta shtetërore nga Begaj.
“Pas takimit, të dy presidentët do ta mbajnë një konferencë të përbashkët për media, ndërkaq në mbrëmje Presidenti Begaj do të shtrojë darkë shtetërore për presidenten Osmani dhe delegacionin nga Kosova”, thuhet në njoftim.
“Presidentja do të shoqërohet nga Zotëria i Parë Prindon Sadriu, i cili gjatë ditës do të vijojë me agjendë të përbashkët me Zonjën e Parë të Shqipërisë, Armanda Begaj”.
Gjatë kësaj vizite, Osmani do të takohet edhe me kryeministrin e Shqipërisë, Edi Rama, derisa pas takimit, presidentja me delegacionin e saj do të priten në drekë zyrtare nga kryeministri Rama.
Ajo po ashtu do të pritet në takim edhe nga kryetarja e Kuvendit të Shqipërisë, Lindita Nikolla.
“Në agjendën e presidentes Osmani është edhe një aktivitet i përbashkët i dy presidentëve me rastin e Ditës së Nënë Terezës në ekspozitën e Arkivave në Presidencën e Shqipërisë. Po ashtu, në Tiranë Presidentja do të ketë edhe një takim me grupin e grave deputete, vizitë te Muzeu i Gjetheve dhe aktivitete të tjera”.
Në kuadër të kësaj vizite shtetërore, Osmani në një ceremoni do t`ia dorëzojë dekretin e nënshtetësisë së Kosovës, shkrimtarit me famë botërore, Ismail Kadare.
Agjenda do të vijojë në qytetin e Beratit, ku pas takimit me kryetarin e Bashkisë, Ervin Demo, presidentes do t`i dhurohet titulli më i lartë i qytetit “Patroni i Kalasë”, e më pas do të vizitohen Kisha e Shën Mërisë dhe Muzeu Onufri.
Ndërsa në Durrës, Osmani do ta ketë një takim me kryebashkiaken e Durrësit, Emiriana Sako dhe do ta vizitojë Torrën Veneciane dhe Zyrën Doganore të Kosovës në Portin e Durrësit.
10 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Harruat aktivitetin kryesor te baromit me osmanllijen kosovare; HARAM_IFTAR,qe do te celebrohet ne presidens tabir-saraj,ku do te asistoj dhe dylber kryevezir raja ramiu,qe ka vite,qe ndihet i bere synet,nga lart dhe poshte.
Kjo po eshte pune Presidente e Kosoves dhe President i Shqiperise zero pune dhe vetem lodhje per dreka dhe darka, nuk u del koha per te tretur ate cfare kane ngrene se vjen ngarkesa e shpejte e rradhes per te rimbushur plencin.