Te fundit
Ngjela: Fatos Nano, politikan me personalitet! Krijoi parti moderne përballë Saliut pjesë e PP
31 Gusht 2023, 14:11Politika
TEMA
“Fatos Nano krijoi një parti moderne nga partia më konservatore e më ‘injorante’ e serës së majtë në Europë”, ky është vlerësimi i avokat Spartak Ngjela për liderin historik, themeluesin e Partisë Socialiste i cili prej një jave vijon të jetë i shtruar në reanimacion.
Në një intervistë për Report Tv, Ngjela thotë se Nano arriti të krijonte një parti moderne socialdemokrate duke dhënë një ndihmesë të madhe në demokracinë e vendit dhe se historia duhet të shkruajë për rolin e tij në sistemin politik shqiptar.
“Nano kishte personalitet. Krijoji një parti moderne nga parti komuniste e bëri socialdemokrate, nga parti me shekuj prapa e solli në kohën tonë e pas saj u bë e fortë.
Dhe ja ku e kemi ende në pushtet. Jo se PS po tregohet intolerante ndaj demokracisë brenda vendit por brenda partisë së vet nuk ka konflikt. Historia duhet ta trajtojë këtë cështje'', tha Ngjela.
Ngjela kujton vitin 1991 kur Nano u zgjodh kryetar i PS-së.
“Kur e pashë që u zgjodh kryetar nuk kisha shumë besim por kur pashë që brenda 3 ditësh eliminoi byronë që vinte nga Partia e Punës (PP) e kuptova që kishte personalitet. Të gjithë reformat e brendshme që mori e la hapësirë të madhe debati e kuptova që do krijonte një parti moderne. Përballë tij ishte një parti me Saliun pjesë e liqenit të vjetër të Partisë së Punës", tregon Ngjela për Report Tv.
Në Mars 1992 Partia Demokratike fitoi zgjedhjet dhe një vit me pas Fatos Nano u burgos pasi u akuzua për korrupsion dhe abuzim detyre nga gjykata.
Një tjetër shenjë se Fatos Nano ishte një politikan modern ishte dhe fakti që kur u bë kryeministër nuk u hakmorr ndaj Sali Berishës.
“Kur e mori Nano u kuptua që do të kishte një frymë të re. Nuk u hakmorr me Saliun pavarëisht se Saliu e kishte burgosur me budallalliqe dhe gjykatë injorante që e akuzoi Nanon për vjedhje në favor të të tretëve. Edhe një student i vitit të tretë të juridikut do të qeshte.
Se nuk ka vjedhje në favor të të tretëve. Ka bashkëpunim. Ajo doli nga burgu riformoi më fort PS. Krijoi principet e para të partisë socialdemokrate", tha ai.
Ngjela ia dedikon Nanos dhe faktin që PS sot është një parti e fortë.
"Rama nuk është në nivelin e Nanos. Kryeministri aktual ka frikë. Nano nuk kishte frikë. Rama nuk lejon konkurencën e brendshme. Jeni gazetarë investigoni. Nuk e lejon Rama idenë kundër siç e lejonte Nano.
Një parti është konkurencë individësh në të njëjtën parti ku secili tenton për të qenë kryetar. Kjo është norma 1 e politikës. Mos shikoni partitë mesjetare ku njëri lë djalin e tjetri vajzën.
PS është Partia më e fortë, i fiton prapë zgjedhjet por nuk ka konflikt demokratik të brendshëm. Kjo shterpëzon partinë për të mos patur ide”, shtoi Ngjela.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Partia socialiste sot eshte partia me e prapambetur ne europe, patjeter qe vishen bukur dhe zgjedhin fjalet dhe eventet, por parimet demokratike jane varrosur. Nje njeri qe vendos gjithcka, shoke e shoqe kush sillen me mire kapin poste. E njejta gje dhe veliaj, shoke e shoqe shkratisen neper poste. Mos prisni ndryshim, me keq do e katandisin.