Te fundit
17 deputetët e PD-së që kërkojnë hapjen e dosjeve të ish Sigurimit të Shtetit, grupi i Foltores nuk firmos. A rrezikohen Berisha dhe Meta?
8 Shtator 2022, 10:52Politika
Nga Adriatik Doçi
Krahas socialistëve, të cilët kanë depozituar dy nisma ligjore për verifikimin e politikanëve që kanë marrë certifikata pastërtie nga komisionet Mezini-Bezhani si dhe për largimin e spiunëve të ish Sigurimit të Shtetit nga Kuvendi dhe politika, 17 deputetë të Partisë Demokratike kanë firmosur dhe depozituar një projektligj në Kuvend, për hapjen e dosjeve të ish Sigurimit të Shtetit. Kanë firmosur nismën për të hapur dosjet e ish Sigurimit të Shtetit deputetët Enkelejd Alibeaj, Helidon Bushati, Orjola Pampuri, Jorida Tabaku, Dhurata Çupi, Kreshnik Çollaku, Lefter Gështenja, Andia Ulliri, Arbi Agalliu, Saimir Koreshi, Dashnor Sula, Merita Bakiu, Tomor Alizoti, Selaudin Jakupllari, Bledion Nallbati, Zheni Gjergji dhe Flamur Hoxha,
Bie në sy se grupi i Foltores, rrjedhimisht i Sali Berishës, nuk ka firmosur nismën ligjore për të hapur dosjet e ish Sigurimit të Shtetit. Për herë të parë, Partia Demokratike ndahet edhe sa i takon dosjeve të ish Sigurimit të Shtetit, një çështje e përdorur për shantazh dhe gjueti shtrigash, por që faktorët politikë kanë deformuar, penguar dhe sabotuar çdo nismë ligjore gjatë tre dekadave për hapjen e dosjeve të ish Sigurimit të Shtetit. Nisma ligjore parashikon një shtesë në nenin 13 të ligjin e vitit 199 për informacionin sekret shtetëror, duke deklasifikuar të gjitha dokumentet e ish-Sigurimit të Shtetit, me përjashtim të dokumenteve që lidhen me marrëdhëniet ndërmjet shteteve dhe sigurinë kombëtare.
“31 vite pas rënies së regjimit komunist, qytetarët shqiptarë kanë të drejtë të mësojnë të vërtetën e plotë të asaj që ishte diktatura më e egër dhe me çnjerëzore, jo vetëm në historinë e Shqipërisë, por edhe të Evropës e më gjerë. Zbardhja e plotë e së vërtetës lidhur me atë që ishte dhe përfaqësonte regjimi komunist nuk mund të kuptohet pa zbardhur atë pjesë të historisë që ishte ana më e errët e saj, pikërisht Sigurimi i Shtetit. Kjo strukturë përfaqësonte frikësimin, dhunën dhe terrorin që shteti diktatorial kërkonte të depërtonte në mendjen e çdo qytetari shqiptar, për të parandaluar çdo lloj përpjekje kundërshtie apo revolte. Në këtë rast është e qartë se e drejta, interesi dhe mundësia për të mësuar të vërtetën historike të Shqipërisë së viteve 1944- 1991, prevalon mbi nevojat që mund të ketë shteti për ta mbajtur këtë informacion të klasifikuar.
Megjithatë, hartuesit e projektligjit janë treguar mjaft të kujdesshëm duke përjashtuar nga aplikimi i kësaj dispozite, ato dokumente të ish-Sigurimit te Shtetit që lidhen me marrëdhëniet ndërmjet shteteve dhe sigurinë kombëtare”, thuhet në relacionin shpjegues.
Ky projektligj, është shoqëruar nga një tjetër nismë ligjore për dekomunistizimin e shtetit dhe politikës në Shqipëri, duke e çuar kështu në katër numrin e projektligjeve për zbulimin dhe ndëshkimin e spiunëve të ish Sigurimit të Shtetit. Ish-deputeti Spartak Braho tha dje në Report Tv se edhe Sali Berisha ka një dosje si bashkëpunëtor me ish-Sigurimin e shtetit.
“Berisha ka dosje, ka qenë ish bashkëpunëtor, siç ka pasur edhe Rama edhe Meta, po këto jo si bashkëpunëtor. Berisha ka qenë bashkëpunëtor i mirëfilltë. Ka politikanë aktiv që kanë qenë bashkëpunëtor të Sigurimit të Shtetit, në qeverinë e parë të Berishës në 1992, që kishte rreth 28 ministra, 9 kanë qenë bashkëpunëtor të Sigurimit”, tha Braho.
Ndërkaq, Autoriteti për Informimin mbi Dokumentet e ish-Sigurimit të Shtetit, përmes një dosje referuar në Kuvend, e ka hedhur poshtë këtë certifikatë sigurie të Ilir Metës, duke e implikuar në ish Sigurimin e Shtetit. Sipas Autoritetit, Ilir Meta ka bashkëpunuar me ish Sigurimin e Shtetit, duke spiunuar edhe shokun e tij, Filip Talo. Autoriteti kërkoi heqjen e pengesës ligjore për të verifikuar Metën dhe të gjithë ata që tundin certifikatat e pastërtisë së figurës.
Si Berisha, ashtu edhe Meta kanë mohuar që të kenë qenë bashkëpunëtorë me ish Sigurimin e Shtetit. Mbetet për t’u parë nëse dyshja do të votojë apo jo nismën për hapjen e dosjeve të ish Sigurimin e Shtetit. (Shqiptarja.com)
10 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ne Berishen e pare e di me siguri matematike qe ka qene Abdyl Xhaja bashkepunetor i digurimit te shtetit.
Saliu i ka rregulluar dosjet e tija dhe te familjes sipas qejfit. Sot Berisha eshte i sigurt pasi nuk ka lene asnje fakte.
Duhet te ishin hapur qe me 1992. Platforma qe ka nenshkruar Sali Berisha me Ramiz Aline e Xhelil Gjonin, ishte qe Ramizi do kontrollonte ppushtetin e " Ri Demokratik" me ane te spinave pluralizem alla Ramiz Prandaj jemi ketu sh.b.a.eshte kujtuar shume vone. Plerat kane patur pushtet ptu fare e keqe spiune qelbesira.
Tamam e ke thene Kujtim. Skema katowica e ramiz pleres. Po i vuajme pasojat rende fare. E njerezit prape nuk kuptojne.
Se cfare ka qene regjimi komunist dhe vecanerisht arma e tij kriminale, ose sicc e ka quajtur diktatori, tehu i shpates i Partise, e dinin me mire ata qe i kane vuajtur fiizikisht dhe shqirterisht bemat e tyre. Nje nga arsyet pse shqiptaret u gezuan me renien e atij regjimi ishte shpetimi nga ajo e keqe e madhe. Po nuk qe e thene; fara e keqe e sigurimsave dhe spiuneve te tyre, u strehuan ne partite e ndryshme, parlament, qqeveri, administrate e kudo. Dhe bashke me faren me te keqe nga armaata e komuniste kjo "ushtri", uzurpoi, sipas platformes katoviciane ramiziste, cdo gje. Ne krye te te gjithe kesaj rokopuje te quajtur 'demokrtike' ishte emisari i R. Aalise, Saleh Berisha, komunisti antikomunist, qe sipas Havelit ishte dhe eshte ende komunisti me i Zi. Pas 1992 sidomos, Ishte dash pastrimi i 'haurit te Avgjise' hoxhiste, por kjo nuk mund te behej nga ata qe e mbushen ate haur me pleh 45 vjecaar. Duhej nje 'Herkul', po ky nuk mund te gjendej ne Shqiperi. Ndaj dhe kete tranzicion postkomunist, e udhehoqen jo te duhurit. Dhe kemi mberitut qe sot, mbas 30 vjeteve te flitet ende per despiunizimin dhe dekomunistizimin e jetes politike dhe shoqerore ne Shqiperi. Por edhe pse me dhimbje, ani! Me mire von' se kurre! Urojme nismen e ndermarre nga parlamentaret, por te presim materializimin e saj, sepse sicc proverbi na meson, 'kur digjesh nga qulli i fryn dhe kossit!'
Fix. Skam asnje koment shtese veç thirrjes te bashkohemi te gjithe pavaresisht bindjeve politike per tr pastruar atdheun nga funderrinat we mos na mallkojne femijet tane
Mesa duket puna Agush Habib Burgiba me hanxhar ne dore po shkon drejt fundit te perjetshem politik dhe ben garipin me lristat e haremit te Jales se brenda Shtatorit do rrezoje Ramen. Ti rruaje bishtin Rames ky spiun i felliqur i sigurimit te shtetit.
Ku eshte firma e BASHES,SALIANIT,GJEKMARKAJT,GRIDES?Po dalin zbuluar ne lojen e tyre
Po, po dalin zbuluar, po tregojne fyturen e vertete prej funderrinash